خلى بالك يا معلم -- ده صاحبك : عيب كده

من كام يوم كنت قاعد مع ناس صحابى وفى وسط الكلام طلع شاب امور فاكر نفسه انه الواد الى مجابتوش ولادة

المهم الكابتن حكى على اشتغالة هو بيعملها

طبعا قعدنا كلنا نسمع الاشتغالة

المصيبة بقى فى ايه

انه بيشتغل اخت صاحبه

وبيكلمها على النت من اميل تانى غير اميله الاصلى وتقريبا بيرسم على البنت رسم بس على تقيل واستغل ان البنت لسه فى 2 ثانوى واستغل انه عارف عنها تقريبا كل حاجة؟

مش عارف هو انسان زى ده ممكن يطلق عليه لفظ ايه

بصراحة انا مش عارف يعنى كلمة ندل لو قولنها عليه يبقى بنشتم الكلمة مش بنشتموه



ياترى انت ممكن تعمل كده مع اخت صاحبك؟

طيب ايه رايك فى الشخص ده؟

طيب لو عرفت ممكن تقول للولد ده علشان يلحق اخته

شكرا يا حجازى باشا على موضوعك

نورت يا تيتانك و على فكره صوره حلوه قوى فعلا لايقين لبعض

صاحبي اللي ادخل بيته اخواته زي اخواتي فاكيد هحافظ عليهم وعمري مهعمل كده معاه حتى لو عمري مدخلت بيته
مش عارف بس هو ده يترد عليه بالكلام مظنش الكلام ينفع معا وانا مبحبش العنف بس اكيد
في طريقه
هقول لصاحبي بس بطريقه كويسه يعني زي
هقوله تصدق عرفت ان فلا ن بيشتغل بنات اخوات صحابه وبيقول انه بيبقى عارف عنهم حاجات ومغير الايميل بتاعه وانا نبهت كل صحابنا منه واديني بنبهك انت كمان وهقوله انهم تقريبا في سن اختك بس

شكرا على مشاركتك يا متاتا

انا بضيف صوتى للاخ متاتا وعنده حق فعلا فى كل اللى قاله
لان معنى ان صاحبك يامنك ويدخلك بيته معنى كده انه واثق فيك ثقة كبير
فا لواحد بقى يحلفظ على سر البيت وميخرجوش بره لان ده كده ميبقاس اسمه صاحب
وانا مش عارف اقول يبقى اسمه ايه

بص يا حجازى افندى الموضوع سهل جدا وحلو ولذيذ وطرى وسخن وطعمه حلو
المهم
دلوقتى انا مصاحب تامر تمام كده؟طيب تامر بقى يعرفنى على اخته بتاع ايه وليه ؟
طيب نسيبك من دى دلوقتى انا اللى هو مقصود بيا تامر يعنى ليه اصاحب واحد بالنوعيه دى؟
طيب نعيدها انا بقى دلوقتى المقصود بيا اخت تامر ليه اكلم ولد انا معرفوش ع النت ؟
يعنى لو بصينا كده هنلاقى ان تامر واخته غلاطانين وهم اللى عملوا فى نفسهم كده
بالنسبه للحيوان التانى
يعنى اكيد مش كل الناس ملايكه فى شخصيات غبيه ومتخلفه
هو ليه يستغل هبل وجهل وغباء تامى فى انه يتغرغر باخته؟
يعنى الراجل غلطان اكمنه اهبل معاك تقوم انت عامل كده؟ ام انت واطى صحيح

نيجى لاسئلتك يا مان
ياترى انت ممكن تعمل كده مع اخت صاحبك؟
مش هرد عليك اساسا

طيب ايه رايك فى الشخص ده؟
ده مش شخص ده حاجه تانيه
طيب لو عرفت ممكن تقول للولد ده علشان يلحق اخته؟
اقوله انت عيل اهبل وغبى وحافظى على اخواتك يا عبيط
وهقوله انى سمعت كلام عن اختك مش ولاا بد وخلى بالك من تصرفاتها وقرب منها وهقوله ياعبيط برضو

ماشى يا ميسى بس بلاش الاراء الجامده دى يا عم انا غلبان و الناس مش مستحمله و براحه يا مان متدخلش على الواد سخن كده ده مهما كان صاحبك

هوا فى حد كده ؟.%-(

حبيبى انت يا مان:-*

بس صحبى ايه بقى يا عم حجازى هو بعد اللى يعمله ده ويبقى صاحبى؟!
وبعدين دول عيال متجيش غير بالعين الحمره يا حج