عرض للطباعة
لعبه الصراحة
هدفها
اننا نتعرف ع بعض اكتر لاننا عيلة واحدة بس اهم حاجة الصراحة
وهى عبارة عن
أن كل واحد يسأل سؤال واللى بعده يجاوب بصراحة ويضع سؤال تانى للعضو اللى بعده
عايزين اسئلة جامدة يا مفكوكين
ويارب اللعبه تعجبكم
نبدأ بسؤال خفيفة وهى هتسخن ان شاء الله
استفدت ايه من المنتدى ؟
ناس زي العسل وشويه معلومات
اللي بعدي
خسرت ايه في حياتك بسبب حماقتك ؟
أنسانه عزيزه عليا
أكتر حاجه رخمه و غبيه فى فكك؟
اعتقد ميسى قال كل حاجة رخمة فى فكك فى موضوعه
مين اكتر عضو لفت انتباهك ؟؟
مممممممممممممممممممممممم
بصى هو اول لما كنا بنعمل المنتدى كان( ميسى)
لان اول لما دخلت المنتدى( ميسى) الوحيد اللى مكنتش اعرفه
بس مواضيعه كانت متميزه وكان تواجده باستمرار يعرفك هو اد ايه بيحب المنتدى
ممكن بردوا( كريس انجل) اللى كان فى فتره من الفترات مجنون افريل لافين
بعدها انقطعت فتره ورجعت
لقيت ناس كتير اوى موجوده
فا طبيعى كنت عايزه اعرف مين الناس الجديده دى كلها
وطبعا اللى شد انتباه الكل بلا منازع هوت ايس
بس انا اعرفه بردوا قبل المنتدى
وبس
فين يور كويتشن يا همسه؟
سؤالى للى بعدى.
فى حد زعلك قبل كده ع المنتدى متذكرش اسم بس قول الموضوع باختصار
لالالالالالالالالالالالال الالالا
الحمد لله اعتقد ان علاقتى بالمنتدى سليمة
اللى بعدى نفس السؤال
فى حد زعلك قبل كده ع المنتدى متذكرش اسم بس قول الموضوع باختصار
والله موضوعك جميل اوي يا اماني وفي
نفس الوقت بيدي فرصه اكبر للتعارف ..
وطبعا قبل مااشترك بوجه شكر خاص
للعزيزة علي نفسي جدا همسه لكلماتها الجميله
وحظي بئا اني دخلت علي السؤال ده .. !
حد زعلني ؟ الاجابه نعم .. وهو عرف انه زعلني
الموضوع ككل بسيط لكن زعلت اوي من طريقة الرد
ومش عايز افسد جمال الموضوع وجاوبت باختصار !
سؤالي للي بعدي .. ياتري لو لقيت ادامك ( ألة الزمن )
تتمني تسافر في الماضي علشان تعمل ايه او تصلح ايه
في مسار حياتك ؟؟
ايه السؤال الجامد دة طريقة عرضه جامدة يعنى
لو فى ايدى ان ارجع هختار ان انا ارجع بالزمن خمس سنين كدة ومادخلتش صيدلة
بس الحمد لله ع كل حال
سؤالى
امتى حسيت أنك ضعيف امام نفسك ؟؟
لما الغرباوى إدانى ض من غير وجه حق و معرفتش أخد حقى منه خوف على مستقبل فى الكليه و الكلام الاهبل ده
عمرك حسيت أنك لقيت أخ أو أخت ليك بعد عمر طويل (زى الأفلام الهندى) ههههههه؟