خلاص كانت حكاية ومسرها للضياع
وسط كوم ورق مليان بالاوجاع
هسبهم وراية وارحل
معتش ليا مكان
مسير الايام هتنسى
حبيب كان زمان
هلف بلاد وهسيب ورايا بيوت واقلام
كتبت بيهم حياتي في شوية همسات
خلاص قفلت الباب على شوية كتابات
وواخد منهم كلمة وشوية رسالات
يفكرونى بماضي مشفتش منو غير اهات
هرحل وهبعد عن كل الماضي اللى فات
واية يعنى هيفرق غير شوية كلمات
مسرهم للضياع وسط كوم الكتابات
قيمتهم كانت اية
سمعهم مين ولية
هسيب مكانى لغيري
ومش ندمان علية
لاكنت في يوم خاين ولا يوم لعبت بية
خلاص معدش يفرق الدمع من الاوجاع
همسح اسمى ونفسي وابعد عن اللى فات
همسح حتى رسمى لزهرة وشوية كلمات
اولها كانت بحبك واخرها كانت بهواك
ولو على قلبي قولو زمانة مات
ميامة كان قبلي ومكنش ليهم امل
ويامة كتير بعدي يتجدد ليهم امل
كاس وداير على البشر
معدوم من طعم العسل
هرحل لبعيد ومش راجع اكيد
مسحت مكانى في الوطن
ومسحت اسمى من جميع الجنسيات
غريب واية يفرق
انا مولود غريب
غريب ومين يسال
انا عشت وسط احبابي غريب
سيب كل حاجة تخدها الرياح
مجرد كلمة وحدة وسط كوم اوراق
بحبك بحبك بحبك
معناها اية ولية تتقال
يعنى اللى يفهمها
يقول للبعدي ادي الحال
هعمي عنيا وهخرس لساني
هسد ودانى خلاص مش هسمعها تانى
سمعت كتير كلام
محسش حد بيا وا كان في يوم داق
طعم مر علقم من جرح حبيب ليا
سفرت وهربت واتغربت
انسى اللى كان
هنسى اسمى رسمى حتى اللى كان
قلبي بينبض عشان لسة معادة مجاش
بس الروح خرجت منو قبل الاوان
خلاص الحكاية خلصت
وتهات منها الالوان
لا ناس سقفت ولا شعر قلبي بالامان
واية يعنى يفرق مدام بعيد مبسوط
حبيبي اللى شفتة فراشة وسط الورود
خد روح وامل وبعد بعيد
لا سبني في يوم افرح حتى بليلة عيد
خلاص باين معتش راجع اكيد
حتى الرياح خدت معاها الوعيد
خلاص هبعد عن هنا ومش راجع اكيد
مليش مكان
مت قبل الاوان
لملمت شوية احزان
وخلاص قفلت الببان
ولميت رسالة وكلمة في شنطة سفر
انكتب عليها تنولد في غربة وتموت في غربة
وتدبل وردها قبل الاوان
همسح اسمي ومين فرق معاه
دة حتى اسمى مش اسمى
وشكلي مش انا كمان
خدت معاها الامل والروح وسبتلي جسد دبلان
وعيون حيرة خيفة بتهرب قبل الاوان
بهرب من نفسي لفين
انا اية انا مين
انا حتى مش انسان
انا حتى مش انسان
انا حتى مش انسان
