الحب كلمه من حرفين هتعيشه يبقي هتنزل دمعتين

الحــــــب

كلمه من حرفين...وعلشان تعيش فيه


يبقي هتنزل دمعتين... وياريت ساعتها قلبك تخاف عليه


فاجئه عينك تيجي في عين حد


تلاقيك ع طول بتفكر فيه

ودايما فاكر نظره عنيه

وتتمني في احلامك تلاقيه

تبدا تقرب منه وتعرف عنه كل حاجه

وفاجئه تلاقيك بتقله بحبك

في الاول بيكون معاك زي الملاك





ميعرفش ينام الا لما يطمن عليك

ويقولك ياريت لو تجيلي في المنام علشان وحشاني عنيك

ويسمعك كلام من كتر حلاوته تنسي النوم


ويعدي يوم والتاني ولسه منزلتش الدمعتين

وتتقابلوا مره واتنين وتبقوا فوله واتقسمت اتنين

توأم في كل حاجه حتي في دموع العين




ووقت مايكون معاك تتمني ايده ماتسيبش ايديك

ونظره عنيه تلاقيها بتوعد عينيك

انها هتفضل عايشه ليك

وعايشه علشان تسعدك

وقلبه عمره ماينزل دمعتك


وتحس انك عايش في الجنه

عايش في حاجه اكتر ما كنت بتتمني

وان حد قالك خد بالك تقولوا على جنب استني

ما انت بتكون حاسس انك في الجنه


وفاجئه..........تلاقيك مصدوم


اللي كان عامل ملاك تلاقيه هلاك


اللي كنت فاكره غلبان يطلع تعبان


وتحس انك كنت في حلم وصحيت منه


وعلشان ترجع من تاني تتعود تعيش من غيره

عايزلك قلب تاني ... وعمر تاني ...وحياه تانيه


وهتلاقي الثانيه بتعدي ساعات


وقلبك الطيب هتلاقيه مات


وااااااااه من الالام الذكريات


واكتر حاجه هتوجع قلبك


لما تسال عنو عايش ازاي بعدك


يقولولك اللي حواليه

ده عايش والفرحه في عنيه

عايش عادي ايامه

اصلك مش اول قلب تدوق ناره

ده قبلك كتير جرح

اصل قلبه بيجرح ومش فارق


تسال نفسك طيب قلبك ذنبه ايه

متلاقيش اجابه؟؟؟



الحـــــب


كلمه من حرفين...وعلشان تعيش فيه

يبقي هتنزل دمعتين...وياريت ساعتها قلبك تخاف عليه