ايوه احنا بنكرههم.طب ليه بقى؟

انا دلوقتى عاوز اتكلم فى موضوع
الموضوع عباره عن سؤال.
السؤال بيقول ليه؟
ليه ايه يا عم الحج؟
ليه احنا بقينا نكره الظباط بتوع الشرطه؟
دلوقتى فى الفتره اللى فاتت الكل بقى يتكلم عن تجاوزات رجال الشرطه والظباط والتعذيب اللى فى السجون بيخلوا الواحد يحس ان دول عساكر الاحتلال مش عساكر بيحمونى ويحموك من ناس كتير.
ظابط الشرطه دلوقتى اللى الكل بيبص له بكره كتير منهم استشهدوا وهم بيحافظوا على امن البلد دى
ليه بقينا نكرهم؟
ليه لو لقيت عربيه شرطه عامله حادثه تفرح؟
انا حصلت قدامى خناقه ظابط انضرب من شويه بلطجيه الناس واقفه فرحانه جدا !!!!!!!!!! ليه يعنى؟
انا مش عارف هم مش الظباط دول فيهم واحد اخوك وواحد قريبك وممكن ابوك؟
اقولكم احنا ممكن نكون بنكرهم عشان هم بينفذوا اوامر كبار الدوله .بس هم ذنبهم ايه برضوا؟
هو ده واجبهم.يعنى اللى بيضربوا المواطنين فى المظاهرات دول مش عساكر بريطانيا العظمى لاء دول مصرين خافين ع البلد زيهم زيك.
بس بيتهيالى انهم مش بيضربوا المواطنيين عشان هم بيكرهوهم.
هم شايفين ان ده مش فى مصلحه البلد

وبرضه مش معقول عشان فيهم بعض الحالات الاستثانيه الفسده يبقى كلهم كده.
بيتهيالى مفيش مكان فى العالم مفيهوش بعض العناصر الفاسده.

مش هطول عليكم
بس انا شفت ان الموضوع زاد اوى عن حده

فعاوز رايكم ليه احنا بنكره رجال الشرطه والظباط؟

لان فيه نوع منهم ما بيصدق يتحكم في الناس يضربهم ويشتمهم وكانه ماسك الرئاسة
فالنوع ده ظغى اوي وزاد عن الحد لدرجة اننا بقينا معتقدين ان شرطة يعني لسنه طويل ةايده اطول
وكمان كنوع من رفض لا اي حاجة تبع الحكومة
وعشان برضه الاعتقالات والانتخابات اللي بتظبط وكل ده يعني
بس انا عن نفسي بحبهم اوي

ماهو لازم نكرههم ياعم


الى هما بيعملوة مش شوية

ومتقولش دى اوامر كبار الدولة عشان فى ضباط كتير مبيعملوش كدة وبينفذوا القانون ليس الا

تعذيب واهانة وعدم احترام للادمية دة بمجرد دخولك القسم

وتلاقى امين شرطة بيحك فين عشان 10 جنية والا يعملك مخالفة للعربية
او اى مشكلة تانية

ولو معترفتش على الحاجة الى بيقولك عليها يلبسك 100 قضية تانية


يابنى دى اوحش فئة فى المجتمع

وبيفتكروا ان البلد بتاعتهم هما لوحدهم

والمشكلة انهم بيعلموهم فى الكلية ازاى يهينوا الناس

وتقولى نكرههم لية

بص احنا نكرة الى ييجى على الغلابة

والى يكون حياتة كلها ظلم فى ظلم

اما لو فى ضابط محترم على عيننا وعلى راسنا

بس خلاص

شكرا يااحمد على المناقشة

بص يا حمد انا بحييك علشان فتحت موضوع مهم جدااااااااااا
بس انا مع راى منتوسه علشان اللى انت قصدك عليهم
الناس اللى كويسه مش كتير نادر جدااااااااااااا لما تقابل ظابط شرطه
محترم وابن ناس
علشان كده انا مع منتوسه فى الكلام اللى بتقوله
وهديك مثل انت ممكن تعمله روح لحد قسمه شرطه
شوف هوا بيعامل الناس ازى طبعا اللى مش ليهم وسطه
وشوف اللى بيعمله فى الناس اصل كل واحد فيهم فاكر انه امتلك الدنيا وما فيها لما دخل كليه الشرطه يعنى انت لازم تعرف انك لما بتقابل الناس النضيفه فى الشرطه دى الناس اللى مش بتتعامل مع الناس زى المباحث ومكافحه الارهاب اما اللى فى شارع
انت عارف يلاااااااااااا مش هطول عليكى وشكراااااااااااااا يامسى