الفتاوى لم تعد قاصرة على المشايخ ولم تعد قاصرة على القنوات الفضائية
وماكثر تلك الفتاوى الى اقل ماتوصف بانها سمك لبن تمر هندى
المهم خير اللهم أجعلة خير
.
.
.
لقيت تصريح للراقصة الغير مأسوف عليها دينا . وهى بتقول
اية
.
.
أنها حاصلة على الماجستير ( أعتقد فى الرقص ) مش ممكن يكون ماجيتسر فى الطاقة الذرية مثلا وأل اية انها هترتدى المايوة فى رمضان بدلا من بدلة ......الرقص
لا بجد كتر خيرك مش عارفين نودى الجمايل دى فين
أما الطامة الأخرى
فهو فتوى لمذيعة أول مرة أسمع عنها اسمها
دعاء حجازى
وبرضة بتفتى هى كمان وبتقول
ان الرقص بدون اثارة لايبطل الصوم يعنى الى عايز يرقص يرقص وعلى ضمانتها ياجماعة الرقص مش حرام
طيب السؤال دلوقت
فين .. لجنة الأزهر وموقفها من الفتاوى الى بتخرج كل ساعة من الفضائيات ؟
الى متى يستمر التهريج وكل من هب ودب يخرج علينا ويصرح بتصريحات بدون اى محاسبة ؟
بصراحة الكلام الكتير زهقنا منة بس ياترى اية الحل فى الى بيحصل دة ؟؟؟
