مجرد ملاحظه

أوقات كتير بتمر علينا مواقف خاصة بينا بتحدث لنا أو لشخص قريب مننا ، ويمكن يكون لشخص غريب عننا

وكمان مواقف يمكن نكون شاهدنها في التلفزيون

مرت علينا فى يومنا

حصلت معاانا فى الجامعه

او فى البيت

او ع النت

او فى الشارع

ايا كانت متعلقة بأي مجال ( سياسة، رياضة، فن ،حياتنا العاديه؛......)

كلها مواقف بتمر علينا مختلفة في محتواها ومصدرها لكن بتأثر فينا

نكون عايزين نحكى عنها نقولها لصحابنا المفكوكين ، نكتبها في المنتدى ..بس بنحس إن صعب علينا إننا نعمل لها موضوع خاص بيها يمكن أنها بسيطة ويمكن لأننا مش عارفين نصيغ الموقف دة في موضوع .



المهم

أنا فكرت في الفكرة دي عشان كل واحد يكتب ويحكى عن المواقف اللي بتمر عليه في حياته وبتأثر فيه

اكتب الموقف دة بأي طريقة واى أسلوب واى بداية أنت عايزها

نشاركك فيه وتشاركنا وأكيد نستفيد.

احنا ممكن نقول ع الموضوع عباره عن ملاحظات فى حياتنااو خواطر مثلا.

مستنى ملاحظاتكم ع حياتكم.





فكرتى وصياغه اسبايدر جيرل

توبيك ممتاز وسبقتونى والله اناهاخد شارة البدايه بقى اسمحولى

اى موقف او موضوع بيأثر فى تكوين شخصيت المشاهد او عايش
الحدث طبعا...لكن فى موقف متقدرش تنساه مهما كانت الظروف
ومن المواقف التى لا تنسا فى الحياه هو السلبيه العربيه تجاه القضيه
الفلسطينيه..وكأننا بعيد عن الحدث مع انه الدور شكله جاى علينا
وشكرا

اانا لو بدأـ مثلا باول ملاحظه ليا وهى حصلت النهارده
هى ماساويه شويه
الحكايه ان فى شاب ربنا هاديه واهله ناس طيبين جدا وهو الوحيد عند اهله الشاب ده تقريبا 25 سنه وشغال خطيب زى والده والناس كلها تشهد له بالتقوى والادب والحاجات اللى مبقناش نشوفها اليومين دول اللا نادر فى الشباب
المهم الشاب ده كان رايح يخطب الجمعه فى بلد جمبنا قام عامل حادثه وربنا توفاه
عرفنا ان الجنازه هتكون بعد العصر كل البلد كانت فى الجامع بعد العصر اللى يعرفه واللى سمع عن الحادثه بس واتاثر لموت الشاب ده الوحيد اللى محضرش هو الشاب اللى توفى ليه قال بيخلصوا ورق دفنه من الظهر لحد المغرب بيخلصوا التصاريح ده كله علشان الظابط مش موجود فى القسم اصله مش فاضى .تخيلوا لما الناس تفضل من العصر لحد المغرب مستنين الميت يوصل .!!!!!!!!!!!!!!!!
حتى من طول الانتظار كان فيه خمسه بيخطبوا علشان الناس متمشيش حتى الخطيب من زهقه قال يعنى الحكومه هتقرفه فى الدنيا وحتى بعد لما مات ده ايه الغلب اللى احنا فيه ده يا ربى.
ده كله اللى بيقال عنه الروتين.
انا مش ضد النظام بس مدام هنتعامل بالنظام يبقى نحترم النظام.

شكراااااا على الفكره الهايله دى يا مسى
انا مرت بمواقف كتيره وكان اخرها فى الجامعه الاسبوع اللى فات
انا كنت داخل المدرج وبعدين الدكتور دخل انا عادتا مش بدخل المدرج الا علشان انام المهم انا دخلت ونمت المهم اول ما صحيت لاقيت الدكتور لسه بيشرح المهم ندالى انا وتنين من اصحابى انا طلعت انا وهما سالنا عن اسمينا طبعا جوبا
وبعدبن سال الاول عن اللى كات بيقوله دى لوقتى مش كان بيرد كويس
وبعدين اقلى كمل انا قلتله انا مش عارف قلى طيب قول اى حاجه عرفه
كان الرد انا مشعارف حاجه خالص الدكتور الضايق وقعد يقول:انا ممكن افصلك وبعدين انت دلوقتى هتتخرج بعد شهرين ومفروض انك هتبقى محامى هدافع عن المتهمين ازى
قولتله ربنا يسهل
قلى :ياما هتقف تدافع عن المتهم امام القاضى ياما هتكون فى اقفص الاتهام
وفى لحظه دى كل اللى فى المدرج ضحك وطبعا انا والدكتور كمان ضحكنا وسلم عليا
يا رب ما كنش طولت عليكم وده اللى حصل باختصار وشكرااااااااااااااااا

ونكمل ملاحظنا:d
طاااااااااااااااااااااااا ااااااااااااااابور ااااااااااااااااااااااااا ااااااااااااااااااااااااا اااااااااالعيش.
انا الصراحه سمعت عنه كتير اوى اليومين اللى فاتوا وشوفته كتير اوى فى الشارع بس اخر مره وقفت فيها على فرن بلدى مكنش لسه فى مشكله كبيره اوى فى طابور العيش.
احنا عندنا فى البيت العيش بيوصلنا من الفرن كل يوم ده لان فى قرابه وكده وعلاقات جامده وبلاوى سوده المهم لظروف خارجه عن اراده اداره الفرن هنضطر نقف فى طابور العيش اللى ربنا ما يوريكم واللهى بهدله وقله ادب وبلاش اكمل لمده اسبوع .
المشكله انك وانت واقف فى الطابور قال ايه بنى ادم محترم وبتعرف النظامB-) وتكون خلاص قربت تاخد عيشك يقوم واحد طول بعرض ممكن نقول عليه شحط جاى وياخد مكانك والمشكله انه حتى مبيراعيش الناس الكبار فى السن واللهى فى ناس كبار بتفضل تعيط لما متقدرش تجيب عيش. :(
ان مش عارف هنلاقى حل للمشكله دى وللا هنفضل كده اتمنى اننا نلاقى حل.
اه معلومه مدهشه عرفتها النهارده نص اللى بيقفوا على الافران علشان العيش بيشتروه علشان ياكلوا الطيور بتاعتهم~:> والمشكله ان دول هم اللى تلاقوهم بيعرفوا ياخدوا العيش بسهوله.
اه اخر معلومه بعد الحرب اللى انا قمت بيها والبهدله والكلام ده كله اخدت 10 ترغفه بس

يالاا ربنا يتولنا الغلابه برحمته

موضوعك جميل جدا يااحمد وفكرته لذيذه

وان شاء الله اشترك معاك .. وعلي فكرة

موضوع الشاب اللي توفي ده انا سمعت بيه

بس للاسف ماكنتش موجود علشان احضر الجنازة

وللاسف كمان حكومتنا مابقتش بتفرق بين تصريح الدفن

وتصريح انوار الفرح !! ربنا موجوووووووود

نورت الموضوع يا hot ice
ومستنى ملاحيظك ع الحياه

الملحوظه دى انا سمعتها النهارده الصبح فى التلفزيون
دى اللى قالها واحد دكتور اسمه صفوت مش عارف ايه على قناه الناس
الراجل بيتكلم بيقول اننا مش المفروض نقاطع المنتجات الهولنديه ليه؟
بصصوا يا شباب هو قال ان لما الفيلم اللى اتعمل ده انعمل الحكومه كلها عارضته والملكه عارضته ومنوعه من السنيمات هناك يعنى هم عملوا اللى عليهم.والفيلم اتمنع عرضه.
انما بيقولو ان الدنمارك هى اللى سايقه فى الموضوع اوى وبيطلب اننا نزود المقاطعه شويه علشان المقاطعه مش مؤثره اوى لحد دلوقتى.

بس انا سمعت الخبر قولت اعرفكم علشان متخلطوش بين الدولتين وبعدين انا بحب منتخب هولندا كمان:d

شكرا على الملحوظة الجامدة دي

دة اول مشاركة لى فى الموضوع دة
بس بجد حاجة ضايقتنى جدا واستفزتنى جدا جدا
المهم نحكى
واحدة فى تانية ثانوى عام حكيت لى انها مرتبطة ( عادى يعنى بيختصروا الوقت ) مانكرش ان انا وقت ما حكيت اضايقت لكن ....
المهم بقى النهاردة عرفت انها بتكلم واحد تانى سالتها مين دة ؟؟
قالت دة كانت مرتبطة بيه الاول ومازل يعنى احنا ما بنضيعش وقت
لا مبالاة غير طبيعية او يمكن مش فاهمة هى بتعمل اية ؟

لا تتخيلوا كلمتها استفزتنى ازاى
والواحد لما بيفتكر هو كان ازاى فى ثانوى يستغرب على الجيل دة كأن بينا وبينه سنين كتير

ولا تعليق على بنات وولاد ثانوى حاليا