كرامة مصر من كرامة المصريين " كلمات زجلية "
اهدي يامصري ورووق
أرجوك اوعاك تنهار
طول عمرك راسك فوق
واكبر من اي صغار
بالعافية او بالذوق
حقك في رقبة احرار
التار مابيتنسيش
والغدر ماهيعديش
قدمنا حسن النية
قابلونا ناس مهابيش
خططوا عشان يأذونا
شعب وحكومة وجيش
قولنا د ماتش كوره
تسعين دقيقة ويعدوا
وأخدت علم بلدي
ومعايا بنتي وولدي
قابلونا بالسنج
ومطاوي وكمان سيوف
وانا رايح بقلبي الابيض
مش بالسلاح الابيض
زرعوا في قلوبنا الخوف
ياكل عربي في بلد عربي
اتفرج علي المهزلة وشوف
الصدمة كبيرة أوي عليا
معقولة دي دولة عربية
بقلوبنا ياما ساندناها
ووقفنا كتير أوي وياها
ووصلناها للحرية
وبعتنالهم مدرسينا
يعلموهم اللغة العربية
يعني احنا اللي رجعنالهم
هويتهم العربية
بعد الاستعمار الله يسامحهم
مامحاها من حناجرهم
هي هي نفس الحناجر
ردت الجميل بالالفاظ الردية
أشكرك ياربي قدرك كان كله حكمة
لو كنا فزنا عليهم كنا زمانا في نقمة
وكان المجرمين دبحوا أعز ولادنا
كرامة المصري اللي اتهانت
علي ارض السودان
ما هتهونش علي ريسنا
رمز رموز الأوطان
ولا هيهون عليه يشوف
علم مصر منداس برجل جبان
عشان كدة وبصوت عالي
كان وعيد ريسنا الغالي
مفيش تهاون في كرامتنا
وعادها مرتين
وكرامة مصر حبيبتنا
من كرامة المصريين
*************
