عرض للطباعة
عيوب الناس نحفرها على النحاس، أما فضائلهم فنكتبها على الماء
اعتقد انه كل واحد فينا فاهم الحكمة دى!!
واعتقد انها حقيقية رغم قسوتها وشدتها!!
ليه بننسى فضل الناس علينا بسرعة وبنفضل فاكرين غلطاتهم معانا مهما كانت!!
ولا انتوا مش معايا فى الكلام ده!!
بأنتظار آرائكم ورودكم ع الموضوع
تحياتى
mony
حكمة جامدة جدا ...
ومع ذلك -الحمد لله- انا مقتنع انى التفت لعيوبى الأول قبل أى حد
وان الناس ممكن تعمل حاجة انا مش بحبها ،،لكن بحاول التمس ليهم أعذار
وبعتبرهم مساكين وضحايا لأخطاءهم
لكن انا مش هنكر ان فى ناس معينين انا بظلمهم دايما
ويارب يسامحونى ...
شكرا مونى ع التوبيك ،،
موضوعك رائع يا مونى بجد
وفعلا حلوة اوى الكلمة دى
عيوب الناس نحفرها على النحاس، أما فضائلهم فنكتبها على الماء
بس مش كله كدة
بس كله كدة
ماتعرفيش الدنيا بقت ماشية ازاى
طبيعة بشرية يا مونى
بنفتكر عيوب الناس عشان نبرر بيها اخطاءهم فى حقنا وبننسى عيوبنا
بنحاول نلتمس الأعذار للى بنحبهم عشان نفضل نحبهم
شكرا مونى
كلامك صح والله وبعدين ما فيش حد خالى من العيوب بس كل واحد شايف نفسه كامل مع ان الكمال لله وحده وكل واحد فينا مبيشوف غير غلط الغير هنعمل ايه
دى طبيعه البشريه واغلبيه الناس بتحاول ان تصلح العيب ده فى ناس بتقدر وناس مبتقدرش وانا عن نفسى مبحتش عيوب حد فى دماغى علشان دى طبيعتهم وشكرا على الموضوع الجميل ده
ميرسى ليكم جميعاااااااااا ع مروركم الذى اسعدنى فعلا
وبجد ردودكم كلكم احلى من بعض وعجبنى كل رد واحد فيكم
ويارب فعلا يكون الموضوع عجبكم
ميرسى ليكم مرة تانية
تحياتى
mony
كلنا عندنا عيوب
وكل واحد مننا عارف عيوبة بس في ناس بتعيش دور انها معندهاش عيوب
ودة بيكون بيضحك علي نفسة قبل ما بيضحك علي الناس
ياريت كل واحد يبص لنفسه خمس دقايق بس يشوف عيوبة وغلطاته ولو انهم قليلين
لان كلنا فينا عيوب
بس كدة خلاص
وشكرا يا مونى على موضوعك