-
الفرق بين بابا وجوزك
مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى
مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى
مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.
مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب
مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا
باباكى .. كلمه حلوه ترضيه ..
وجوزك .. طول الليل تحايلى فيه
باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.
بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه
باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراه ان .. ويشك فى كلامك
بابا .. لو شافك بتعيطى ها يمسح دمعتك
انما جوزك .. ها يقولك يادى النكد
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد
مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟
بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه
لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى
بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه
لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا
لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...
لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى
لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس
لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا
لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى
لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه
لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره
باباكى لو لاحظ انك متخانقه مع اختك .. ها يصالحكوا على بعض
لكن جوك هيقولك خليهم يولعوا دول عيله عجب
مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى
........منقووووووووول للفائدة..........
-
الولاد دول حاجة صعبة
حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي
*******
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما
لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
*******
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
*******
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
*******
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك عبقرية وذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
*******
لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية
الأحسن انك تقريه وتبعتيه لولاد وبنات برضه عشان يقولوا رأيهم معانا
عشان احنا طبعا ديمقراطيين واللى مش هيعجبوا هيقول بنات آخر زمن مش عاجبهم حد
*******
.........منقووووووووووووول للفائدة...........
-
ههههههههه حقوووده
ابقى شوفى لعبة لو كنتى ولد هتعملى ايه
-
والله يااختي عندك حق ونص وتلاتة تربع بعد اذنك يعني ياابو الحكايات
ههههههههه
-
ايه ده كللله
بس ساعات مع بابا خننيقه وراحه فين وبالكرباج
ومع جوزج فسح وعزومات ولا لاء؟
-
هههههههههههههههههههههه
ايه دا كله يا شيري
ولا مؤاخذه يا واحد من الناس
العكس صحيح
هههههههههههههههه
-
و الله عندك حق
بس فلا حجات شايف انها مش صح قوى
و بعدين الزوج و الاولاد مافيهمش حاجه حلوه؟؟؟؟؟؟
و انتوا ياعنى اللى ملايكه
مانتوا بتقولوا ومابتعملوش
الواحد بيشفكوا فى فتره الخطوبه المكياج واللبس و الشياكه
بيبقى نفسه فى كده برده بعد الجواز هى الرجاله هاجرت من قله
الواحد يصحى الصبح يتلاقى مراته لابسه المرياله بتاعت المطبخ و ماسكه معلقه فى ايدها طولها 3 متر التلاجه مكهرباها وشعراها واقف لما للسقف و مهببه من الفرن و تروح تصحيه تقوله صباح الخير
دا لازم ينط من شباك الاوضه
-
ملكة الانحياز انتي انتي بتتكلمي علي زوج مو كل الازواج والملاكة اللي متزوجها ما الها عيوب انتم معشر النساء تملكون غرور حتي في الموضيع المنقولة وبعيدين مين يسيب انسانة مريضة ويذهب الي مكان اخر حتي لو مو زوجته لما تنقلي موضوع تقيمه الاول
ابرام
-
