قول انت مين ( أغنيه )
قول انت مين علشان تهين ...................
..................... قلبي اللي حبّك من سنين
تِنْكِر في يوم كان فيه غرام ..................
..................... وتقول كلام مليان كلام
معرفش حكاياتك منين .......................
..................... واللا انت بتقول والسلام
دا احنا اللي بينـَّا ذكريات ....................
....................... فيها الهيام فيها الآهات
ليه انت تتحدى الزمن .......................
.................. وتقول عليه مات اللي فات
ليه ذكرياتنا تِنسَجَن ..........................
................... وتهون عليك كل الشجون
دا الذِكرىَ مهما تِنـْدَفـَن ......................
....................... لازم تِبان جوه العيون
قول انت مين علشان تهين ...................
..................... قلبي اللي حبك من سنين
قول انت مين
ـــــــــــــــــــ
قول انت ليه تِعمِل كدا ........................
..................... تِنسىَ اللي فات بالشكل دا
دا الذِكرىَ تسجيل للحياه .....................
......................... نِعمه بيمنحها الإلاه
لو حد يوم ضل ونِسِي .....................
...................... هيعيش حياته بعقل تاه
ليه احنا ننسَى حُبِّنا .........................
..................... ونجور على اللي يحِبِّنا
ننسى حلاوة الذكريات .....................
....................... ننسى أحاسيس الحنين
دا الذِكرَى لما تِندَفن ........................
...................... لازم تِبان جوه العيون
قول انت مين علشان تهين .................
.................... قلبي اللي حبك من سنين
قول انت مين
ــــــــــــــــــــ
ليه هان عليك إحساس بشوق .................
..................... إحساس جريئ لاكِن بريئ
ليه يتعِمِل بينـَّا الفروق .........................
...................... وتقيد ف أحلامنا الحريق
ليه هان عليك لحظة حنان ....................
............................ فيها الجمال بيشِدِّنا
دا الحب كان ف العين يبان ...................
......................... واحنا سكارى لوحدِنا
ليه تِنكِر الحُب اللي كان ......................
...................... ميعكـَروش حتى الظنون
دا الذِكرىَ مهما تندَفـَن .......................
........................ لازم تبان جوه العيون
قول انت مين علشان تهين ...................
..................... قلبي اللي حبَّك من سنين
قول انت مين
***********
__________________
ابو اسكندر
