يا شباب الزقازيق يرضيكوا...

يا جماعة بما اني من الاسماعيلية وببقي ضيف عندكوا....عانيت من حاجة وهي المواصلات.....يلهوي علي المواصلات عندكوا..

اولا :
التاكس المخصوص:
الواحد عندنا في الاسماعيلية مياخدش غير اتنين جنيه ويلففك اسماعيلية حتة حتة ولوحدك انما في الزقازيق...توقف الراجل وتبوس ايده والنبي يا عم الجامعة...ويوم ميحن عليك ويوافق...يقولك بمبلغ وقدره ويركب معاك امة لا اله الا الله
ايه ده يا جماعة...مش ممكن
ثانيا
السيرفيس....منظر لا حضاري بالمرة...والناس تبقي هتقع خلاص واحشي احشي احشي كله عشان الفلوس...والله يا جماعة عندنا في اسماعيلية التاكسيات اللي بنركبها مخصوص في الزقازيق بتبقي نفر عندنا ( زي السيرفيس) او اتوبيسات طالعة مفيهاش الزحمة دي


اكيد انتوا في المعاناه دي زي ماحنا فيها....واكيد في ناس عندها افكار لحل المشاكل دي....

فتحتلكوا الموضوع ده عشان تحطوا آرائكم ولمقتراحتكم بكل جرأة والمفيد منه بجد...فريق عمل فكك مني هيقوم باللازم عشان يوصله للمسئولين

السلام عليكم
موضوع جميل قوي يا باشمهندس عمرو
و كويس قوي انك فتحت الموضوع
أول هام ..
هو فعلا المواصلات اصبحت احدى طرق تعذيب الشعب المصري
و خصوصا في محافظة زي الشرقية
موضوعك جميل قوي
و على فكرة احنا نقدر نوصله بجد للمسئولين
بس عايزين حلول
عايزين اقتراحات يا جماعة ..
يا ريت لو كل واحد دخل قال بلده و مشاكل المواصلات اللي بتقابله ..
و بإذن الله هنحل اي مشكلة .
شكرا يا عمرو على الموضوع

انا عندى تعليق اولا قبل المقترح وهو ان الاسماعيليه فاضيه مقارنه با لشرقيه تقريبا تلت عدد السكان
ثانيا بقى بالنسبه لمشكلة المغالاه فى الفلوس البتندفع للتاكسيات فده لانه مرتبط بالعرض والطلب وطبعا بما ان الناس كتير فلازم يطلب فلوس كتير
ويبقى الحل بقى من قرصنة سائقى التاكسى هو ان المحافظه تدعم المواصلات الداخليه اللى هيا اصلا من اختصاصها وخارج اختصاصات وزارة النقل وطبعا فى الشرقيه عديمة الامكانيات الماديه أحب أقول انها مشكلة أزليه وياترى مين يعيش لحد ما تتحل