هو انا انفع ابقى شيخ؟؟ الشيخ ابو اسكندر
محدش يفهم غلط ولا يرد قبل ميفهم انا عايز اقول ايه
بقلنا فتره بنتكلم فى الحكايه دى شيوخ جديدة بنشوفها وبنسمعها
ولما بيتكلمو فى موضوع بتلاقيه من كل ( شيخ ) راي مختلف
طب انا كا شخص عادى حابب اعرف الحاجه دى هعرفها من اى شيخ وهقتنع بيها ولا لا
ويا ترى همشي على كلام الشيخ الفلاني دة ولا التانى ولا غيره ولا استنى شيخ جديد
والله بقيت حاجه غريبة
ندخل فى مضمون الموضوع
كتير وانا بمشي فى الشارع اشوف واحد مربي دقنه والناس تقوله
ازيك يا شيخ
طب يا ترى كلمه شيخ دى بقيت موضه للى مربي دقنه ولا هى فعلا كلمه يستهلها
طيب لو يستهلها طب منا من بكرة اربي دقني عشان يتقلى يا شيخ
واحفظ كام جزء من القرأن عشان استاهل كلمة شيخ
طب لو بقيت موضه دى تبقى مصيبة
كذا سؤال بيدور فى دماغي زى مثلا
لية الشيخ سيد طنطاوى ربنا يرحمة كان بيتقال عليه شيخ الحكومه؟
لية عمرو خالد اتقال عليه شيخ اعلانات ؟
لية زى ما الفنانين بتعض فى بعضها الشيوخ بقو يعضو فى بعضهم ؟
ياريت ايام زمان ترجع لما كان كل طفل يدخل الكتاب ويتعلم القران واسس الدين
وفهم دينا بيقول ايه
يريت معظم الشيوخ ترجع للمراجع والكتب بدل ما النت بقى وسيلة سهله للشيوخ
على فكرة الموضوع دة لما فكرت فيه لاقيت انه بيطرح نفسهع فى مجالات كتير
مش فى جهه واحده بس
لاقيت لما في شيوخ بيمشو على طريق الحكومة
ولما شيوخ بيطلبو من الفنانين انمهم يقدمو فن هادف
ولما شيوخ تفتي ويجي شيوخ تانيه تقول دة غلط ودة غلط
ولما ولما ياااااااااه دة موضوع كبير اوى والكلام اكيد هيبقى فيه مفتوح
انا مش بعيب فى شيوخ الفضائيات ولما بلوم عليهم بس هتفضل الحاله دى مستمرة
طب لو فضلت كدا هنحاول نحلها
طب لو اختفت كل واحد فينا بقى يختار شيخ ويفهم منه
انا اسف لو كان عنوان الموضوع والكلام اللى قولته يزعل حد بس انا اتعرفت ما بينكم
انى بحب اتكلم بصراحة
وعايز افهم كلامى اللى قولته صح ولا لا
وعايز اعرف لما فى زمنا الحكايه دى ماشيه كدا
ينفع بقى ابقى الشيخ ابو اسكندر بس اربي دقني الاول
هسيب النقاش ليكم ونشوف يمكن نوصل لحل محنا لو موصلناش لحل
نبقى مبنفهمش ولا هنفهم او يمكن فهمين وعملين هبل ولا احنا هبل اصلا وبنصدق اى حاجه
محنا فى وقت اللى بيتقال يتصدق لاننا فى عصر السرعه يعني تبقى شيخ بسرعه
تبقى مفتي بسرعه وكله ماشي
وانا همشي بقى عشان اشوف رايكو ايه
وفى نهاية الكلام اقول سلام
