آآآآه ... يابلد متباعه !!!
فكرت كتير انزل الموضوع ده في انهو قسم ... لانه مش شعر بمعني الشعر
هو مجرد خواطر زجليه حستها في وسط الخنقه اللي احنا فيها .. يارب تعجبكم !
لأ .... وقاعدين تحت الشجره .... نحلم ونتخيل ..
ف بكره هيكون شكله ايه ..........
وهنعمل ايه .. لما يجي اول عيل .....!
ونضحك ... وصوتنا يجلجل .........
وهان الصعب في عنينا .. واي مشكل برضه قليل
نسينا ف لحظه ... ان فيه صياد ...
وعمر نيشانه ماخيب ......
نسينا اننا ف بلد متباعه ....
وعمر ماكان الفرح فيها قريب ........
وان الأرض .. مابقت ارضنا ...
حتي زرعها .. من السموم ... لوث دمنا
لاصغير ولا كبير .. سلم
ونروح المستشفي .. يتوجع اكتر قلبنا ...
معاك فلوس .. او تعرف مين ؟؟
مامعاكشي ! يعوض عليك ربنا ..
لأ .. وقاعدين تحت الشجره ... نحلم ونتخيل ....
ونسينا ان فوق نفس الشجره ... واقفه الغربان ..
وعلي بعد مترين .... اكبر جحر فيران ...
مستنيه يجي الليل ... وتهجم عل غلبان ..
ماهو عمر مابيت - اقطاعي - دخله فيران ....
ولاعمر .. - عضو ف المجلس - بات جعان ...
كله تمام - ياريس - .. وقضينا عل حرمان ..
وبتوجيهاتك الهايله ... كله عايش فرحان ..
دا شعبك كله مزقطط .. واخر روقان ....
البلد بعناها حته حته ... وماحدش دريان ...
لهيناهم ف الماتشات .. والأ فلام والسينمات ..
دا غير فتح السموات ... والدش والكليبات !
ولا الفتاوي اللي بتحلل .. كل المحرمات ...
وتوهنا الرجاله .. ف الكليبات والأهاات .. والواوات !!
وحريمهم ماشيه عريانه .. بتلف عل بارات ...
وعيالهم غرقانه ف البانجو ... وسف المخدرات ...
كل واحد في ملكوت .. ويدوم العز يابشوات ..
ايه رايك - ياريس - .. فاضل نبيع النيل ...
دي صفقه جامده تجنن .. ولا ف المواويل ..
اه يابلد متباعه ...
آآآآه يابلد مالهاش كبير !!
الله يرحم - الفاروق عمر - .. الي كان بيخاف عل بعير ..
رغم لاكان فيه بلاعه ... ولاحافرين ف الشارع بـير ... !
وكان يقول هروح فين من سؤال ربي ..
ولا هروح فين ... من منكر ونكير ....
اااااااااااااااااااااه ...... يا بلد متباعه ..
ياخساره ع دنيا الفانيه ........
ياخساره ع اللي كانت .... ام الدنيا .. !!
********************** احمد .
