دايما لما بنلاقي اثنين بيجبوا بعض اول حاجة بنعملها اننا بنقول يابختهم ولو مابنحبش بنتمنى ربنا يوعدنا زيهم, بس الغريب!!!!! اننا اول مابنحب ونفشل نكره الحب وسنينه. حد عاقل يقدر يقلي ذمب الحب ايه؟؟؟ :-/ ليه كل الي يفشل يقول منه لله قلبي هو السبب وكل واحد من الطرفين يبص للتاني على ان هو الجاني والشرير الوحش . انا مش عارفة بصراحة انا كدة بسأل ولا بتعجب ,بس لما ابتديت افكر في الموضوع لقيت ان الفشل مابيكنش بس بسبب احداث حصلت لأ دة بيكون اصلا في حاجة غلط من الأول والطرفين ماخدوش بالهم منها او بمعنى ادق ضعفوا قدام رغبتهم في الحب من غير مايبصلها ,وحتى لما يفشلو مافيش واحد منهم بردو بيفكر فيها . كام واحد قال بحبك وفكر في معناها وحجمها والمسؤولية الي وراها, كام واحد اصلا سأل نفسه انا قد المسؤولية ده ولا لأ قبل مايقول الكلمة المصيرية ده وطبعا الكلام دة عائد على الطرفين سواء الحبيب او الحبيبة , نحب ونحب اوي واحنا اصلا مش قد الحب ولما الحدوتة تنتهي وتتعقد نقول ليه, طيب ماليه كانت قدامك من قبل ماتحب وانت الي مابصتلهاش ومافرقتش معاك ,دلوقتي بتقول ان حبيبك السبب !! وحتى ولو قولت ان حبيبك برئ وظروف السبب ,مه كدة بردو انت مااعترفتش بالسبب الحقيقي الي وصلك للنهاية ده, وهو السرعة !!! ماتستغربش بس هيا ده الحقيقة , السرعة هيا سبب فشل كل قصص الحب وده النتيجة الي وصلتلها بعد تفكير وتحقيق طويل. عايز تعرف ازاي :-? اقووووووووووووووولك ازاي.
اتسرعنا لما قولنا بنحب لمجرد اننا حسينا براحة لحد ,لمجرد انه وحشنا , ونسينا ان في حاجة اسمها اعجاب وحتى لما بنفتكرها بدوم معانا يومين او اقل وثالث يوم نقنع نفسنا ان دة حب . اتسرعنا لما قولنا بنحب قبل مانشوف ظروفنا ,قبل مانحسب حسبتنا هتمشي ولا مش هتمشي ,قدها ولا مش قدها . اتسرعنا لما سبنا قلوبنا تشتهي الحنان والإهتمام وتجري على اول ابتسامة واول كلمة حنينة واول لحظة اهتمام من غير مانحاول نفكر مصدرهم يناسبك ولا لأ ,بيحبك ولا لأ , مافكرتش انه ممكن يكون مهتملك بس كصديق محتاجه جمبه , كأخ ربنا مارزقهوش بيه , كأي معنى حلو يحمل كل تقدير واحترام ؟ الإجابة لأ وفي النقطة ده بالذات انا مقدرش اقف فيها بس على السرعة لأنها فعلا تحمل الأنانية ,لما تلومه على حبك ليه لمجرد انه ماقدرش يحبك , لما تحس منه انه مابيبدلكش رغبتك وانك بالنسباله صديق وبس تتعب وتحسس نفسك بالجرح معنك انت الي جرحت نفسك بايدك وباردو تشيلو هو الذمب وتقول انا مغلطش انا حبيت بجد وهو الي محبنيش .وعجبي اتسرعنا لما رمينا نفسنا لضيقتنا وزهقنا وبقينا فريسة للمرضى يلاعبونا وينسونا عقولنا ويخلونا نتنفسهم مش بس نحبهم ولما نرضي غرورهم ومرضهم يسيبونا ويدوروا على الفريسة الجديدة ,ماتستغربوش اني بقول مرضى لأنهم فعلا مرضى ناقصهم الحب والإهتمام ودة خلاهم زي المفترسين يختاروا ضحيتهم الي تشبعلهم نقصهم واحتياجهم ولما يكتفوا منها , يدورا على الجديد . واتسرعنا واتسرعنا واتسرعنا , فوقوا بقة واعرفوا مين السبب في البعد . ياريت ياكل مجروح في حبك او تعبك البعد اوي, تحسبها صح مش مهم الي فات بس اهم حاجة تعترف وتلاقي الغلط فين ومن مين عشان الي جاي هو دة المهم الي جاي وربنا يطمن قلوبنا.[-o<
