مهم جداااا بخصوص المسابقه الدينيه
بصصوا يا جماعه دلوقتى نظام المسابقه هيكون كالتالى
دلوقتى انا عندى الاعضاء اللى جاوبوا فى ناس جابت الفولمارك يعنى الدرجه النهائيه وفى اعضاء نقصين يوم واحد بس وفى عضو ناقص يومين
انا بصراحه مش عاوز احرم الناس اللى شاركت طول المسابقه وعشان اى ظروف مدخلتش يومين انهم يخسروا ويبقى زيهم زى الناس اللى مدخلتش[-(
فدلوقتى بالنسبه للناس اللى جابت النهائيه دول هيركنوا على جمب دلوئتى
وهم اسنو وايت وريحانه ومينى وسندباد وبيجز بانى
الاعضاء اللى باقين
زورو واسلام ماتركس ومنتوسه وويزو
دول يا جماعه هيكون فى مسابقه سرعه بينهم
الناس هتكون موجوده فى الشات النهارده بس يارب يتجمعوا
وهيتم طرح 7 اسئله مش مع بعض
بمعنى انا هقول سؤال واستنى بالظبط نص دقيقه هتكون بتنحسب ع الساعه
اول واحد هيجاوب هيتحسب ليه نقطه
وبعدين هقول السؤال التانى واول واحد يجاوب ياخد نقطه وهكذا
ملحوظه بقى ودى اهم مافى الموضوع
انا هناخد هعد بينا وبين نفسنا وقدام ربنا انه محدش هيستخدم جوجل
الاسئله هتكون سهله كده وعباره عن تواريخ وشخصيات
بجد اللى هيفتح جوجل بيتهايالى هو لو كسب مش هيحس بالمكسب لانه هيكون بيغش نفسع قبل ما يغشنا
دلوقتى بعد لما نخلص ال7 اسئله هنختار اكتر واحد جاوب الاول من التلاته
ولو فرض وكان فى اتنين من التلاته متساوين هنعمل بينهم سؤال سرعه
بعد لما طلعنا الكسبان منهم
هيكون معانا
الخمسه اصحاب الدرجات النهائيه وهنضيف عليه اللى كسب من التلاته اللى فى التصفيات
هنعمل بينهم تصفيه تانيه
هتكون نفس نظام التصفيه الاولى بالظبط
وهناخد اعلى تلاته جاوبوا
وهم هيكونوا الفايزن فى المسابقه
طب واحد يقول طب لو التلاته جاوبوا اد بعض
يبقى هيتعمل بينهم اسئله سرعه برضو
طب واحد تانى بيسال طب هم هيتسالوا كام سؤال هقولك 10 اساله وبرضو مفيش جوجل
ان شاء الله هيكون معايا اسبايدر جيرل هتساعدنى فى ظبط المسابقه
انا هستنى ملاحظاتكم وتعقيباتكم
واى شكوى او طلب ياريت تقول عليها
بالمره بقى اقولكم ع درجات المسابقه
ويزوو 250
زورو 260 نقطه
اسلام ماتركس 260 نقطه
منتوسه 270 نقطه
اسنو وايت بيجز بانى ريحانه ومينى وسندباد 280درجه
كل سنه وانتم طيبين
