حلمي بكر: تامر مطرب وعمرو مغني.. فيديو
اذا لم يعمل مع هذا الفيديو فانت تحتاج الى Adobe Flash Player
حمل أحدث نسخة من هنا
http://get.adobe.com/flashplayer/
في حلقة جديدة من برنامج مذيعة من جهة امنية حققت هبة الاباصيري مع الملحن حلمي بكر وخرجت منه باعترافات خطيرة وكان التحقيق كالاتي : - الاسم ؟ حلمي عيد محمد بكر
- السن ؟ 72 سنة
- الحالة الاجتماعية ؟ متزوج
- العنوان ؟ المهندسين
- العمل الحالي ؟ ملحن
- انت متهم بانك فاتح النار على الناس كلها ؟
دة شرف ليا لاني مش لا افتح النار على اى حد غير اللي يستاهل .
- اة رأيك في حال الغناء المصري ؟ عجبك ؟
لا مش عجبني
- قلت ان عضوية روبي في نقابة الموسيقين عضوية باطلة ؟
ايوة
- مش شايف انك بتتدخل في اختصاص غيرك المفروض ان دة قرار نقيب الموسيقين ؟
لا القرار دة مش قرار نقيب الموسيقين دور نقيب الموسيقين انه يشكل لجنة والعضوية تصدر بقرار اللجنة وانا كنت رئيس اللجنة وقلت انها لاتستحق عضوية النقابة ولكنها خدتها رغم انف اللى ادهلها .
- انت عبرت عن عدم رضاك عن حصول المطربة امينة مطربة الحنتور عن عضوية النقابة ؟
انا ارى انها طالما غنت للحنطور فهناك نقابة السائقين تدخل فيها .
- لو بقيت نقيب الموسيقين كنت هتسمح لاي حد يتدخل في قراراتك ؟
لو بقيت نقيب الموسيقين كنت هرفد نصف الاعضاء الموجودين دلوقتي .
- السؤال ...هل هتسمح لحد يتدخل في قراراتك ؟
لا .. كنت اوجه مجلس الادارة الى القرار اللى انا شايفه صح .
- هل حلمي بكر رجل صعب الحياة معه ؟
لا بس للي يفهمنى
- بس انت اتجوزت 7 مرات ؟
لا اتجوزت 8 مرات
- ايه الاسباب اللي تخلي راجل يجوز 8 مرات ؟
الاسباب كثيرة لو لبستى هدوم ولقيتيها ضيقة اكيد هتقلعيها .
- قولت على تجربة سيدة الغناء العربي ام كلثوم في قرائتها للقرآن انها غير مظبوطة ؟
نعم قولت ... الصوت الجميل في الغناء اضافة جميلة و لكن الصوت الذي يقرأ القرآن له خصائص ومواصفات علمية يجب ان تتوفر .
- انت كمان رفضت تجربة على الحجار انه يسجل القرآن الكريم بصوته ترتيلا وتجويدا ... تنكر دة ؟
لا انكر .. انا بحب على الحجار كمطرب واحبه يفضل كمطرب ودائما احضر حفلاته فهو ناجح في مكانه واذا كان حابب يقرأ القرآن يقراه في بيته .
- عمرو دياب لايصلح للغناء فى الاذاعة ...دة تصريح منك ؟
لغة العصر تقول انه يصلح الان لانه اكتسب خبرة وله لغته اللي طلع عليها اجيال تغنيها فصنع جيل جديد .
- انت مدحت صوت تامر حسني قبل كدة ؟
جدا فهو من احلى الاصوات الغنائية التطريبية ولكنى اعترض عليه كمؤلف .
- مين بقى صوته احلى تامر ولا عمرو ؟
تامر مطرب .. عمرو مغني .
- هل المطرب اقوى من المغني ؟
ايوة المطرب اقوى بكتير وتامر بيكافح فى انه يخلق لغة للتطريب فهو مطرب جيد وعبقري ولكن الغناء ليس اقل من الطرب ولكنه احدى الطرق الغنائية وكلمة مغني لا تقلل من شأنه .
- واحمد سعد ؟
احمد سعد من اصوات المستقبل الخطيرة وانا بنفسي الاسبوع اللى فات احدته ورحت الاذاعة واعتمدته كملحن وكمطرب .
- قلت اذا امتلك هاني شاكر نصف ذكاء عمرو دياب هيصبح اكبر مطرب في العالم ؟
ايوة قلت كدة لان هاني شاكر احلى صوت ظهر من عصر عبد الحليم حتى الآن .
- في بلاغ ضدك انك دايما تهاجم الاسماء الناجحة فقط ؟
اصل الاسماء اللي مش ناجحة مش من حقنا نهاجمها لان كدة هنطلعها جمب الاسماء الناجحة ولما بقول حاجة لحد ناحج بيبقى نقد لاني ببقى شايف بالعين المجردة نقاط ضعف فبقوله الحق دة .
- انت متحيز جدا لمطربين الاوبرا ؟
نعم لانهم يستحقوا اننا نقف بجانبهم
- عشان كدة لما بيخرجوا برة الاوبرا بتهاجمهم ؟
بالعكس انا نفسي يخرجوا برة الاوبرا .
- بس انت حسب مصادرنا هاجمت المطربة سومة بعد ما خرجت من الاوبرا وقلت بالنص " سومة حتى الان لم تنجح وتجربتها لم تكتمل لانها زي اللي رقص على السلم ؟
نعم ... النجاح ليس اغنية بينما النجاح حصيلة ولكنها لم تفشل بعد وبرضه لم تنجح.
- فيه بلاغ ضدك انك صرحت وقولت ان المطربات استغلوا كل السراير الموجودة في الفيديو كليب ؟
ايوة وخصوصا دانا اللي بتغنى (انا دانا) سألتها مرة انتي بتغني وانتي قافلة فمك صوتك طالع منين ؟ ... و اللي بتغنى فى بانيو باللبن والتانية بتغني في كاس والثالثة رافعة رجليها مبتنزلش .
- فى اتهام موجه ليك انك شخصية عصبية وبتستخدم الفاظ غير لائقة لوصف بعض الناس زى ما قولت لبوسي سمير ( انتى زبالة )؟
لا مقولتش كدة انا قولت بس ( شيلوا الست دى من قدامي فهي لا تصلح للغناء ) وكلمة زبالة دى هى اللى رددتها عشان ترفع بيها قضية بس لم تقدر .
- قولى على سبب واحد يخلينى اخرجك من هنا ؟
انى جأت كضيف وهخرج كضيف .
- قررنا اخلاء سبيل المتهم بضمان اكرام الضيف شرط الا تعاود افعالك السابقة
افعالي السابقة دى انا هفضل عايش بيها ...........
شبيك لبيك
