راى جديد

الاول انا عضو جديد فى المنتدى واحب اشارك معكم ولفت نظرى موضوع القسم قالو عن الحب وده شئ جديد وجميل احييكم عليه .
انا رايى فى الحب ان له شقين يعنى ممكن يرفع اللى بيحب الى اعلى مكان ممكن يتخيله وفى نفس الوقت ممكن يؤدى باللى بيحب الى اخطر مكان ممكن يتخيله بمعنى... الانسان اللى بيحب لما بيحب قوى بيبقى عايز يرضى اللى بيحبها باى طريقة و يخليها هى كمان ترضى عنه وتبقى فرحانه بيه وتفتخر انه بيحبها وفى نفس الوقت بيسمو بنفسه ويتغير تغير كلى للاحسن طبعاً انا شوفت كتير شباب الحب هو اللى قدر يغير من سلوكياتهم ولكن للاسف لو الحب ده ضاع يصبح الانسان شخص اخر وممكن يتحول الى النقيض فى كل شئ حتى فى سلوكياته بسسب صدمة خدها فى الحب وفى اللى بيحبها واعتقد كمان ان زمان كان الحب له مقومات ممكن تخليه يسمو الى اعلى مكان ولكن الان اصبحت مقومات الحب للاسف ضعيفة بسبب الانفتاح على العالم والانترنت والفلوس اللى اصبحت تمثل قيمة كبيرة جدا فى حياتنا واللى اصبحت مثار اهتمام قاعدة كبيرة جدا من الناس
وعلى فكرة انا رايت بنفسى انا الحب خلى ناس تصلى وتبعد عن المعاصى والله الحب ده شئ جميل جدا بس لللا يفهم يعنى ايه حب الاول@};-

المشكلة في مرحلة المراهقة
اللي كلنا فيها
و اللي بتخلي الشباب دايما بيجروا و بيطنطوا هو الاحساس المستمر بعدم الرضا
و اللي بيخيليك على طول شغال و عايز تاني و عايز و عايز و عايز
و عدم الرضا ده هو السبب الرئيسي لان في ناس كتير بتبقى مش ملتزمة للاسف
بخصوص الناس الطبيعية
هو المفروووووووووووووووووووو ووووووووووووووووووض و من غير اي مقدمات ان البني ادم الطبيعي يكون ملتزم سواءا راضي او لا لان ده اختبار من ربنا
انما لو فرضنا مثلا انه مش راضي , و للاسف مش ملتزم .. فلما بيلاقي الحب , اكتر حاجة اي شخص محتاجلها بيتولد عنده احسااااااااااااااس رهيب بالرضا
و بيبتدي يتشجع انه ينتج و يشتغل لانه لقى هدف يشتغل عشانه
و احنا واخدين بالنا من الموضوع ده و بنقول عليه دايما " هيتهد لما يتجوز"
عامة شكرا يا كنوز على التوبيك
و سلاموعليكم

بأعرف انى بحب بجد لما اخاف على اللى بحبه من اى شئ حتى نفسى ومن راغباتى ابقى انا كده ماشى صح واسيب الظروف اللى تجمعنا فى بيت واحد ديه على ربنا لكن فى وجهة نظرى انا اى حد بيتطاول على اللى بيحبها بأى نوع من التطاول وكان ده بدافع الحب اعتقد انه يبقى مراهق حتى ولو سنه 40 سنه (الحب فى معناه التزام واحترام وخجل واحساس بالراحة مع اللى بتحبها لدرجة انك ممكن تنسى هموم يومك كله لو سمعت صوتها)

كلامك جميل قوي يا kanoz
بس انت نسيت اهم حاجة
ان مفيش حب اصلا

بس بلاش التشاؤم ده احنا بنقول ان ممكن لو حصل حب تبقى ديه أعراضه ولو محصلش يبقى ده حاجه تانية ملناش دعوة بيها المهم اننا بنتكلم عن الحب بس مش حاجه تانية

مهو عشان نتكلم على الحب
لازم نبقى صادقين مع نفسنا ان مفيش حاجة اساسا اسمها حب
انما احنا اللي بتحصلنا حاجات بنسمييييييييها حب
و الدليل ان ياااااااااااااااما بنحب , و نقول مش هنقدر نعيش من غير بعض
و في الاخر بنسيب بعض و بنعيش و نحب تاني
و الحياة حلوة

على فكرة انت شكلك كده دنجوان ومالكش فى الاستقرار (انا اسف يعنى) انا لما بحب بتحصل مشاعر وحاجات غريبة جوايه عمرها مهما حصل ممكن تحصل الا اذا انا فعلا بحب وديه حاجه سيكولوجيه من عند ربنا يعنى .... انما عجبتنى واحدة وحاربت عشان يكون بنا علاقة وخرجنا وقضينا وقت ظريف مع بعض وبكرة اقابل واحدة تانية اجمل وابدا احارب من جديد يبقى فين الحب ؟؟؟ انما الحاجات اللى بتحصل جوه الواحد ديه عمرها متحصل الا فى الحب بس والكلام ده انا متاكد منه كويس وعلى فكرة كثرة البنات وتكرار الاسطوانات بيموت القلب