بتقدر تبعد ليه

لما تكون بتحب حد وتقدر تبعد عنه من غير اسباب مقنعه او حتى بأسباب تافهه يبقى سيادتك مش بتحبه
ليه بقى ؟؟؟ ببساطه لان لما بتحب حد مش بتقدر تستغنى عنه حتى لو ساعة
يعني لما يبعد عنك ساعة تحس انه واحشك وتبقى هتتجنن وتشوفه او تكلمه لانك مبتقدرش تستغنى عنه
لكن لو قدرت تستغنى عنه ليوم واحد يبقى هتقدر اسبوع وهتقدر شهر وهتقدر سنة
يعني بعدك عنه سهل بالنسبالك يعني برده مش بتحبه
او حبك ليه موصلش للحب اللي المفروض يكون اخرته ارتباط
يعني لما تيجي تحب وترتبط يبقى الانسان اللي معاك ده مستحيـــــل تبعد عنه يوم
ممكن تحب اكتر من حد في حياتك بس درجة حبك ليهم بتختلف اكيد
لكن مقياس ارتباطك بحد فيهم ايه ؟؟؟
مين اللي مش هتقدر تستغنى عنه يوم ؟؟؟ ده انسب حد ترتبط بيه
يعني لما تيجي ترتبط كده لازم تفكر في ايه "هقدر ابعد عنه يوم؟؟"
وعلى حسب اجابتك بقى هتقدر تحدد اذا كان ارتباطك بالحد ده صح ولا لأ
طبعا انا متكلمتش في حتة انه المفروض انه يبقى مناسب ليك ماديا واجتماعيا وثقافيا ... الخ
انا هنا هعتبر نفسي بفاضل بين اتنين الي حد ما مناسبين في الحاجات اللي انا قلتها دي
يبقى باقي اخر وجة مقارنه اللي هو مش هتقدر تستغنى عن مين فيهم
يا جماعة لو حبيت حد وبعدك عنه كان سهل بالنسبالك يوم ولا اسبوع ولا شهر
تأكد انك مبتحبوش ... او مش ده الحب اللي اخرته ارتباط
الجملة دي عجباني جداااااااااا معناها حلو اوي
Love isn’t when u can imagine spending ur life with
someonebut it’s when u can’t imagine ur life without him
فعلا الحب هو انك متقدر حتى تتخيل حياتك من غير الحد ده
مش انك تتخيل انك مش هتقدر تعيش حياتك من غيره
يعني حياتك من غيره اصلا متنفعش
ولو تنفع يبقى ساعتها تفكر هتعرف تعيشها ولا لأ
بس اكيد لما تحب حد مش هتعرف تفكر لحظه حياتك من غيره هتبقى شكلها ازاي
لانك هتبقى عارف ان مفيش حياة من غيره اصلا
طيب ده لو بعدك عنه من غير اسباب ... طيب لو بعدك عنه بأسباب ؟؟
يبقى "واجب عليك" انك تخليه يشاركك في مشاكلك
ولاحظوا اني قلت "واجب" لان حياتك من اللحظه اللي ارتبط بيها فيه
مبقتش بتاعتك لوحدك مبقتش حر فيها زي الاول ... بقى ليك فيها شريك
يعني يوم ما ترتبط بيه تبقى عارف ان في حد هيشاركك حياتك في كل كبيرة وصغيرة
طبعا انا مقصدش انه هيبقى متسلط
في الاخر بقى ... لو بتحب حد وبعدك عنه بالنسبالك سهل أيا كانت مدة بعدك دي
يعني حتى لو بعدت عنه يوم وحسيت ان حياتك من غيره ماشيه عادي
بتاكل وبتشرب وبتنام عادي وبتخرج وبتتكلم يعني حياتك بيه زي حياتك من غيره
يبقى الحد ده مالوش مكان في حياتك
يبقى الاوّلى انك ترتبط بحد تحس انك متقدرش تستغنى عنه يوم واحد
واعتقد برده لازم يبقى في تكافؤ
يعني مش واحد ميقدرش يعيش من غير التاني والتاني مش فارقة معاه
لو في واحد منهم يقدر يعيش حياته من غير التاني تبقى برده مشكلة
اكيد التاني ده هيلاقي في يوم من الايام اللي ميقدرش يعيش حياته من غيره
والاول برده اكيد هيلاقي حد كده ... ويبقى الاتنين نجحوا في ارتباطهم
هو انا كلامي صح ولا ايه ؟؟؟؟؟

صح جدا جدا بس ده مع الحب اللى بجد
الحب اللى بيربط اتنين ويخليهم واحد لدرجة انهم مايقدروش يبعدوا عن بعض ولو دقايق
بس لو الحب ده اتوجد يبقى فعلا استحالة يفترقوا او حتى فكرة البعد تسيطر على حد فيهم

(يعني مش واحد ميقدرش يعيش من غير التاني والتاني مش فارقة معاه)

ده اسمه الوهم
مش الحب


الفكرة بسيطة اوى
لو دورنا على اسباب تبعدنا عن بعض
يبقى شوووور هانبعد فى يوم من الايام

ولو دورنا على اسباب تقربنا من بعض
ماعتقدش فى يوم هايجى علينا ونتفرق

ويلكم باااااااك

لما تكون بتحب حد وتقدر تبعد عنه من غير اسباب مقنعه او حتى بأسباب تافهه يبقى سيادتك مش بتحبه
ليه بقى ؟؟؟ ببساطه لان لما بتحب حد مش بتقدر تستغنى عنه حتى لو ساعة


توبك هاااااايل بس ليا تعليق ممكن البعد يكون باسباب مقنعه جدا بالنسبه للطرف التاني واسباب مينفعش تتحكي خاصه بيه هو والاسباب الظاهريه بقي الي الطرف التاني بيحاول يصلحها الي قدامك مش عايز يتغير طول عمرو مش عايز يتغير يبقي ليه تفضل اصلا معاه طلما انتم متنفعوش لبعض ولو الطرف التاني مش قادر يستغني عن الطرف الاولاني لو كان بيحبو فعلا كان اتغير مش كدا ولا ايه واي اسباب عند الطرف التاني مخلياه يقدر عادي جدا يبعد ولا فدماغو عاااادي هيتعب نفسو ليه اساسا مع حد هيفضل كدا مهو يمكن بقالو كتير بيحاول يغيرو ومنفعش علم ف المتبلم يصبح ناسي يبقي كبر دماغك وانسي اي حاجه تزعلك لان الطرف الاولاني مكبر بردو هو الموضوع هايل بس ناقصو شويه حاجات ودي بعض من الحاجات دي ميرسي يا ميمارو اه افتكرت حاجه مظنش في العالم الي عايشين فيه دا فيه حب حقيقي اصلا دا كلام افلام يمكن

صح الحاجه الوحيده اللى الصح
مفيش في الزمن ده
او تقدري تقولي كان فيه وخلص

اه صحيح شكرا علي ردك