كلام تهيـــــس !! (( للمهيسين فقط ))
دة حواار بين ابو لمعة والخواجة بيجوووو
========================
ركزوا بقى فى الحوار دة
وقولولى رايكم
ابو لمعة : شوف يا خواجة، وانا فى آخر رحلة لى فى الاسكيمو، كنت لابس الجلابية الدبلان المخططة بتاعة اخويا شلبى، ومقيل تحت شجرة جيلاتى! بينى وبينك انا نمت وانا فاتح بقى علشان اول ما حتة جيلاتى تستوى، تقع فى بقى على طول، بس لجل البخت الاسود، تعبان شاف بقى مفتوح افتكره جحر راح داخل فيه.
الخواجة بيجو : دا اكيد تعبان صغير بقى اللى عرف يدخل فى بقك ده؟
ابو لمعة : صغير مين يا خواجة، ده طوله 700 متر!
الخواجة بيجو : يا سلام، دخل التعبان اللى طوله 700 متر فى بقك وانت نايم من غير ما تحس ولا تصحى؟
ابو لمعة : لأ ما انا صحيت فى نصه كده، لقيت ده داخل فى بطنى قعدت اشد فيه وهو يتزفلط اشد فيه وهو يتزفلط، لحد ما دخل كله جوه بطنى!
الخواجة بيجو : يا خبر ابيض، وعرفت تطلعه؟
ابو لمعة : ابدا وحياتك، عملت البدع علشان اطلعه ما فيش فايدة، آخر ما غلبت رحت قالع ونازل له!
الخواجة بيجو : نازل له فين؟
ابو لمعة : فى بطنى! وهو شافنى نازل راح واخد ديله فى سنانه وطالع يجرى، وانا وراه، يدخل يمين ادخل وراه، يدخل شمال برضه وراه، لحد ما وصل بيت الكلاوى، راح داخل البيت وقفل الباب على نفسه!
الخواجة بيجو : طبعا ماعرفتش تدخل وراه ورحت مروح.
ابو لمعة : لأ، اروح ازاى،
انت عارف تحت بيت الكلاوى فاتح واحد حلاق، قلت اخش اخد دقنى واستنى التعبان لما يخرج، نص ساعة كده ولقيته مطلع راسه من الباب، بص يمين بص شمال ماشافنيش راح متسحب خارج، رحت خاطف الموس من ايد الحلاق وهاجم على التعبان، شوف يا خواجة، هى ضربة واحدة بالموس قسمته نصين!
الخواجة بيجو : بضربة واحدة قسمت التعبان الـ700 متر؟
ابو لمعة : بالطول وحياتك!
الخواجه بيجو: يا رااااااجل
ابو لمعة: وبعد كدة اخدت تلات اربع خمسين شنطة كدة من محل الفكهانى اللى بعد بيت الطحااال
الخواجة بيجو: ايه دة هو الفكهانى دة لسه موجود
ابو لمعة :ايو يا خواجة مهو فتح تانى بعد مخرج من السجن اصل امه كانت عيانه ومراته كانت مبتخلفش
فراح للوليه ام حنفى اللى اول الشارع قالها معندكيش مكركوم علشان ابنى الصغير متعور فى زورة
فقالتله اعد علشان فى خناقة دلوقتى قالها ليه كفا الله الشر
اصل بص يا خواجة دة موضوع طويل اوى اصل جوز الوليه ام حنفى دىبيشتغل كمسرى ففمرة....بلع ربع جنيه مخروم
فجاله مرض وحش بعيد عنك
بقى يشم صوابع رجليه وبقى مدمن ارباع جنيهات
لا وايه مخرومة كمان
وبعد كدة فـــ...........
الخواجة بيجو : بس ... بس ايه دة انت هتقرع عليا
فيه حد بيدمن ارباع مخرومة
ابو لمعة: يعنى يا خواجة مصدق ان كل دة فى بطنى ومش مصدق انه مدمن ارباع..... سلام انا ماشى
اما انت خواجة رغاااى بشكل
يلا سلامو عليكو
يارب يكون الرغى عجبكم
مع تحيااات ابو لمعة
اقصد
كتكوتة المنتدى
ههههههههههههههههههههههه
===============================
===============
======
==
=
