إحم إحم
بصوا بقى يا جماعه دي محاوله من محاولاتي للكتابه بالعاميه لأني كل ما بكتب بكتب فصحى و كل ما بحاول أكتب عامي لازم حاجه تتسرسب كده فصحى تبوظ الدنيا بس المرادي كملت لأخرها عامي و عايز أعرف رأيكم بس من غير ضرب :)
لما تحب
لما حتبني و تبني كمان
و تتعب و تشقى وتعلى كمان
و توصل لأعلى و أحسن حياة
فجأه تلاقي قلبك ناداك
لقى الحب اللي مكنش بهواك
حتستعد تهدم و تهدم كمان
كل اللي يقف قدام هواك
عشان اللي عندك هو الحياة
و تسعد بحبك و باللي ناداك
و لو كنت حتى صفر عالشمال
حتفضل بحبك تعلى و تعلى
لحد ما توصل لأعلى مكان
و تصبح ملاك
هواك جناحك و طاير معاك
لكن تحاسب لأن الهوى
زي الهوا ملوش إتجاه
غدار و خاين ملوش أمان
تلاقي جناحك سابك وراه
و إنته بتلوح بإيدك معاه
و تصرخ و تبكي و تنده عشان
هواك حياتك و كل اللي كان
و كل اللي فاضل
و كل اللي راح
حتنزل و تنزل و تنزل كمان
من أعلى و أعلى و أعلى مكان
عشان إنته اللي هدمت بإيديك !!
حياتك و رحت ورا وهم و خداع
حب و هوى و كلام فكلام
*****************
بقلمي : م / أحمد علاء
29/6/2008
