حملة - مش بفلوسى يا معلم -

NoT wiTh My MoNeY



هذه الحملة تمثل احتجاجا على المحتوى الجنسي الفاضح والمخل الذي عرضه نجيب ساويرس على قناته الفضائية الليبرالية الجديدة
OTV.

كان السييد نجيب ساويرس قد أعلن لمجلة نيوزويك نهاية السنة الماضية خطته الإعلامية التي تهدف لتشغيل عدد من القنوات الفضائية الشبابية التي تهدف لاجتذاب الشباب من الفكر الديني نحو الفكر العلماني.. في غضون شهور تم افتتاح قناة أو تي في. حيث قامت منتصف الشهر الماضي بعرض فيلم أمريكي مصنّف احتوائه على قدر ضخم من المشاهد والحوارات الجنسية كاملا على القناة الفضائية المفتوحة ..الفيلم به الكثير من المشاهد الجنسية والعارية والمحتوى الاباحي القذر التي حصرته إحدى الجهات الأمريكية الخاصة بتقييم الأفلام في أكثر من 150 سطر. ورغم الاعتراضات التي تلت عرض الفيلم فقد قامت القناة بالتنويه عن إعادة عرضه كاملا لمن لم يشاهده!

السيد ساويرس رفض كل الانتقادات لعرض المشاهد الإباحية على القناة قائلا: "الأفلام دي اتعملت كدة وأنا شاريها كدة.. أقطع منها ليه؟؟" أما السيدة مديرة القناة فقد قالت أن "هذه الأفلام تأتي عن طريق جهاز يتحكم فيه الريموت كنترول" واللي مش عاجبه يغير المحطّة. من هنا تم الإعلان عن حملة مقاطعة موبينيل ساويرس تحت شعاري:
"هانغير المحطة.. والشبكة كمان"



"مش بفلوسي يا ساويرس"

مؤكدين على دورنا الإصلاحي ومسئوليتنا الاستهلاكية الضميرية أصدرنا تعهدا مكتوبا على الانترنت وقعه كل المشاركون وما زال يضاف إليه توقيعات جديدة, يقضي بمقاطعة السيد نجيب ساويرس واستثماراته قدر الإمكان, وعلى رأس تلك الاستثمارات خدمات شركة موبينيل للمحمول

السيد نجيب ساويرس


بسبب السلوك غير المسئول للقناة, ولاصراركم على تحدي قيمنا الثقافية والأخلاقية لتحقيق هدفكم الواضح لإنجاح أجندة ليبرالية غير اخلاقية
وإيمانا منا بأهمية تفعيل دورنا كمستهلكين



نحن الموقعون أدناه نعلن رفضنا لسياستكم..



وعليه فنحن جميعا نتعهد بـ:
خدمات شركة موبينيل
قناة أو تي في القذرة
مع التعهد بحصر المنتجات المعلنة على قناة أو تي في تمهيدا لمقاطعتها حتى تتوقف عن دعمها الإعلاني لمشروعكم اللاأخلاقي
قوم بدورك .. خليك إيجابي



بعض من استثمارات نجيب ساويرس :
------------ --------- --------- ------
1 - موبينيل
2 - otv قناة
3 - O-Tunes channel
3 - موقع مصراوي
4 - mazzikaموقع

5 - 1 / 3 من أسهم صحيفة المصري اليوم

ممممممممممممممممممممممم
الموضوع جميل ياحجازى وكل حاجة
وانا اكيد طبعا مستاء للكلام ده واللى حصل على القناة والى اول مرة اسمع الكلام ده منك دلوقتى
وعلى الرغم من ان قناة او تى فى بتجيب برضه برامج كويسة ومحترمة بس برضه حاجة زى اللى انت قلت عليها دى هتاثر قوى فى سمعة القناة وجمهورها

دى حاجة
اما بالنسبة لموضوع المقاطعة
فانا شايف انه مالهوش لازمة اساسا ومش هينجح
وبعدين احنا احسن ناس نتكلم عن مقاطعة المنتجات ومش عارف ايه ومش بنفذ والامثلة كتيرة فعلا واظن انك عارف كدة
احنا ممكن اه منتفرجش على القناة
بس مقاطعة المنتجات اللى بتعلن عنها القناة فانا شايف ان ده صعب بجد
ده بالنسبة للمنتجات اللى بتعلن عنها القناة
بالنسبة بقى لاستثمارات نجيب سويرس
نيجى لموبينيل
على ما اعتقد ان مفيش حد عنده استعداد انه يغير رقم تليفونه ولو لقيت فعلا هتلاقى ده نادر جدا اللى كل شوية يغير رقمه
بالنسبة للقنوات فقلت احنا من نفسنا نبطل نتفرج على القناة
بالنسبة بقى لموقع مصراوى فعلى ما اعتقد ان الموقع ممتاز جدا وبرضه مهم جدا ومن اهم البوابات فى عالم الانترنت
بالنسبة بقى للمصرى اليوم فهى كانت بجد فى بداية صدورها جريدة محترمة جدا انما ف الفترة الاخيرة بدات تهزر وماتلتزمش بصدق االخبر وسلامة المصدر وهى فعلا الناس بدات تقاطعها علشان كدة
انا والله مش بحبط فيك ولا حاجة ياحجازى
بس انا بقول كلام اقرب للمنطقية
واحنا مجربين كل ده كتير قوى ومش بنعمل حاجة غير شوية الهيصة بتوع الاول بس
شكرا ياحجازى على المجهود

خالص تقديرى