مقبله على الزواج تعالي هنا ،،،
السلام عليكم ورحمة الله وبركاته
بأدخل في الموضوع على طول
أنا بصراحه لسى متملكه وأسأل الله لي و لكم التوفيق
والله يتمم لنا على خير
طبعا أكيد أي عروس تحس بنفس الإحساس اللي أحسه
تحاول تبدأ تهتم بنفسها وتهوجس ويجيها وساوس مالها داعي
عالعموم ،،
أي وحده مثلي وزواجها بيكون قريب تقريبا بعد ثلاث أشهر أو قبل او بعد تتفضل
ونتساعد مع بعضنا
،،
أولا بالنسبه للجسم،،
بالنسبه لتوحيد لون الجسم فكرت بالليزر وكثير نااس نصحوني منه يقولون
لاتلعبين بنفسك ترى الليز مازالت تجاريه وليست طبيه
عالعموم رحت لإستشارية جلديه
وعطتني كريمات تفتيح وتقشير كعنايه للجسم
وقالت اذا استمريتي عليها أبدا ماتحتاجين جلسات تقشير ولاحتى برنامج عروس
وهذا أنا بأبدأ فيها إن شاء الله
بس مهما كان ماأبي أعتمد عليها بس
ودي بأشياء طبيعيه زياده عليها،،
أنا بديت بكريمات لتفتيح وتنعيم وتصفية الجسم
آلا وهي "جليسوليد وليمون وبن القهوه">>نصحوني فيها يقولون يشد ويفتح
أستخدمها قبل الاستحمام بساعه أو نصف ساعه
وبعدها أرش على جسمي شوية مويه
وأبدأ بصنفرة ملح الحليب ،،وأفكر إذا خلص ببدأ بالملح الخشن وزيت اللوز كثير يمدحونه ،،
أما الشعر ،،،
قالوا لي عن امبولات للشعر تعطي رونق ولمعان وهذا أنا باديه فيها أخذتها من الحبيب ..
بس هذي الامبولات استخدمها بعد الاستحمام
يعني لابد من خلطة زيوت تنعم وتلمع وتطول الشعر
وخصوصا للشعر الجااف>>>ماعندي اي فكره اللي عندها تفيدني وتفيد غيري بها،،
عالعموم الموضوع ومافيه ابي اي وحده توها متزوجه أو مقبله على زواج
سواءا سبق جربت أو لسى ناويه تجرب تفيدنا معااهاا مرره
أنا محتااسه بالنسبه لهالموضوع
..
وخصوصا يابنات للمنطقه الحساسه تنصحون نسوي شئ أو لا يعني
أقصد اشياء لتنعيمها وتفتيحها..
يعني نصاائح عامه الله يوفقها ويحقق لها مناها اللي تفيدني وتفيد اي وحده مثلي محتاجه لنصاائح مجربه،،
وبالنسبه أيضا للحمامات المغربيه لبنات الرياض اللي جربوا
العرايس اقصد وين احسن مكان ناس مضمونين مايهم السعر قد مايهم
النتيجه ويكون الشغل ممتاز وادواتهم تكون حديثه
وأي شئ ابي نصائح عاااامه لكل شئ
وانا حطيت هالموضوع بهالقسم متعمده عشان الكل ينتبه له وخصوصا العرايس،،
وسلامتكم
كم أتمنى ان أجد هنا إستجابه سريعه ..
:9:
