لسه معاك صورتى لسه فاكر ملامحى؟؟
ولا نسيتها وضاعت منك زى قلبى
مش مستني منك رد على سؤالي دلوقتي
بس افتكر انا ضاع مع مين عمرى؟
ولمين نزلت دموعي وجرحت خدى؟
ومين اول واحد جرح ليا قلبي؟
فاكر زمان حبيبي لما جت لي
كل شئ فيك بيقولي خدنى
وخبيني فى حضنك دا هو سكني
وانا صدقتك وحبيتك واديتك عمري
وفي ثانيه لقيتك بسكين بارد اوى بتدبحني
و بتقلي انك لازم تسبني
نزل قدام عينك دمي قبل دمعي
وشوفت فى عينك نظرة دمرتني
بقا معقول احب انسان على قلبي يهجرنى
اللي ضميته وحميته واديته عمرى
عشان فى الاخر يقتلنى
فاكر حبيبى انت كنت ازاى بتبكى
لو انا بعدت عنك او بعدت انت عنى
فاكر ازاى كنت بتحضن صورتى
وتبكى عيونك على بعدى
لسه صورتى بتطمنك عليا؟
لسه صورتى بتفكرك بالليل كنت انت فيه قمري
ولا بتفكرك بغدرك بيا
اسئلها اكيد هتقولك هي
انك اجمل عذاب كان فى الحياة ديا
ودامعة دافيه ساكنه فى عنيا
وجرح اغلى انسان عليا
