مسابقة رمضان وصلت

أصدقائي أحبائي فلذات أكبادي ..
من اولها كده عشان الناس هتسال

معانا 3الجوائز ..
اولا..خط موبايل مميز للفائز الاول
ثانيا..كارت شحن للفائز التانى
ثالثا..لقب جامد يكون تحت اسم الفائز الثالث

بالطبع كلكم عارفين إننا مقبلين على شهر كريم
حد فيكم ذكي هيسألني شهر إيه دا يا أبلة، أحب أقوله إنه شهر رمضان ..
وبما إنه شهر مفترج، كل سنة وانتم طيبين ومن ربنا قريبين، فأنا قررت إني أدلي بدلوي (جردل يعني) وآخد فيكم ثواب، وفي نفس الوقت يبقى في وقت مفيد نعرف فيه في كل يوم معلومة جديدة في مجال جديد ..
موضوعنا باختصار هو مسابقة صغيرة الهدف منها هو الإفادة قبل أي شيء آخر، ودا لإننا في مسابقتنا هنتكلم عن مجالات الإعجاز العلمي في القرآن الكريم ..
ويمكن نفس الشخص الذكي اللى سأل فوق يرجع يسألني مرة تانية بلماضة: اشمعنى ؟
أحب أقوله إننا يمكن بعيدين شوية عن الجانب العلمي عموماً في حياتنا، رغم إننا بنتعامل مع وسائل التكنولوجيا في كل لحظة، لكننا برضه بعيدين عن العلم بمعناه الحقيقي، وبعيدين أكتر عن معناه الديني وجوانب إعجاز القرآن والسنة في المجال العلمي، رغم إنه جانب مهم جداً، يمكن يقنع ناس كتير بشكل أكبر من اقتناعهم بالدين والعبادات نفسها ..
وعشان كدا قررنا نحن الأستاذة صفاء المحامية بالنقض والدستورية العليا وأمن الدولة والنيابة العسكرية، قررنا إنه يكون موضوع مسابقتنا السنة دي هو الإعجاز العلمي في القرآن الكريم ..
كل يوم هنتكلم عن وجه من أوجه الإعجاز، اتكلمت عنه آية معينة أو مجموعة آيات، وعلى أعضاء المنتدى الموقرين ذكر الآية واسم السورة التي توجد بها تلك الآية ..
ملحوظة (نرحب بإى اقتراحات لتطوير المسابقة وتحسينها ):26: ..
وتذكروا إن رمضان شهر الجود والإحسان ..
ودا معناه إننا كمان بنرحب بالتبرعات للجوايز للفائزين ..:4:
رفعت الجلسة !

الله يا صفاء يارب يكرمك ويوفقك لكل خير..مسابقه هايله

تسلم ياحكاية انا اللى بشكرك على مجهودك الرائع معايا وبفضل من الله ثم بفضلك عمر المسابقة ماكانت هتبقى حلوة كده ...بشكرك بجد
saf_aa