طعم البيوت ....... محمد منير 2009

طعم البيوت

طعم الحاجات بيعيش ساعات

ويدوب قوام...وقوام يفوت....جوة القلوب

والذكريات ما يعيش غير ... طعم البيوت

جدران بتحضن جوة منها قلوب كتير

و أبواب بتقفل عالجنايني وعالوزير

شباك موارب من وراه واقفة الصبايا

قضوا النهار في الوقفة قدام المرايا

اسرار كتير عدد البيوت في الشارع الطيب

يا ناس مايبانش منها غير اللي يطلع منه صوت

اللمة لما تحلى في ساعة العصاري

تفتح مزاد عالحب تلقي ألف شاري

شاهد بيشهد م البداية للنهاية

وكل ركن في قلبه يحكيلك حكاية

وكفاية لما بتلاقيه فاتح دراعه بيناديك

ويقول تعالى في حضني ده انت واحشني موت