هجرة ابليس الخبيث

هجرة ابليس الخبيث






علي باب سفاره كندى لقيت ابليس معاه استماره

بقوله علي فين
قال يا هجرة يا اعاره

ياعم زهقت كفرت
الاقيش معاك سيجاره

انا انتهيت خلاص لا نافع وسواس ولا خناس
ولا ليا عيش وسط الناس

دول عالم مجرمين
عندهم فائض في الفساد في كل البلاد

مش محتاجين شياطين مليش عيش في البلد دي

بقالي سنين عاطل
وانتم بتقلبوا الحق باطل

وتمشوا في جنازة القتيل وتسلكوا القاتل

ومفيش مشاكل

يا عم ده انا بقيت اوسوس بالمقلوب واقول للحرامي
ايه مش هتوب

انت هتعمل كل الذنوب

وانا ابليس اشتغل واعظ ولا كمسري في اتوبيس

يا عم ده انا زمان كنت استنى حد ينسى يسمي وهو بياكل لقمته

ودلوقتي كل اكلكم ملوث وبصراحه الواحد خايف علي صحته

ده مفيش ضمير اساسا عشان اموته
والكل بمزاجه خربانه زمته

يا راجل ده انا من كتر ما لطشت معايا
خرجت مع الناس الي بتقول كفايا

وبرده مفيش فايده

الله يخربيت ده عااالم

واد يا حنكش هو كان بيتكلم عن العالم كلة ولا عل مصر بس ؟

جلال بجد جميل
بس كان اى حد يقول الكلام ده الا ابليس
بس الكلام ده بيحسسنى اد ايه بقى العالم وحش قوى
ربنا يهدينا يارب

يارب يهدينا على رائيك يارومى وفعلا العالم بقى وحش اوى