تعالوا ندردش عن حب النت

هاي عليكوا يا احلى شباب وبنات ..

كل سنة وانتوا طيبييين وبألف غير ان شاء الله

تيجوا ندردش كده عن موضوع الحب من النت

انا عن نفسي كنت رافضة الموضوع ده خالص

بس للأسف وقعت في الموضوع ده .. ولو اقول لكوا انه شخص بجد لو لفيت الدنيا كله مكنش ممكن اقابله

اعتبرت النت جسر لتعارفنا ببعض وتحول الصداقة دي لحب .. وتتحول من حب نت لحقيقة

ليه واخديين موقف من حب النت ما ممكن لما نحب بعض نتقابل .. ونحول الحب من نت لحقيقة

مستنية رأيكوا


بس حب عن حب يفرق مش اعرف واحد في يوميين ونحب بعض ومن النت

لازم نكون عرفنا كل حاجة عن بعض ... وبجد المشاعر بتيجي غصب عننا

مستنية ارائكوا :)

بقى رفضه الموضوع ده
ده هبقى موضوع لذيذ
على العموم السلام عليكو اولا ازيكم يا جماعه
واضح انى اول واحد داخل يدردش
بس اكيد هدردش مع نفسى
اكيد اى واحد يخش عشان يدردش لازم اقول على اسمى
انا اسمى شريف شومان طبعا وده اسمى اللى موجود فى البطاقه وفى شهاده الميلاد ورخصه الطياره بتاعتى
وانا اذا كان عليا النت ده هستغله انى اخش واعرف اصحاب ونحب يعض ونخاف على بعض ده يكون شرف ليا
وانما اخش على النت عشان الحب واعشم بنت بالحب وتقع فى دباديبى وفى الاخر اسيبها واقول انى بتسلى معاها الكلام الفارغ ده مش من طبعى
بس على فكره حب النت يفرق عن الحب لما يكونوا الاتنين قدام بعض
ده كده اخرى معرفش حاجه تانى
وشكرا يا بنوته على موضوعك
يا ريت الباقى يخش يدردش

رأيك سليم
وموضوع جميل
بس فى سؤال
هل كل الناس زى بعضها
كله بيفكر بنيه سليمه
معتقدش
نادر اوى وعلى العموم انا اتمنى ان كله
يتكلم بصدق لان الوضوع مش سهل
وانا انضم لشريف
انا اسمى احمد سامى ونفسى اتعرف على اصحاب ونفسى اسمع رأيكم بصراحه

هو يا جماعه بيحصل ان يكون فى حب من النت اكيد

يعنى النت بيكون طريق بس بيوصلنا لبعض

بعد كده لو هنقدر نحافظ ع الحب ده هيرجع لنا احنا

انا معاكى فى موضوعك