دعاء ام لولدها
ربنا يبعد عنك الأشرار.. ويجعل لك في كل خطوة دولار
ويبعد عنك أولاد الأيه .. ولا يخيبك خيبة الجنيه
ويجعل أعمالك كلها حسنات.. ويكفيك شر شهادة المخالفات
ويحوش عنك كل الشرور.. ويكفيك شر كمين المرور
ويكون لك دايما في العون.. ويكفيك شر فاتورة التيلفون
ويجعل لك كل الناس حبايب.. ويكفيك شر بتوع الضرايب
ولا يجعل عيالك محرومة.. ولا يخيبك خيبة الحكومة
ويجعل أصحابك كلهم اخلاص.. ويكفيك شر سواقين الميكروباص
ويحميك يا بني من إبليس.. ويكفيك شر سواقين الجيش والبوليس
وينور لك طريقك بالبركات.. ويكفيك شر الحفر والمطبات
بدعيلك وبدعي لكل أولادي.. يكفيكم شر الركود الاقتصادي
ويكثر في جيوبكو النقدية.. ويرحمكم من شر الدروس الخصوصية
ولا يحرمكم من أكل الفول.. ولا يخرب بيتكم بفواتير المحمول
مكتوب على ميكروباصات مصر
تعمل حسابي أقدرك، تهزر معايا أعورك
الحلوه لما تتدلع، تخلى الاسفلت يولع
ما تبحلقش كده يا لوح، دي جت بطلوع الروووح
ما تبصش كده يا عبيط، الحلوه دي بالتقسيط
سوقوا بالراحه يابهايم، أصل سواق العربيه نايم
الحلوه خوخه ،جت بعد دوخه
الحلوه تفاحه، للسفر والسياحه
دلعها فى الغيارات، وريحها على المطبات
متقولش دى بكام دى جايه بدهب المدام
ان نام السبع ،شويه كــلاب يكلوه
لما كنت عصفور كلونى، ولما بقيت اسد صاحبونى
مشنه مشنه بس ممشيه حالن
تركب اسليك , تنزل اولع فيك
