ايه السبب الحقيقي ورا اختيارك كليتك..الانكار مش هينفعك؟
اكيد انت مخترتش كلية الهندسة استخسارا للمجموع العالي اللي جبته في الثانوية العامة [-( [-( [-(
قولي بقي يا بشمهندس وقوليلي يا بشمهندسة..
ليه دخلتوا كلية الهندسة وكان ايه طموحكم لما دخلتوها...قول بقلب جامد متخافش :d
رد: ايه السبب الحقيقي ورا اختيارك كليتك..الانكار مش هينفعك؟
انابقى الحمد لله طول عمرى وانا نفسى ادخل هندسه من صغرى وانا الكل بيقولى يا باشمهندسه
بس لما كنت صغيره فى ابتدائى كنت بحب اروح الشغل مع بابا جدا وكنت بحب اتنرفز على العمال هما كانوا بيسمعوا كلامى مش علشان انا بنت المشرف بتاعهم بس علشان انا كنت بفهم كويس فى الشغل
وكنت بحب اعرف كل حاجه عنه من بابا
بس الحكايه دى كانت بتكون شهر واحد فى الاجازة علشان بابا كان بيسافر السعودية فكنت بتمتع بيها لمجرد شهر بس
كنت بحس بارتياح جدا وانا فى الشغل معاهم
وبعدين دخلت اعدادى وانا بردوا نفسى ادخل مدنى وافتح مكتب هندسى كبير وافتح اكبر شركه مقاولات
بعد كده دخلت ثانوية عايمه فيها الاموز كلها اتغيرت
حسيت فيها فعلا ان شغل مدنى صعب جدا على البنات ومحدش يقدر يستحمله الا راجل قوى علشان يقدر يتعامل مع العمال
وكمان بينى وبينكم بابا حكالى عن مهندسه صاحبتهم فى الشغل كانت نازله الموقع والعمال اتريقوا عليها ولما راحت للمدير قالها سورى يا باشمهندسه انا مقدرشى اعمل معاهم حاجه انا محتاج ليهم اكتر منك
المهندسين الرجال كتير لو حضرتك عندك اعتراض انك تكملى معانا
وكمان اخوالى كانوا دايما بيتكلموا معايا على الاتصالات وشغلها ومجالها اللى بدأ ينتشر فى العالم وحسيت بارتياح شديد
والحمد لله دخلت هندسه بس مستخسرتش مجموعى ولا حاجه وعمرى ما فكرت انى داخله اعلى قسم فى الكليه
بس اللى شوفته وحسيته انه بقى اهم قسم فى العالم كله مفيش حاجه بتحصل للاتصالات والتكنولوجياالا وفيها مهندس اتصالات
مش بمدح فينا بس هى دى الحقيقه احنا والحمد لله اصحاب التطوير والابداع والاختراع:)]
ونفسى اى حد عاوز يدخل اتصالات ومتردد يدخل وبقلب جامد لانه مفيد جدا بغض النظر عن دراسه الكليه وعن الدكاتره بس اللى بيفكر صح بيفكر فى الحياة اللى بعد كده
ومعلشى طولت عليكم بس انا بحب مجالى وبحب اتكلم عنه جدا
وانا نفسى اشتغل فى الشبكات بجميع انواعها والميكروويف لانه فعلا اهم قسم فى الاتصالات دلوقتى
رد: ايه السبب الحقيقي ورا اختيارك كليتك..الانكار مش هينفعك؟
انتى طولتى ده انتى زهقتينى ازيك يا....... عاملة ايه
انا بقى دخلت كلية الهندسة لأنى كان نفسى ادخلها وكمان لأنى وعدت امى انى مش هاخزلها ادام اعمامى واولادهم وخصوصا ان ولدى متوفى وهى اللى بتربينى ومش معقول يبقى جزاء تربيتها ليا انى اخزلها والحمد لله انا جبت مجموع ودخلت الكلية وانا كنت طاير من الفرح لما شوفت نظرة السعادة والفرح والفخر فى عينيها وانى انا كده رفعت راسها ادام الكل وبقى ليا الصدارة فى كل حاجة فى البيت صحيح الكبير كبير
مع تحياتى المهندس احمد عمار@};-@};-@};-@};-@};-@};-
رد: ايه السبب الحقيقي ورا اختيارك كليتك..الانكار مش هينفعك؟
انا بقى كان نفسى ادخل كلية الشرطة
بس محصلش نصيب وطلعت من كشف الهيئة
ودخلت كلية الكعب العالى | اداااااااب |[-(
رد: ايه السبب الحقيقي ورا اختيارك كليتك..الانكار مش هينفعك؟
طبعا القصه العاديه المعروفه
المجموع في تانيه كان زفت اوي
واداب كانت بالنسبه ليا حلم صعب المنال
لاني كان مستحيل ادخل حقوق
بس يعني حصلت المعجزه
ودخلت كليه الكعب العالي(علي راي هيما بس مش عارفه ليه هيه كليه الكعب العالي)
يلا بقي بال رغي
رد: ايه السبب الحقيقي ورا اختيارك كليتك..الانكار مش هينفعك؟
انت فى اداب ولا اية وفى قسم اية وسنة كام واسمك اية
:-?
