ريشة فنان

كان نفسى وانا صغير اطلع واكون رسام
ارسم كل شىء فى خيالى والون الاحلام
واسبق بريشتى الزمن واعاند الأيام
واكون بجد انسان فنان
او فنان انسان

جبت علبة الالوان
وفتحت كراستى عشان....
ارسم فراشة نايمة على وردة فى بستان
ويمامة بتأكل وليدها وهو سعيد فرحان
نفسه يقوم من عشه وتعلمه الطيرن
ونجمة بتغازل القمر وهو بعيد سرحان
خايف من شمس بكرة تسيبه للنسيان
تسمعه السما تضحك وتطبطب عليه بحنان

و ارسم مراكب مسافرة فى بحور
ومراكب تايهة عمالة تدور
بدّوّر ولسه مجاش الدور
عليها تلاقى بر الامان

اقلب الصفحة العشرين
وارسم حبيبين ماشيين
والعنيين ماليها الحنين
بيتكلمو مع انهم ساكتين

بس برضه ماليها خوف
من الزمن ومن الظروف
م الفرقة والهجران

وارسم قلوب
بتعشق تدوب
ماشية هايمة فى الدروب
بتشكى قسوة الحرمان

تخلص الكراسة وانا لسه بالخيال مليان
ولو جبت الف غيرها برضه هيخلصو كمان
يفوت العمر ويعدى عليا الزمان

وانا لسه فاتح كراستى
برسم فيها احساسى

بس من غير لا ريشة ولا الوان عشان...
عرفت من يوم ما كنت صغير انى هكون رسام
بس هرسم بالحروف وألون بالمعانى كلام

جمييييلة جدددا يابو اسكندر....
وبداية هايلة للشعر العامّي بمنتديات حكاية

تسلم يا امام على مرورك وبعدين انا هاجى جمبك اية يا اما العاشقين

انت هاااااااااااااااااااااااا ااااااااااااااااااااااايل

ربنا يخليك يا اسلام