مسابقه ابداع فوكك منى الثانيه
كله سنه وانتم طيبين اولا بمناسبه الشهر الكريم
ثانيا ان شاء الله هنعمل مسابقه الموضوع المميز للاعضاء المره دى عن ازاى نستغل وقتنا فى رمضان
يعنى كل عضو هيعمل موضوع عن ازاى نستقبل الشهر ازاى نقضى وقتنا فيه سلبيات وايجابيات بتحصل فى الشهر وازاى نقدر نبعد عن السلبيات
بمعنى ابسط دلوقتى كل واحد من اللى هيكتبوا هيعمل موضوع عن الشهر الموضوع هيكون عن الشهر وازاى نقدر نخرج باكبر استفاده منه
ملحوظه
مسموح بنقل احاديث وايات من القران وبعد الاقوال عن الصحابه والسلف الصالح بس بشرط متكونش نسبه الاقتباسات دى اكبر من حجم شغل العضو نفسه فى الموضوع يعنى تكون مكمله للموضوع عشان تقويه مش اكتر
ان شاء الله النتيجه هتكون من خلال استفتاء والاعضاء هم اللى هيصوتوا لاحسن موضوع
الموضوع اللى هيفوز مش هياخد اى حاجه غير انه هيثبت فى الخيمه الرمضانيه
وكمان ان شاء الله صاحبه هينزل فى لوحه شرف فوكك منى الجديده
ياريت يكون فى تفاعل اكتر من المسابقه اللى فاتت
بالتوفيق لكل الاعضاء
