عيب عليك احترم سنك
كتير اوى بنلاقى واحنا ماشين فى الشارع
ان راجل عنده حوالى 45 سنه
ماشى مع بنت عندها حوالى 26 سنه
ومن طريقة كلامهم بعرف انهم مرتبطين
وكمان كتير اوى بنلاقى واحنا ماشين فى الشارع
شاب عنده 28 سنه ماشى مع واحده عندها 45 سنه
فبستغرب واسأل نفسى بيعملوا كده ليه
لقيت ان السبب الوحيد هو ان البنت بتقول
انا ليه ارتبط بشاب لسه فى بداية حياته
ليه اتعب انا عايزه اعيش عيشه هاى
والشاب بيقول انا لسه فى بداية حياتى
ليه اتعب عشان اكون نفسى انا عايز
اعيش عيشة هاى من غير ما اتعب
والله يا جماعة اكبر غلط اللى بيحصل ده
عشان بنلاقى ان البنت اللى بتتجوز راجل اكبر منها
بكتير بتعانى بعد فترة قصيرة من الزمن بأن الراجل
عجز واصبح محتاج إلى ممرضة وليس الى زوجة
فى عز الوقت اللى فيه البنت محتاجه الى رجل يقف
بجانبها ويساعدها على مشاق الحياة
وايضا بالنسبة الى الشاب هو لم يستمتع بحياته
فهو يحتاج الى فتاة تشاركه احلامه وطموحاته
ولكنه يجد امامه امرأة عجوز محتاجة الى ابن يرعاها
بعد الكبر وليس الى زوج
ياريت كل واحد يختار الانسان المناسب
ليشاركه حياته حتى لو هيتعب شويه
فى الاول بس بعد كده هيرتاح
نفسى اعرف رأيكم
