طلب من اصحاب الذوق الرفيع في المنتدى

بصوا يا جماعة
انا شخص مسجل معاكم هنا من زمان
بس معلش مش هقدر اظهر شخصيتي
بس انا محتار شوية وقلت اخد رأيكم
الطلب ده محتاج ذوق ذوق ذوق
الحكاية و ما فيها
ولد و بنت , كانوا بيحبوا بعض , بس محصلش نصيب
بس هما روحهم حلوة, و مقتنعين ان محصلش نصيب , و هينفصلوا و هما مش كارهين بعض
لدرجة انهم هيتقابلوا و هيقدموا لبعض هدايا و ده هيبقى اخر يوم ليهم مرتبطين
المفروض هيجيبوا لبعض هدايا , هتفضل تفكرهم ببعض طول العمر
الولد يجيب ايه؟
خصوصا انهم جايبين لبعض حاجات كتير قبل كده
يعني الفضيات و الدبب و الورود و البرفنات والكلام ده كله قديم
و عايز يجيب حاجة متجابتش , و في نفس الوقت تعيش
الولد يجيب ايه بقى؟
يا رب تعرفوا تساعدوني

ههههههههه
معلش طالما محتاج ذوق
فانا بره الموضوع ده
عشان انا مليش في الذوق قوي
و كنت هقولك هات حاجة فضة
بس انت بتقول انك جايب فضة قبل كده
و بعدين يا عم اشتري دماغك
و اذا كان حبيبك عسل
سده و استريح : )

بصراحه انا لو مريت بنفس الموقف
هجيب قلب فضه متوسط الحجم ومكتوب عليه
حرف اسمى من جهه وحرف اسمها من جهه
زى اللى على صورتى الرمزيه بظبط

مهو الراجل قالك حوارات الفضة دي فكسانة
جابوا كتير
بس انا شايف لا
بلاش حروف
الحروف دي لو هيكملوا
القلب الفضة من غير حروف هيبقى احلى

بصراحة انا مش مقتنعة بفكرة الهدية اللى حتفكرهم ببعض دى

طالما اختاروا الانفصال يبقى اية لزوم الزكرى بقى؟

بس حقولك اجمل حاجة تجيب مصحف لان دى الشىء الوحيد اللى حيفضل

معاها طول الوقت ومفيش احلى من كلام ربنا ولااية؟؟؟

ودى رأيى ويارب اكون ساعدتك.

انا باه رايى انكوا اصلا متتقابلوش

على فكره انا رايى من راى همسه
لما فى فراق ليه تتقابلوا من اصله وتعذبوا بعض
وماتقنعنيش ان اللقاء ده بالذات هيكون عادى بالنسبه لك او لها
بجد انت بتقول كده عشان لسه مش رحت اللقاء ده اللى هو من المفروض يكون وداع
مش هتتحمل صدقنى لا وكمان عايز تجيب هديه مانصحكش بكده خالص
انت وهى بتضحكوا على نفسكم على فكره
ياما انتوا ماحبتوش بعض اصلا وكان يمكن انكم اتهيألكم كده
ياما فعلا بتحبوا بعض حقيقى ومش هتفترقوا وخصوصا فى اللقاء ده بالذات
سورى طولت عليك بس بجد لو انت ناوى وداع يبقى من بعيد لبعيد احسن لك واحسن لها
حرام عليك تعذبها معاك بموقف زى ده
دا رايى وسورى لو طولت عليك
اختك ميسسسسووووووووو

بص يا عم صلى على النبى انا هقوك على المفيد ومينفعش حل غير كدة واسئل مجرب الحل اتقال قبل كدة من الاخت همسة حب والاخت المستغفرة هو دة اللى لزم يتعمل متجبوش لبعض هدايا علشان لو جبتو لبعض هدايا تفكركو ببعض لانتا هتعيش سعيد والا هية هتعيش سعيدة لما هية تتجوز لية تجيب لها هدية تفكرها بيك وبحبكم القديم لو بتبها وعايزها تكون سعيدة فى حياتها متجبش حاجة تفكرها بيك هيا مش هتقدر تنسى من غير هدايا لكن انتا اضغط على نفسك وخليها تنسى لو كنت بتحبها ويارب اكون ساعدتك وانسى يا صاحبى علشان متتعزبوش فى دنيتكم وتعيشو سعداء مع صحاب النصيب وهنزلك موضوع ان شاء الله فى نفس الموقع يارب تستفيد منة وسلملى على قلبك :ق1:

انا نو كومينت

انا معا همسه والمستغفره واللوا

هههههههههه
والله العظيم حاجه شيك خالص
انا رايي من راي البنات
شكلكم بتشتغلوا نفسيكم هههههه
سوري يعني انا بهزر
هاتلها مج:g: