لسه عنك بتبعدينى(انا وقلبى )

لسه عنك بتبعدينى .. ولسه قلبى موش قادر يعيش

لسه عنك بتبعدينى .. وقلبى نفسه عندك يعيش

لسه مستنى ترجعيلى

بضحك على نفسى واقول هتجيلى

وتفوت أيام وليالى ولسه بضحك على نفسى وأقول بتحبينى

فوق ياقلبى من اللى انت فيه

خلاص حبك راح وموش راجع

خلاص قلبك حبه وهو موش قادر يسامح

خلاص اللى بتحبه بقى لحد غيرك

خلاص اللى بتحبه بقى فى ايديه دبلة حد تانى

فوق ياقلبى وعيش للى جاى

قلبى بيصرخ ويقول ازاى اعيش وهو موش معايا

ده نبضى بيدق بحبها

ده انا لسه عايش لقلبها

معقول هنت بجد عليها

معقول كرهتنى وموش عايزاة تشوفنى بعنيها

فوق ياقلبى عشان اعيش بيك من تانى

فوق وبص للدنيا من تانى

أزاى تحب قلب باعك وفكر يعيش لقلب تانى

أزاى تحب قلب محى صورتك من أحلامه

أزاى تحب قلب خلاص موش شايفك أب لأولاده

أزاى عايزانى انسى ..أزاى بتقولى أقسى

ده لو قلبها قسى ونسى أنا عمرى فى يوم ماهبقى قاسى ولا ناسى

أنسى اللى شوفتها أجمل واحده فى العالم

واحده فى يوم عملت كل حاجه عشانى

واحده فى يوم أدتنى كل الحنان والهنا

أزاى اعيش بعدها

أزاى اخون فى يوم وعدها