خيانة عنكبوت !!!!!!!!!

هقلكم على حاجة غريبة اوي في يوم كنت قاعدة فاضيا مورييش اي حاجة خالص وزهقانة وحسة بمللللللللللللللللل وحاجة خنقة على الآخر , فمن كتر الفضى والزهق قررت اني افضل باصة لعنكبوت لقيته في ركن من اركان الحيطة وابتدى العنكبيوت يشدني بحركاته الغريبة فقربت منه لقيته بينسج شبكة جديدة وشغال الله ينور يروح يمين وشمال وشمال ويمين وفوق وتحت حاجة كدة مايتقلش عليها غير سبحان الله .
ولما خلص فضل واقف وثابت مكانه شوية وبعد ثواني لقيت عنكبوت تاني نازل من السقف بس كان كبير شوية ورجوله طويلة ونزل لحد ماوصل للشبكة وراح واقف عليها جمب العنكبوت الصغير التاني وانا بصراحة الحكاية كبرت في دماغي وفضلت واقفة وابصلهم عشان اشوف اخرتها ايه وفجأة لقيت العنكبوت الكبير هجم على العنكبوت الصغير وموته وفضل يزقه برجوله لحد ماوقع على الأرض انا اتغظت جدا وانفعلت مع الموقف لدرجة اني اعدت اشتم فيه اه والله اتهبلت 360 درجة وكان هاين عليا اقطعه, فبعد كدة الموضوع فضل شاغل تفكيري وكنت هتجنن واكتشف تفسير للي حصل وقتله ليه يعني استعفى نفسه مثلا كمنه اكبر واعرض ولا كان بنهم خلافات عائلية عنكبوتية مثلا ولا ايه الحكاية بالظبط ومهدتش الا لما وصلت للتفسير الي حصل قلولي ازااااااااااااااااااااااا اااااااااي :-?.
اقلكم ازاي عملت سيرش على النت عن علاقات العناكب وحباتهم مع بعض وقريت مقالات كتير وفي وسط المقالات ده لقيت الإجابة التايهة مني وهي ان العنكبوت المفتري الكبير دة ماطلعش عنكبوت دة طلع عنكبوتة والعنكبوت الصغير الغلبان دة هو جوز العنكبوتة يعني راجلها , ايه بقة التفسير العلمي للي حصل دة طلع ان العنكبوتة الأنثى غدارة بتستدرج العنكبوت الذكر كل فترة عشان ينسجلها شبكة جديدة اشمعنى الذكر طيب وماتعملهاش هيا ليه طلع عشان العنكبوت الذكر خيوطه متينة وبتعيش اما هيا فخيوطها ضعيفة وبتتقطع بسرعة عشان كدة بتستدرجه لهدف نسج الشبكة الي هو عش الزوجية زي مالغلبان كان فاهم واول مايخلص الشبكة وتيجي هيا تعاينها وتعجبها تقوم المفترية قتالة القتلى تروح مخلصة عليه عشان الشبكة تبقى بتاعتها لوحدها منها لله حسبي الله ونعم الوكيل صحيح اخرة الغز علقة ويارتها كانت علقة ده موتة .
احلى حاجة في الموضوع بقة قدرة ربنا سبحان الله بجد لو فكرت في الي انا قولته دة كله وكل الي حصل هتلاقيه بيحصل في واقعنا بين البشر فعلا وافظع منه كمان انا سعات بفكر ان ربنا خلق الحشرات او الحيوانات ده كدة وطبيعتها كدة عشان احنا لما نشوفهم نتعلم متهم ونتعظ زي مثلا القصة المعروفة بين هابيل وقابيل لما هابيل قتل قابيل شوفتم حكمة ربنا عمل ايه عشان يعلم هابيل ازاي يدفن اخوه فاكرين القصة ده بعت غرابين وخلاهم يتخانقم لحد ماواحد منهم موت التاني وقام الي عاش حفر برجله في الأرض وراح دافن الغراب الي قتله وردم فوقيه فلما هابيل بصلهم وشاف الي حصل عمل زي الغراب ودفن اخوه بنفس الطريقة شوف حكمة ربك في تعليمنا ابتدت ازاي , ولو دورت في سلوكيات الحيوانات والحشرات للأسف الشديد ااكدلك انك هتلاقيها هيا نفسها الي بيحصل بين البشر وفي الحياة الي احنا عايشنها ده وربنا يصبرنا كلنا .ولا انتم رأيكم ايه شاركوني برايكم .

نصيحة لما تبقى فاضي زيي كدة لما كنت فاضيا ابقى اجري بقة ورا نملة وشوفها بتعمل ايه عشان تحكيلنا =)).

ههههههههههههههههههههههههه هه


يخرب عقلك


بس بجد شكرا ع المعلومة دى

عشان اول مرة اعرفها


تسلمى يا قمر

الشكر لله يامنتوسة واي خدمة ياجميل وليكي عليا كل ماافضى اجري ورا حشرة جديدة عشان ادور وراها واعرف معلومة بردو جديدة

هههههههههههههههه
بجد موضوع طوةيل بس جميل
شكرا ليكى على التوبيك الجميل ده

تسلم ياويزو يارب وليك عليا المرة الجاية هوصي الحشرة الي همشي وراها تنجز بسرعة عشان ماارغيش واحكي كتير عن الي عملته

هههههههههههههههههههههههه

الموضوع بجد جميل و فيه شويه هبل جمال والله ........تسلم الايادى

تسلم يارايق والحمد لله ان الهبل الي انا عملته دة عجبك وياعم ان شاء الله ربنا يقدرني واتهبلك المرة الجاية 720 درجة اهم حاجة عندي انبساطك

ههههههههههههههههههههههههه ههههه
بجد موضوع جميل ومضحك

ربنا يخليك ياماتركس والحمد لله انه عجبك

ايه عش العناكب اللي انتي عايشة فيه ده؟
عنكبوت فوق و عنكبوت تحت
:d
سيبك
المهم الستر:p
و انا بقرى القصة , جت في دماغي فكرة ,بس انتي سبقتيني و قلتيها
ان فعلا الموقف بيتكرر كتير قوي في حياتنا
ياما ناس بتستدرج ناس عشان مصالحها و بس
اللهم لا تجعلنا من امثالهم
و شكرا ليكي يا طماطم