مقدرتش أعيش زى ماقولتيلى

مقدرتش أعيش

حبيبتى أعذرينى ! مقدرتش أعيش زى ماقولتيلى

مقدرتش اشوف غيرك فى عينى .. معشتش حياة زى اللى عشتها فى لقاكى

بعدتى عنى وبعدت عنى كل حياتى

للدرجادى لحبك تأثير .. حبك قدر يكون ليا بداية حياتى .. وقدر يكون ليا النهاية

قدرتى تعملى كل حاجه معايا

مقدرتش اعيش زى ماطلبتى قبل بعادك عنى

قررتى ليه من قلبك تحرمينى

نسيتى كل اللى عشته معاكى .. نسيتى خلاص زمانى

مبقولش خونتينى ولا حتى بعتينى .. بس ليه سبتينى

سبتينى وانا لسه محتاجلك .. سبتينى وحيد بندهلك

بجد بلجألك انقذينى من ضياعى رجعينى لزمانى

عارف انى خلاص بعيش مع قلبى فى حلم وهمى

عارف خلاص انك بقيتى لحد غيرى

ان ايديك بشوقها بتسلم على حد غيرى وان قلبك مبقاش هيقول ياحبيبى

مقدرتش اعيش زى ماقولتيلى

وأزاى اعيش وانتى لحد غيرى

معقول الحلم اللى بينا اتسرق .. معقول الوعد اللى بينا راح واتنسى

ده انا خلاص مبقتش حاسس بحياتى .. ده انا خلاص مبقاش عارف اعيش

بقالى سنين عليكى بنادى وانتى مبتسمعيش

موش حزين على فراقك .. موش حزين لأنك بقيتى لغيرى دى قسمة ونصيب وانا بيهم راضى

بس حزين بجد ان الملاك اللى حبيته يقدر فى يوم ينسانى

ان فى وقت أفكر انى كنت ولا حاجه فى حياتى

حزين على ضعفى فى حبك .. حزين على بعدى عن قلبى

حياتى لمين هعيشها ؟؟ صدقينى موش عارف !

حياتى أزاى هبتديها من تانى ؟؟ صدقينى برضه موش عارف !