ازيكم يا مفكوكين انا كنت قاعد زهقان كده حبتنين قولت لما اكتب اى حاجه تكون فى دماغى
المهم قعدت ادور تختار ايه ياد ياحمد تختار تختار ايه :-/وبعد تفكير كبير وصراع مرير مالقتش اكتب فى حاجه معينه اصل المشكله انى عاوز اكتب فى سبعوميه حاجه
المهم فى الاخر قولت اتكلم عن التحرش:-??
اه يا عم التحرش اللى هو المعاكسه ;-) يعنى والحركات دى
المهم دلوقتى يا سيد انتوا وهو الموضوع بقى كبير وخطير وشنيع وفظيع اه يا عم امال ايه>:)
الموضوع اساسا بينقسم الى شققين يعنى نصصين او ممكن نوعين عشان نفهم فى تحرش بالكلام وده عادى كلنا بنتعاكس انا ذات نفسى بتعاكس من البنات:d.... انتوا بتضحكوا ليه؟!!!! والله العظيم انا بتعاكس من البنات هه بقى:">
مش موضوعنا نخش ع الشق التانى او النص التانى اللى هو النوع التانى يعنى وهو التحرش اللى مش بالكلام التحرش بالايد الطهره اللى عاوزه قطعها .
ده بقى مالوش حل ونتايجه ربنا يستر منها.
طيب دلوقتى لو سالنا نفسنا ليه انا بتحرش؟
اول حاجه انا شايف ان العيال اللى بيتحرشوا سواء بالكلام او باللمس دول بيتحرشوا لسبابين والله اعلم الاول ياما بيتسلوا وعاوزين يضحكوا زى مثلا لما اشوف واحده واقولها يا صفايح الزبده السايحه يا براميل الجبنه النايحه مع انى مش فاهم معناه بس عبدالفتاح القصرىB-) قال كده وفى الحاله دى انا هضحك واللى معايا هيضحوا واكيد البنت هتضحك لو مش علنى هيبقى جواها وهيعدى الموقف على كده .السبب التانى اللى بيخلى الواحد يتحرش هو الكبت اللى الواحد عايش فيه يعنى تلاقىالواحد قاعد بتفرج ع التلفزيون طول النهار وبيشوف بلاوى واول ما بيخرج بيكون عاوز يفضى الشحنه دى فى اى بنت يقابلها والبنات اليومين دول هم اللى بيساعدوا ماشاء الله يعنى بقوا خبره مش كلهم طبعا عشان محدش يزعل .
طووووووووووووووووويب
فى الاخر بقى عاوزين نقف وقفه حلوه كده ولظيظه
بص يا كوتش انت وهو دلوقتى يعنى لما انت بتعاكس واحده بتستفاد حاجه؟اكيد طبعا لاء .انا منى واحد مبعاكسش الحمد لله بس صحابى بيعاكسوا ومبلاقيهمش استفادوا حاجه خالص اهى شويه ذنوب ع الفاضى
وبعدين يا عم متفكر فى اختك او امك او مراتك اكيد برضو انت مترضاش عليهم كده فبلاش بقى تعمل كده فى بنات الناس
نخش على السحالى)انا والله معرفش ليه مسمينكم السحالى على المنتدبات الخليجيه بس الاسم ماشى عليكم(
المهم ياختى انتى وهى مترحموا العيال شويه
هم هيلاقوها منكم وللا من هيفاء وللا من نانسى وللا من غاده(غاده دى جاره واحد صاحبى(;-)
يعنى بلاش البت تبقى نازل بالمحذق والملذق وعامله في وشها بهلوان مهى كده كده هتتعاكسى اللا اذا بقى مكنتش هى اللى عامله كده فى نفسها عشان تتعاكس.
دعوه لاحترام النفس واحترام الغير
واحترم نفسك يالاا منك لها
اه انا نسيت اقول ان مش عارف ايه علاقه العنوان بالموضوع
هو جده فدماغى كده لوحده:-??
