الاحتفال بالمولد النبوى بطريقة ترضى ربنا ورسوله ادخل وانا اقولك ازاى ؟؟
بسم الله الرحمن الرحيم
الحمد لله والصلاة والسلام على اشرف المرسلين سيدنا محمد وعلى اله وصحبه اجمعين
طبعا كلنا عارفين اننا دلوقتى فى وقت الاحتفال بالمولد النبوى الشريف
اللى هو طبعا بكره باذن الله الموافق يوم الجمعه 12
ولكن فى كتير من العلماء والشيوخ اللى اكدوا انها بدعة وكمان حرام
بس هل معنى كده اننا نعدى اليوم ولا كان فى حاجه مهمه حصلت فى اليوم ده
انا عندى راى واقتراح بسيط
ايه رايكم نخلى احتفالنا بالمولد النبوى الشريف
بطريقة ترضى ربنا وسيدنا محمد صلى الله عليه وسلم
اننا نعمل حاجات سيدنا محمد قالنا عليها ووصانا بيها ممكن نكون مهملين فيها
يكون احتفالنا اننا نذكره ويكون على بالنا ونصلى عليه لكى يرزقه الله بافضل مكانة
فى الجنة وترزق انت بصلاة من الله الكريم
نخصص جزء من يومنا
مثلا ... باذن الله بكره نصلى صلاة الجمعه فى المسجد
نقضى معظم اوقات اليوم نصلى على الحبيب المصطفى ........
نقدم صدقة فى سبيل الله تطفىء غضب الرحمن
تصل الارحام
هو ده فعلا اللى هيخلى سيدنا محمد فخور بينا
وهو ده فعلا الاحتفال بالمولد النبوى من وجهت نظرى
انك تذكره وتصلى عليه وتتبع سنته
زى ما هو وصانا
وياريت كلنا نقول بجد من قلبنا قبل لسانا
اللهم صلى على محمد وعلى ال محمد كما صليت على ابراهيم وعلى ال ابراهيم انك حميد مجيد
اللهم بارك على محمد وعلى ال محمد كما باركت على ابراهيم وعلى ال ابراهيم انك حميد مجيد
يا حبيبى يا رسول الله
ذهبت ولكنك ما زلت فى قلوبنا
اسالك الله الكريم ان يرزقنا رؤيتك
وان نشرب من يديك الطاهرة فى جنة النعيم
وان يرزقك الله الوسيلة وافضل مكان فى الجنة
فانك والله تستحق
فانك خير المرسلين
فالله يا كريم صلى عليه وسلم تسليما كثيرا
