مين قال الجملة دى.. لأصحاب التركيز العالى فى الأفلام.., أدخلوا والعبوا

أنا عايز أقول لكم إن اللعبة دى جميله جدا
وهى انى هاقول جملة
واللى بعدى يقول الجملة دى مين قالها وفى فيلم ايه

يعنى مثلا أنا هقول
((متهيئلى لازم يدخلوا نظام الاحتراف فى المدارس))

واللى بعدى يرد يقول
(أحمد حلمى فى فيلم الناظر)

بس بشرط أن تكونوا حافظين الجملة صح..
وتكون فى فيلم معروف.. واللى قالها يكون معرف..

واللى هيقول جملة غير معروفة أو أى كلام مش صح
أو هيجاوب غلط يتوقف لمدة ثلاثة أدوار بعده


وكل واحد يجاوب يكتب مقوله تانية فى فيلم تانى
ويلا نشوف بقى مين كويس فى الافلام
حزب البنات ولا حزب الشباب


وأنا هبتدى بجملة ((هى البدلة دى عندها تبول لا إرادى ولا أيه؟))

شكرا ليكي علي اللعبه الجميله دية

والجمله دية اتقالت في فيلم جعلتني مجرما والي قلها احمد حلمي

وجملتي

هاهاها اشطه ياباشا
مين اللي قال الجمله دية

واتقالت كتير فى الأفلام ممكن توضح اكتر؟

اللعبه حلوة اوى يا mintooosa thnx

خلاص مش مهم هغيرها عشان صعبه شويتين
سمعني اه
سمعني لا
امال بترد عليا ازاي
غني
ممكن اشيل الخناقه دي

لعبة جامدة اوى يا باشا
مش فاكر فى ايه
طب دى حد يعرفها
(العلبة دى فيها ايه)

فيها فيييييييييييل هههههههههههه بس مش عرفه الفلم والممثل توفيق الدقن

الجمله للبعدى (محدش بينجرح اوى غير لما بيحب أوى)

فيلم أحلام عمرنا ( مصطفى شعبااااان)
للبعدي: ( ايه يا بابا ده كل يوم كده سجاير وشاي ع الريق؟)

احمد حلمي في فيلم زكي شان

اللي بعدي
اطلب 2 2
يعني 4

فى فلم جعلتنى مجرما للفنان احمد حلمى

طب اكيد كلكوا عرفين دى( برم برم لا لا لا لا برم برم لا ال لا لا لا )

مين ده؟ ده اكيد محمد سعد فى الرصاصه مازالت فى جيبى
طب مين اللى قال "هووا بطعمه بلذاذته بشكله الجميل"

مش عارفها
طب مين قال دى
افرجها يا رب

معنديش فكرة بالجملة دى
طيب مين قال(نونوتيلة يابت ها.......)

ايه الكلام المجعلص ده انت اللي قولتي يا منتوسه
اه عرفت محمد سعد في كركور
المهم من اللي قال:"اكتر جاموسه في الزريبه بحبها"

حلمى ف (ظرف طارق) لما كان بيعمل شاى بلبن ههههههههه
مين قال (يارب تنجح يا تاتح)

مش عارفها
طيب اللى بعدى
مذكرتك فى دماغك مطوتك فى جيبك وخد 2 جنيه هات ازازه بيره بعد متخلص

دة طبعا العسل عبلة كامل بس الجملة للاسف نزل عليها التخفيش فى فكك منى
اللى بعدى((((((( جاموسة راحت تقابل جاموسة)))))))

اللى قال الجمله يونس شلبى فى مسرحيه العيال كبرت

اللى بعدى

((((( خلاص هحنط الشك فى اليقن ))))))

هو ممكن محمد سعد فى بوحه اصله هو اللى بيقول الكلام ده
طب مين اللى قال "واقفه الراجل ب100ست بس لما تيجى الست يغور الراجل"

مش عارف اللقطه دى
روق الدى وكبر الجى

محمود مكي او الزعيم في فيلم مرجان احمد مرجان
دي جامدة بقى
مين قال
بررم بررم
تارارا رارا
بررم بررم
تارارا رارا

هاهاهاهاها
محمد سعد فى فيلم كتكوت
اللى بعدى
فكرى
فكرتى
طيب فكرى تانى

تامر (تييييييييييييييييت) في فيلم عمرو سلمى :)
اللي بعدي
التيتا في النانا و النانا في التيتا
بالمناسبة ينفع مسرحية؟

مسرحية الواد سيد الشغال
اللى بعدى معلم يامعلم توبتنى وبقيت حرامى يا معلم

غبى منه فيه
اللى بعدى
اعمل حاجه يا عم بوشك اللى بين قوسين ده

محمد سعد فى فيلم بوحه
اللى بعدى

انتى سخنانه انا مولع يخرب بيت حبك
الحب ولع فى الدره

ده هنيدى فى فلم عسكر فى المعسكر

طب مين اللى قال "حازم حازم"

الباشا تلميذ
اللى بعدى
هيا بنا يارجال هيا بنا يا رجال مطيلا يا ابنى انتا وهوا بقى

دي اتقالت في نص الافلام العربية

اذا اردت شيئا بقوة اطلق سراحه فان عاد اليك فهو ملكك و ان لم يعد فلم يكن مللك من البداية

مين ليه فيييين هو في ايه؟

الجملة دى فى فلم ظرف طارق
اللى بعدى :: تحب ارقصلك اية الجو الاديم دة
طيب تحب اغنيلك غنى انتى قلبك اسى اوى اوى انتة مش بتحس كدة كدة
مين الهيقول الجملة دى

تامر حسنى فى فيلم عمر وسلمى
اللى بعدى
باشا باشا باشا
باااااااااااااااااااااااش ا
باشا باشا

محمد هنيدي في فيلم وش اجرام
اللي بعدي
"خلاص هتنزل المره دي"

عبدالفتاح القصر في ......... اعلان فول امريكانا :p
"حسبي الله و نعم الوكيل .. الراجل صاحب البيت كان عايز يطردني بالعافية من البيت"
hint
المشهد كان في سجن و كان معاه مذيع قصير

محمد هنيدى فى فلم جاء البيان التالى
البعدى ::علل او بما تفسر هل محلات الجزارة بتبيع لحمة

محمد سعد فى فيلم بوحه
اللى بعدى
فين يا معتز قرش الكابتشينو

بسم الله الرحمن الرحيم الاجابة هى...
احمد حلمى فى ظرف طارق
اللى بعدى
مين اللى قال دى وفين
(وزة لو شخط فيا تانى هسيبك وامشى وززززززززة)

دة فى فلم ظرف طارق
البعدى ::سمعت كل حاجة انى افهم حاجة ومفهمتش