عفوا : رحم الله كرامتى فى عهدك سيدى الرئيس
عفوا : رحم الله كرامتى فى عهدك سيدى الرئيس
والصلاة والسلام على سيدنا محمد رسول الله (صلى الله عليه وسلم) وعلى اله واصحابه اجمعين
السلام عليكم ورحمة الله وبركاته
نبدأ بتحية الاسلام والعزة
فى قول الله عز وجل عن دعوة المظلوم (وعزتي وجلالي لأنصرنك ولو بعد حين)....... صدق الله العظيم
اما بعد
بصراحة انا كنت متردد انى اكتب الموضوع دا
لكن ما باليد حيلة
بعد اللى حصل لاخواتنا فى السودان والترهيب اللى حصل لمنتخبنا فى السودان من قبل الجمهور واللاعبين (الجزائرليين)
حسيت اننا بنتهان ودمنا رخيص اووووووووى
على الرغم من انى بحب بلدى اوووووووى
وعلى الرغم ايضا من الصعوبات اللى بتقابلنى فى حياتى
انما بجد كل يوم بيزيد حبى فى البلد دى
بصراحة انا مستاء جدا من اللى حصل
وفى لحظة من اللحظات حسيت اننا مش قادرين ناخد حقنا ولا حتى نطالب بيه
بل اننا قدام العالم كله ظهرنا اننا الجنااااه
وانا قاعد مع نفسى امبارح جالى احساس ان بلدنا مش قادرة تحمينا
ولا تجبلنا حقنا ولا بره ولا جوا
قولت لنفسى (اذا كان بلدنا وحكومتنا مش قادرة تحمينا)
انا هحمى نفسى وهحمى اهلى واخواتى الصغيرين ازاى
بصراحة الواحد تعب اووووووووى
احساسك ايه وانت مش قادر توفر الامان لابنك او بنتك ؟
احساسك ايه وانت مستخبى تحت كرسى وبتدارى على ابنك وخايف عليه وانت عاجز عن الدفاع عنك وعنه؟
شايف صورتك فى نظر ابنك ازاى وهيقول ايه عليك بعد اللى حصل؟
تفتكر ابنك هينسى اللى حصل دا مع الوقت .. وياترى هيقول ايه على بلده لو محسش ان حقه رجعله؟
اسفا على الاطالة
ولكن عندى سؤال واحد يحيرنى انا شخصيا
هل الحكومة المصرية قادرة على اعادة حق المصريين الذين اهدرت كرامتهم امام اعينهم؟
الملف مفتوح للجميع
