وصفات من مطعم تشيليز .
السلام عليكم ورحمة الله وبركاته
أنا جبتلكم وصفات لاكلات المطعم الشهير تشيليز
تعالوا شوفوا راح تعجبكم موووووووووووووووووووووووو ووووت
سلطة قيصرأوالسيزر سلط
طبعا السلطة فيها 3 حاجات رئيسية وكل وحده راح أكتب لكم كل شي مقاديره وطريقته على حده عشان لاتلخبطوا طيب ويسهل عليكم الموضوع....زأولا الخضار..
نحتاج كمية كبيرة من الخس((ممكن تستخدمي أي خس بس ألذ خس هو الأمريكي))بس مع المقاطعه أفضل إنكم ماتستخدموه كثير..+ كمية كبيرة من الملفوف الأحمر
طريقتها:
نغسل الخس والملفوف جيدا ..ثم نمزع أوراق الخس بطريقة عشوائية ونضعها في طبق التقديم..
والملفوف بالسكين نقطعه شرائح عريضة..
نضع الكل في طبق التقديم..ويوضع على جنب..
ثانيا: بالنسبة للصوص المستخدم للسلطة..فيه حاجتين مهمه
أولا ياإنك تشتري صوص السيزر سلط الجاهز موجود في السوبر ماركتات الكبيرة فقط
وفيه نوعين منها
واحد منهم كريمي ولونه أبيض كريمي ومكتوب عليه
CAESAR SALAD CREAMY SOUS
والنوع الثاني شفاف لون أصفر شفاف ومكتوب عليه
CAESAR SALAD SOUS
لكن لو مالقيتي هذي الصوصات وماقدرتي تحصلي عليها فراح أعطيكي طريقة الصوص تعمليه في البيت..
وهي كالآتي..
صلصلة سلطة سيزر
ملعقتين كببيرة(ملعقة طعام) مايونيز
ملعقة كبيرة من الخل الأبيض
ملعقه صغيره من سمك الانشوجه ( وهذي تلقيها في صف معلبات التونه في السوبر ماركت ولها طعم قوي و حاذق ) وتراها أهم شي في السيزر سلط وطعمها يجنن معاها لاتنفجعوا عشانوا سمك..تراه سمك صغير جدا مثل الأصابع وخالي من العظم ومجرد إنه يعطي نكهه للصوص ومافيه طعم زفارة ولا شي وعلى ضمانتي..
ملعقتين من زيت الزيتون
ملعقتين كبيرة من عصير ليمون
ملعقه صغيره بذور الكابرز المخلله ( وهذي تلقينها بسهوله مع المخللات في السوبر ماركت وسعرها رخيص والعلبه تكفيك عدة مرات )
حطيهم سوا في الخلاط ماعدا زيت الزيتون وأخلطي لحد ما يتجانس الخليط بعد كذه وإنتي بتخلطي الخليط(بعد ماتجنس طبعا وإختلطت المكونات تمام)) إبدأي بالتدريج بإضافة زيت الزيتون حتى يبدأ يغلظ الخليط معاكي..وبكذه صار عندنا الصوص وتقدري تحتفظي فيه في الثلاجة..
ثالثا؛ الدجاج المشوي المتبل..
نحتاج إلى صدور دجاج شرائح مخليه من العظم+ثوم مهروس+ زبدة+أوريغانوا أو زعتر بري+ قليل من عصير الليمون الطازج..
طريقتها:
نقطع صدور الدجاج إلى شرائح رفيعه طويلة..ثم نضع في مقلاة الشوي((المخططة)) التي تحدثت عنها سابقا في الخضار أو ممكن إستبدالها بمقلاة البيض العادية
نضع في المقلاة القليل من الزبدة لتذوب..ثم نضع عليها الثوم حتى يصفر فقط بدون أن يحمر أو يتكشن إنتبهوا.. ثم نضع شرائح الدجاج المقطعه وتشوى وكل شوي نقلبها على الوجه الثاني حتى تحمر من كلتا الجهتين..ثم نخلط الأوريغانو أو الزعتر البري مع عصير الليمون ونضعه فوق الدجاج المشوي في ال مقلاه ونقلب قليلا علا النار ثم نشيل الدجاج على جنب..
رابعا:الخبز المحمص..
نحتاج إلى خبز فرنسي(الطويل) أو يستبدل بـ(التوست)+صوص (السلطانه) بالأعشاب والثوم والليمون..أو يمكن إذا مالقيتي هذا الصوص تعملي بداله هالصوص البيتي((زبدة سايحة+ ثوم مهروس +زعتر بري+ملعقة كبيرة زيت زيتون +قليل من عصير الليمون))
تسيحي الزبدة على النار وتحطي عليها الثوم المهروس لثواني وإطفي النار وأضيفي له عصير الليمون والزعتر البري وزيت الزيتون وأخلطيه جيدا..
طريقته:
يقطع الخبز مكعبات صغيرة ويدهن بالصوص ونخله الفرن ونولع عليه الشواية حتى يجمر قليلا..ونتركه على جنب..
خامسا:جبن بارميزان مبشور((موجود في جهة الألبان والأجبان في السوبر ماركتات))
طريقة عملهم مع بعض هي كالتالي..
نخلط قليل من صوص السيزر+الجبن البارميزان مع الخس والملفوف جيدا ثم نضعهم في طبق التقديم..
ثم نرص شرائح الخبز ثم شرائح الدجاج المشوي.. ثم نصب قليل من الصوص على الوجه وترش بالجبنه البارميزان وتقدم..
هذه السلطة تؤكل بارده..
سلطة فاهيتا بالدجاج مع صوص السلانترو وصلصة الجواكمولي
ملاحظة مهمة قبل البدأ
((الفاهيتا سلطة تتبيلتها حارة..فلو حسيتي في المقادير(قبل ماتضيفيها) إن حرارتها قوية عليكي أو ماتناسبك قللي كمية الفلفل أو التتبيل الحار))
أنا قلتلكم قبل لاتورطوني وتقولولي إنتي قلتيلينا ياريريتا حطي كذه..الشغلة كلها حسب الرغبة..
يالله نبدأ
المقادير:
3 شرائح صدور دجاج بدون جلد((مقطعه شرائح طولية)
4 كوؤس تقريبا من الخس الأمريكي المفروم قطع كبيرة(مفروم يدوياً)
نصف كوب من الفاصوليا الحمراء المعلبة
حبة طماطم مقطعه لقطع متوسطة
ملعقتين من الكزبرة الخضراء المفرومة ناعماً
نصف كوب من الفلفل الأحمر البارد وكمان نصف كوب من الفلفل الأخضر البارد..((مقطعين شرائح أو حلقات))
ملعقة كبيرة من أي صلصة حارة أو تتبيلة حارة..(توباسكو أو مسحوق الفلفل المطحون مع الطماطم))إللي يريحكم.. وراح أعلمكم كيف أسوي صلصتي الخاصة بعد ماأكتب المقادير..
ملعقتين كبيرة عصير ليمون
بصلة حمراء متوسطة(ويفضل البصل الهندي لأنه حار) تقطع شرائح
نصف كوب من الجبنة الكرفت مبشورة..أو إذا تحبي تغيري ممكن تحطي جبنة بارميزان طازجة مبشورة..
ربع كوب من الذرة المعلبة
مقدار من صلصة الجواكامولي(صلصة الأفوكادو إذا تعرفوها وإذا ماتعرفوها راح أكتبها لكم)
3 ملاعق من البيكون البقري (ذكرت طريقة عمله في التكساس فرايز سابقا وهي)
ولعمل البيكون البقري نحتاج إلى حبتين من السجق مقطعه إلى شرائح رفيعه..
نتبل شرائح السجق بالشطة الحارة فقط..ثم نقليها جيدا في زيت غزير حتى تنشف..وتترك على جنب
هذي المقادير وراح أشرحلكم شرح مفصل وممل. .
بس قبل كل شي خليني أقولكم طريقة عملي لصلصتي الحارة الخاصة بي..إذا ماكنتي حابة تستخدمي أي صلصة خارجية أو جاهزة فهذي الطريقة راح تناسبك..
مقادير الصلصة.. حبة طماطم صغير مفرومة ناعم
حبة فلفل تشيلي الحمراء مطحونه ناعم أو إذا ماعندك أفرمي حبة من فلفلنا الأخضر العادي..
ملعقة كبيرة شطة
ربع ملعقة شاي شطة تكروني مطحونة
ملعقة متوسطة كاتشب
ملعقة كبيرة صلصة طماطم
ملعقة وسط زيت زيتون
فلفل أسود وملح +ملعقة كبيرة عصير ليمون+ملعقة صغيرة عشبة الطرخون
الطريقة(للصلصة) ضعي زيت الزيتون في التيفال وأتركيه حتى يسخن ثم شوحي فيه الفلفل التشيلي المطحون وصلصة الطماطم والكاتشب والشطة ثم بعد دقيقة من التشويح أضيفي له الطاطم وأتركيها تتسبك قليلا وأضيفي لها الطرخون والليمون والملح والفلفل والشطة التكروني البودرة وأتركيهم دقيقة يتسبكوا على النار ثم أطفي عليهم..وتكون جاهزة عندك الصلصة الحارة
بالنسبة لصلصة الجواكمولي(وهي صلصة الأفوكادو..) مقاديرها
حبة طماطم كبيرة مقشرة ومقطعه لقطع صغيرة جدا
بصلة صغيرة مفرومة ناعم
قرن فلفل أخضر مفروم ناعم
ملعقة من الكزبرة الطازجة مفرومة ناعما
حبة أفوكادو صغيرة مهروسة
تخلط جميع المقادير السابقة سويا وتقلب جيدا وتتبل بالليمون والملح والفلفل
وأخيرا صارت جاهزة
طريقة عمل صوص السلانترو
نخلط ربع كوب من عصير الليمون مع ملعقتين كبيرة من الكزبرة المفرومة ناعما وملعقة متوسطة من دبس الرمان وملعقة صغيرة من السكر وملعقة صغيرة كمون ناعم و ملعقة شاي شطة حارة..نخلطها جيدا حتى تتجانس المقادير وبكذه يكون الصوص عندنا جاهز..
الآن بعد ماجهزنا كل الصلصات إللي فوق والمقادير كلها نجي للطريقة
الطريقة الآن لعمل السلطة:
نجهز التيفال ونضع فيها قليل من الزيت ونشوح فيها شرائح صدور الدجاج مع الصلصة الحارة وعصير الليمون لمدة 5 دقائق على كل وجه حتى تتشوح وتحمر من كل وجه ثم نضع عليها الكزبرة ونقلبها معها ونطفي النار عليها ثم نشيلها على جنب..
نرص في طبق التقديم بالترتيب التالي
الخس ثم فوقه شرائح الفلفل الأخضر والأحمر البارد والبصل الشرائح والطماطم والفاصوليا ثم ترش الذرة وفوقها الجبة المبشورة ويصب فوقها قليل من خليط صوص السلانترو والباقي يترك في طبق جانبي(حسب الرغبة)
ثم نضع شرائح الدجاج فوقها وترص جيدا ثم توضع فوقها شرائح البيكون وتقدم جميعا مع صلصة الجواكمولي (توضع الجواكمولي في طبق جانبي أيضا)
وتقدم السلطة باردة..
خضار تشيليز المشوية المتبلة
المقادير:
تشكيلة من الخضروات الطازجة والمغسولة جيدا
((كوسا-جزر-فلفل رومي-بروكلي- أكواز ذرة -وممكن تضيفي كمان أي خضار ثانيه تحبيها..))
كمية قليلة من الزبدة((مقدار ملعقتين طعام كبيرة))
بهارات متنوعه وهي
ملح- فلفل أسود-بابريكا
((هذي تلقونها ناحية التوابل في السوبر ماركت بودرة حمراء مكتوب عليها بابريكا يعني فلفل حلو )) هاذا ترى مافيه إسم الحرارة مجرد نكهة ولون فقط
زعتر بري مجفف
قليل من زيت الزيتون (ملعقة واحدة فقط((ملعقة طعام)) لاتكثرو عشان مايبان طعمها))
الطريقة
أولا عزيزاتي من أهم أسرار خضروات تشيليز هو التتبيل
أ
خلطي كل من المتبلات السابقة كلها مع بعض وأضيفي عليها ملعقة حلى زبدة (مو كل مقدار الزبدة الذائبة..لأ ..ربع المقدار فقط))وملعقة طعام من زيت الزيتون
أخلطيهم جيدا وأتركيهم على جنب
نروح للخضار..
أغسلي الكوسى والجزر جيدا ولاتقشرينهم بل نظفي قشرتهم الخارجية بفرشاة التنظيف الخاصة((أفركي بالفرشة وقليل من الخل الأبيض والملح جيدا حتى تزيلي الأتربة وماتبقى من مواد الرش العالقة))
وإذا ماعندك فرشة أفركيهم بالخل والملح بيدك..أهم شي إنهم ينظفوا تمااااما
وبعد كذه قطعيهم شرائح دائرية متساوية
بالنسبة لأكواز الذرة
مايحتاج لها شي إلا إنك تطلعيها من الفريزر من بدري((أنا أتكلم طبعا عن أكواز الذرة المجمدة إللي تجي نصف كوز أو ربع كوز)) تلقوها في الفريزرات في السوبر ماركت..وتنباع مجموعة في واحد كيس))
بالنسبة للفلفل الرومي نظفيه تمام من البذور الداخلية وقطعيه شرائح دائرية متساوية العرض
بالنسبة للبروكلي ((للي مايعرفوه)) هو نوع من الخضار المستوردة ويشبة في شكلة الطحالب البحرية ذات الشكل الشجري)) نظفيه تمام بالملح والماء
وبعد ماغسلنا الخضار تماااام التماااام
نقطع الجزر والكوسى شرائح بقشرهم طبعا..
الذرة نتركها مثل ماهي..
البروكلي نفكفكه عن بعضه شوي..
بعد كذه خذي كل الخضار و قلبيها بيدك وأفركي فيها خلطة التوابل السابق تحضيرها (كله بيدك عشان تتخللها التتبيلة))وأتركيها نصف ساعه
بعد كذه جيبي قدر كبير وحطي فيه ماء وخليه يغلي لين يطلع دخانه((أهم نقطه لأننا راح نطبخ الخضار على البخار))
وبعدين حطي مصفاة كبيرة عندك على القدر أو بوسطه بحيث إنها تكون مستواها أعلى من الماء((يعني تكون أخرام المصفاة فوق الماء وليست في وسطه))
وحطي في وسط هالمصفاة كل الخضار السابقة تمام
وإقفلي عليها وخليها 10 دقائق بالتمام بحيث إنها تستوي نص إستواء أو ثلاث أرباع إستواء أهم شي مانبغ الخضار تنهري معانا ((مهمة جدا هذي الخطوة))
السر في الطهو بالبخار قبل الشوي هو:
1:تطرية الخضار قليلا قبل شويها
2:الإحتفاظ باللون الزاهي الأخضر للخضروات الخضراء
نعمل في هالوقت الصوص إللي راح أقولك عليه
وفلفل أسود وزبدة ذائبة
قلبيهم سوى وحطيهم في صحن صغير وجيبي فرشاة الدهن وإستعدي..
بعد كذه جيبي صينيه وجيبي ((شواية كهربائية من إللي تنقفل فوق بعضها وإللي ماعندها تستخدم طاوة عمل البيض أو طاوة الشوي((هذي مثل طاوة البيض تمام لكن تخلف عنها بوجود خطوط في قاع الطاوة ويكون شكل الطاوة مربع مو دائري)) عرفتوها ..هذي خاصة بالشوي..
جيبي بعد كذه الذرة وحطيها في الصينية وأدهنيها من كل الوجوه بالفرشاة بخليط الزبدة والفلفل
وحطيها في الصينية ودخليها الفرن وولعي عليها الشواية ((يعني من فوق )) وخليها تتحمر شوي ..وكل شوي إنتبهيلها لاتنحرق ..كل إشوي إقلبيها على جهة من الجهات عشان تتحمر من كل النواحي..
جيبي بقية الخضار المطهوة بالبخار وولعي على طاوة الشوي أو الشواية الكهربائية ورصي الخضار فيها وخليهم كذه قدامك ينشووتمام وبعدين إقلبيهم على الجهة الثانيه
خلال عملية الشوي لاااااااازم تدهنيهم بخليط الزبدة والفلفل الأسود..وإنتبهيلهم لاينحرقوا..
بس خلاص وبعدين إذا إنشوت الذرة وإنشوت الخضار تمام على الوجهين((أهم شي مايكونوا مهريين وهذا يعتمد بالأساس على طريقة طهوك لهم بالخضار في الأول))
وحطيهم في طبق التقديم بجنب الستيك.. وبالهناء والعافية..
بطاطس تشيليز المهروسة
أولا حابة أقولكم إن المقدار لشخصين طيب..
((المقادير للبطاطس)) 4
حبات بطاطس جيدة متوسطة الحجم
زبدة
(البهارات)
((فلفل أسود.ملح.زعتر بري.شطة سائلة,مكعب ماجي))
((الطريقة للبطاطس))
أولا نجيب فرشاة تنظيف البطاطس (أو أي فرشاة تنظيف خاصة بالخضار عندك)
وطبعا كلنا نعرف البطاطس من أكثر الخضار إللي تشيل أتربه..
إنقعيها في وعاء عميق مغمور بالماء الساخن وقليل من الملح والخل..
وبعد كذه نظفي البطاطس بهذا النقيع مع الفرشاة جيدا((توصوا فيها)) والسر في أن الخل والملح ينظفوا تمام القشرة من أي شي عالق بها.. وترى ضروري تنظيف القشرة..
تمام.. بعد كذه حطي في قدر على النار كل التوابل والبهارات السابق ذكرها وهي..
((فلفل أسود.ملح.زعتر بري.شطة سائلة,مكعب ماجي))
طيب وماء سااااخن وقلبيها لين تفور مع بعضها تمام وبعد كذه غطسي حبات البطاطس فيها وخليها نصف ساعة تنسلق في هالنقيع لين تستوي ..
في هالأثناء راح نعمل الصلصة..
((مقادير الصلصة))
علبة حجم صغير من قشطة الخفق
زبدة
نص فص ثوم مهروس(لاتكثروا لأننا مانبيه يطغي على طعم الصلصة)
بهارات((ملح وفلفل أسود وبابريكا((هذي البابريكا أهم شي في الموضوع))
علبة جبن كرافت متوسطة (تشدر وليست السائلة)
((طريقة عمل الصلصة))
نضع قليل من الزبدة في قدر صغير على النار حتى تسيح ثم أضع عليها الثوم مهروس لثواااااااااني بدون أن يحمر ((إنتبهوا أنا أبغى النكهة بس))
وبعدين أضيف فوقه مقدار قشطة الخفق وأتركه يفور شويه لين يثقل قليل وبعدين أتبله بالملح والفلفل والبابريكا)
وإتركيها على جنب..
طبعا ألحين البطاطس إستوت
جيبي البطاطس وقشريها بالشوكة وإذا كان فيه بقايا من القشرة بسيطه على البطاطس مو مشكلة خليها لأنك منظفتها وتقدري تاكليها بعد ماأستوت البطاطس..((إنتبهي لاتكبي موية النقع وألحين أقولك ليش..
أهرسي البطاطس بواسطة شوكة وزحطي فوها شريحتين صغار من الزبدة وقلبيها مع البطاطس تمام لين تمتزج نكهة الزبدة مع البطاطس..
بعد كذه نجي لسر الطعم الرهيب في البطاطس..
خذي تقريبا 4 ملاعق كبيرة من ماء سلق البطاطس المتبل بالماجي والبهارات وإعجنيها مع البطاطس بالشوكة..
أولا:راح تخلي البطاطس متماسكة
ثانيا:راح تتبلك البطاطس وتخليلك طعمها جنان..
بعد ماعجنتيها ((مو تصير عجينه عجينه..يابنات أنا أقصد مفهوم العجن يعني المزج وليس العجن باليد فقط بالشوكة..))
بعد ماعجنتيها جيبي صينية بايركس أو تيفال مو مشكلة ماكو فرق..وتكوني مولعة الفرن من فوق((يعني الشواية ))
جيبي البطاطس وإكبسيها في زبدية صغيرة مثل حقت الشوربة تمام وإقلبيها بعدين في الصينية البايركس بحيث يكون شكلها مثل القبة..بعد كذه إبدأي إضغطي عليها من المنصف بحيث يصير شكلها مثل البركان((أـمنى تكونو فاهمين علي))
إنتبهوا لاتوصلوا لنهاية البركان لأ لنصفه فقط.. يعني الحفر بوسط القبة لايوصل للنهاية عشان لما نصب الصلصة فيها ونجي نشيل البركان ماتنكب الصلصة من وسط البركان(عجبني مصطلح البركان ماتشوفوني طيحّت عنده)
أهم شي يوصل المعنى خلاص لاتدققوا..
وسوي كل مقدار البطاطس زي كذه حيصير عندك مجموعه براكين صغيرة
وبعد كذه إبأي صبي في داخل هالبراكين مقدار بسيط من الصلصة تمام ورشي الصلصة ببودرة البابريكا (قليل مو تكثروا طيب)
وبعدين سيحي قليل زبدة وإدهني بالفرشاة أطراف البطاطس(البركان)
بعد كذه دخلي الصينية الفرن وراقبيه..بمجرد ماتحسي إنها بدأت تحمر شوي وتنشف البطاطس على طول طلعيها.. والسر في حركة الفرن هو:
أولا : راح تخليلك البطاطس متماسكة أكثر مع حرارة الفرن.
ثانيا: راح تخليلك الصلصة أغلظ مماهي عليه وقت صبها على البطاطس..
والسر في حركة دهن البطاطس بالزبدة هو:
أولا:تطرية البطاطس عشان ماتنشف كثير.
ثانيا : تعطي لمعه للبركان؟؟
بعد جذي لما تحمر شوي شيليها بالأداة إللي تشيلون فيها المكرونة عرفتوها..عشان تقدروا تشيلوا القطعه كلها دفعة وحده.. وحطوها في طبق التقديم جنب الستيك والخضار
وبالهنا والعافية
الخبز المقرمش بالثوم
يقدم مع الستيك..
المقادير
عيش فرنسي((هذا يجيكي في المخابز طوييييل كأنه مسطره)) أو توست بس الأفضل العيش الفرنسي..
ثوم مهروس ناعم(طازج)
زعتر بري
زبدة
عصير نصف ليمونه طازجه
ملعقة شاي نشا محلولة في نصف فنجان قهوة من الماء
صلصة شركة السلطانه((صلصة الأعشاب بالثوم و بالليمون)) هذي تلقوها جهة الصلصات في السوبر ماركت..وقارورتها طويله شوي..ولون الصلصة إللي جوى أخضر..
الطريقة
[COLOR=plum]أولا تقطعي الخبز الفرنسي شرائح ولكن مائلة قليلا بحيث تصبح مشطوفه قليلا...
ثم نعمل الصوص..
فيه عندك طريقتين للصوص.. [/COLOR
]أولا؛في حال تواجدت عندك صلصة السلطانه السابق ذكرها فنقوم بعمل مايلي..
أولا نذوب قليل من الزبدة في طاوة البيض ونضيف فوقها صلصة السلطانه((حسب كمية الخبز إللي راح تعمليه)) وتخليها تفور شوي مع التقليب السريع لمدة دقيقة..
ثم ندهن الخبز على الوجهين بالخلطة بواسطة فرشاة الطعام
ونكون مولعين الفرن من فوق(الشواية)
وندخلها الفرن لين يحمر وجهها الأول بعدين نقلبها على الوجه الثاني لين يحمر الوجه الثاني بعد كذه نقدمها مع الستيك وهي سااااخنه
الطريقة الثانيه في حال عدم تواجد صلصة السلطانه لديكي..راح أعلمك كيف تعملي الصوص بنفسك في البيت..وصدقوني يضاهي صلصة السلطانه في الطعم..بدون مبالغه والتجربية خير برهان..
أولا نذوب قليل من الزبدة في طاوة البيض ((حسب كمية الخبز إللي راح تعمليه)) ثم نضع عليها قليل من الثوم المهروس ونقلبه ثواني في الزبدة((إنتبهوا لايتغير لونه بس مجرد تاخذ الزبدة نكهة الثوم))
وبعدين نضيف لها الزعتر البري..ونقلبه جيدا معها.. ثم نضيف لها محلول النشا..ونقلبها حتى تغلظ الخلطة قليلا.. ويستوي النشا..وشرط النار تكون واااااااااااطية جدا وماتكون عاليه عشان ماينحرق..ونطفي عليها.. ونضيف لها قليل من من عصير الليمون((حسب رغبتك))
ونقلبها جيدا...ثم ندهن الخبز على الوجهين بالخلطة بواسطة فرشاة الطعام
ونكون مولعين الفرن من فوق(الشواية)
وندخلها الفرن لين يحمر وجهها الأول بعدين نقلبها على الوجه الثاني لين يحمر الوجه الثاني بعد كذه نقدمها مع الستيك وهي سااااخنه
وبااااااااااااااااااااااا لف هنا وعااااااااااااااااااافية
