يوم جديد من اليوميات لا اعرف ترتيبه (الرزق) 000000000000
هذه الحلقه لا اعرف ما ترتيبها فقد قولت ساتكلم من الذاكره وساكمل باقى اليوميات من ذاكرتى ونسيت انى مريض بمرض النسيان المؤقت (شبه ال زهايمر جزئى) وعندما اتذكر شىء اضطر لان ادونه فضلا عن نسيانه فقد تذكرت يوما من ايام التوك توك وربما فى الايام الاتيه ساتذكر اشياء اخرى ساوافيكم بها فى وقته
فى يوم من الايام كنت اعمل واسوق التوك توك واوقفنى شخص ملتحى بصفته زبون وركب معى
الزبون: السلام عليكم
انا:وعليكم السلام
ملحوظه: (فى اخر بضعه شهور اطلقت لحيتى ليس من مبدأ السنه وكنت اتمنى ذلك ولكنى مللت من حلاقتها واتمنى قريبا ان اطلقه سنة عن محمد(ص) حتى اخذ ثوابها من نيتى)
الزبون: تصدق بالله انا بقالى فتره واقف انتظر اخ ملتزم مثلك لكى اركب معه فانا افضل ان يرزق الملتزمين امثالك وامثالى
انا: يعنى لو ركبت مع واحد عاصى او مسيحى هتنزل من التوك توك
الزبون: لا مش بالضبط ولكن ساستخسر فيه الفلوس اللى هديهاله
انا: يعنى هو ده مش رزقه
الزبون : رزقه طبعااااااااااااااااااااا
انا: امال ايه وجهة نظرك
الزبون: انى ابقى سبب لرزق اخوانى الملتزمين
انا: واللى مش ملتزمين يموتوا من الجوع
الزبون: لا طبعا بس ليهم امثالهم يكونوا سبب فى رزقهم
انا : اااااااااااااااااااااهههه الفلوس اللى هايخدوها من وراك مش حلال ليهم
الزبون: لا انا قولت خساره فيهم
انا : بس هو قدملك خدمه مقابلها خد حقه صح
الزبون: صح
انا: اتفضل انزل (للزبون طبعاااااااااااااااا)
الزبون ليه يا اخى
انا : اصلى انا عاصى بدخن ومعايا حشيش كمان وطلعتله علبة السجاير ( انا ما كنش معايا طبعا مخدرات بس بقوله كده من باب الفضول )
الزبون: ربنا يهديك
انا اخر كلمه احب اقولهالك ( ومن يتق الله يجعل له مخرجا ويرزقه من حيث لا يحتسب )
( ان الله لا يضيع اجر من احسن عملا )
ربنا ما حددش ان كان عاصى ولا كافر حتى دول الكفره ربنا بيرزقهم الحيوانات اللى ما تدركش شىء ربنا بيرزقها
وبتهيالى برضه اللى انت فيه ده مش تقوى
روح ربنا يهديك انت والافكار المعفنه دى تروح من دماغك مع السلامه
وبعدها اعطانى اجره انا رفضت اخدها قولتله انا ما وصلتكش عشان اخد اجره
سلااااااااااااااااااااااا ااااااااااااااااااااااااا اام
ولا تعليق فانا قلتله كل حاجه واترككم للردود فانها تحفزنى للاستمرار
mostafa
