سؤال مهم للشباب والبنات لو عايزة ترد مفيش مشكلة....
اية معنى الرجولة فى حياتك؟؟؟؟؟
_انك تعمل نفسك مقطع السمكة وذيلها؟؟؟
_ولا تعملهم على اخواتك البنات..وانت فاهم بقى؟؟؟
_ولا تشخط وتبقى عصبى؟؟؟؟
لو مش عاجبك الاختيارات دى قول من عندك.....
مستنية أجوبتكوا
ومين اللى قالك اننا بنقول ان دى رجوله؟
بصصى يا مصريه كل واحد بيشوف الرجوله من ناحيه معينه وده برضو بيرجع لعقليه كل واحد فينا وعقليه المتعلم عن اللى مش متعلم .
فمش كل الناس عندها الرجوله زى مانتى بتقولى فوق كده ومش كلهم فاهمين الرجوله صح.
بالسبه لمعنى الرجوله اللى انا شايفه فهو انى اول حاجه ابقىراجل مع نفسى يعنى اقدر احافظ على نفسى .ابقى راجل قدام ربنا يعنى اعمل اللى يرضيه واى حاجه تانيه ملهاش لازمه يبقى ابعد عنها .انى احترم اللى اكبر منى حتى لو اختلفت معاه فى اى حاجه .انى احافظ على اى بنت مدام هى مصريه مسلمه يبقى المفروض انى اعاملها باحترام واخاف عليها وانى اكون اد الكلمه اللى بقولها ...........
وحاجات تانيه كتير
شكرا ع التوبك ومنتظرين المزيد
شكرا يامصرية على الموضوع
بس انا شايف ان الرجولة زى ماقال ميسى انى اكون راجل مع نفسى الاول
والله ياريت الناس كلها تبقى بتفكر بالمنطق اللى انت بتفكر فيه ياميسى بس انا ماقصدتش اللى فى دماغك ...انا اقصد الشباب اللى ضاع ومش عارف نفسه فين بقوللهم فين رجولتكوا اللى انتوا بتقولوا عليها
عالعموم مشكووووور على مرورك الحلووووو انت وماجو
اللي يعمل اللي انتي كاتباه ده ملوش علاقه بالرجوله دي مواصفات انسان ضعيف جدا ومعقد شويتين ممكن الرجوله تبقى من تصرفاتك في اعتماد الناس عليك ومتخزلهمش ممكن من حنيتك على غيرك وقت غلطه عشان يحس امان بحبك لاخواتك واصحابك وخوفك على مصلحتهم وطبعا برك باهلك
يعني حاجات زي دي وده رايي
الموضوع حلو اوى مصريه بس للأسف مليش رد عليه
شكرا ليكى و بحيكى على الفكرة المطروحة
الرجوله ابعد مايكون عن التصرفات والامثله اللي في
الموضوع .. اللي بيعمل كدا أقل وصف ان عنده
مركبات نقص .. !
الرجوله ان الواحد يحط لنفسه خطوط عريضه ميعديهاش ولو في يوم غلط يعترف وياخد جزائه ويرجع مش يدوس في الغلط
وطبعا لو الانسان حاطط خطوط لنفسه مش هيعديها عشان واحده مهما كانت جنسيتها او ديانتها
الراجدل راجل لو كان مسلم او مسيحي او يهودي
وشكرا ليكي يا مصريه ع الموضوع الجامد ويا رب يكون نصيبك راجل
بالنسبة لى انا بشوف الانسان فعلا راجل لما يكون فيه الجدعنه والصدق والاخلاص والحياء وهى ديه تمام الرجولة تسلم اديك موضوع حلو اوى ولا تنسى الصلاة على النبى
ماشى يامصريه انتى بصراحه زنقتينا فى السؤال ده
بصى بقى ياستى
انا هقولك
اولا مفيش ولا اختيار من اللى فوق ده
ماشى لان الرجوله بتتلخص فى كلمه واحده بس
انا ممكن اشرحها من هنا ليكره لو عاوزه
بس الرجوله من وجهه نظرى هو
موقف
بس كده خلص الكلام
شكرا ليكى ياقمر