ونستاهل..
ونستاهل..
تكون خطاوينا معدومه
ونتكلم..تعبنا حديت
وأحزاننا
حيطانها تملى ملمومه
غـُلـُبت انده على حلمى
أشوف عربى مع العربى
لاقيته سراب
وراح ابكى
على عمرى اللى ضاع وحدى
وفوقه تراب
واقولك إيه..ما بتحسش!!
بدم شبابى واصحابى
ودوارنا اللى جم هّدوه
على راسنا
وفى ترابه
تلاقى دم إبنى يتوه
و واللهِ
يضيع ابنى..ومش هابكى
ولو ميه من اولادى إجم دفنوه
وهستأوىَ
وهتشوفوا فينا مين اقوى
بَلا اخوانى..بَلا عروبه
تملى حقوقى منهوبه
وهىَّ الخيه منصوبه
وهاتكسر
على ولادى..اه هاتحسر
وحبَّه الحلم يتبخر
ودم ولادى ينغـُزنى
يقول نِسْيــِتْ أوام حضنى
وضَحـِّتْ بيه
تعالى ياللا من تانى
مع نفسِك
وبس بأقول مع نفسِك
ولا تظنـِّى
الكرامة تموت
هترجع بينـا وحدينا
وبجراحنا تلمـِّينا
وييجى اليوم
وهتقولى ابنى قالهالى
هترجع
بس بأيدينا
