كلاكيت تالت مرة .....لازم تشارك (يوم اليتيم )

كلاكيت تالت مرة " يوم اليتيم "



@};- السلام عليكم@};-




طبعا دلوقت طورنا السايت
((شكرا للأدمن))


وبقى كل حاجة فيه جميلة

وبدأنا كمان نتعود عليه



لكن فى حاجات اتعودنا نعملها دايما سوا

مش لازم ننساها ابدا او نتخلى عنها




بالرغم من اننا كنا فقدنا الامل فى حفلة يتيم السنة دى



بس انا كنت متفائلة وحاسة ان ربنا مش هيضيع مننا ثواب زى دة



اى نعم احنا متأخرين فى الاعلان عن حفلة اليتييم وكمان فى التحضيرات بس ربنا هيعيينا على اننا نعمل اليوم دة


**((وقفة مهمة جدا))


(( الوقفة دى طبعا ملطوشة :d:d ))




اتعودنا كل سنة نرسم بسمة على وجه طفل يتيم فى يوم خاص بيهم

نلعب معاهم ونضحك ونحاول اننا نديهم حنان وحب وبسمة فى يومهم

مش محتاجين اننا نتكلم على ان الرسول وصى بيهم

ان شاء الله هنزور السنادى مؤسسة الأيتام اللى زورناها السنة اللى فاتت

المعاد لسة ما تحددش

لكن دلوقت مطلوب مننا انا نبدأ نجهز لليوم دة عشان يكون افضل من السنة اللى فاتت








((بالنسبة لجمع التبرعات))



ودة طبعا اهم عنوان فى التوبيك


كل عضو يتبرع ولو بخمسة جنية :d:d
الكلام دة بجد ومش تهريج

طب والله لو فكرتوا فيها هتلاقوا ان الخمسة جنية دى ملهاش قيمة عندنا واننا بنصرفها فى حجات تافهة ومبنحسش بيها

كمان كل واحد يبدأ ياخد تبرعات من قرايبه وصحابه واللى حواليه

فى عضوين قالوا انهم هيلموا تبرعات من الجامعة ودول الى اتطوعوا بجد ربنا يكرمهم يارب ويجازيهم خير على الى هيعملوة

محمود ((سندباد)) ابوعلى ((على))


بس بجد عضوين مش كفاية احنا عايزين مبلغ كويس فى وقت قياسى



يا مفكوكين يا محبين للخير

انا عايزة ناس تلم تبرعات مع العضوين دول



بنات واولاد
يا جماعة احنا كنا عشرين فرد بنلم تبرعات واكتر كمان

والحمدلله قدرنا نعمل مبلغ كويس وفرحنا الاطفال
المشكلة السنة دى بقى ان احنا عايزين ضعف عدد الافراد دة على الاقل
عشان نلحق عشان معندناش وقت خالص

اتمنى يكون عدد فاعلى الخير اكتر واكتر

ربنا يكرمكم يارب

وفى انتظار ردودكوا ومقترحاتكوا

اة وقبل ما انسى

بالنسبة للبرنامج

دة يااما حفلة عادية جوا الدار يا اما هنطلعهم رحلة خارجية ودى بنسبة كبيرة هتكون فى القاهرة

وبناء علية انا عايزة مقترحات اكتر هنا فى التوبيك وهنشوف احسن اقتراح فيهم وننفذة


دة لينك توبيك السنة الى فاتت

سلام%-(

ياااااااااااااااااااااااا ا رب يوفقنا السنة دي زي كل سنة
خصوصا ان السنة دي احنا بادئين متاخرين قوي
شكرا ليكي يا ندوش , ده موضوعك انتي , و كل سنة انتي اللي بتنظميه
بالتوفيق و كلنا معاكي

يارب ربنا يوفقك ياندى ويقدرنا نساعد ولو باى مجهود قليل
واحنا معاكى عشان ندخل فرحة صغيرة للقلوب دى

اوك ياجماعه انشاء الله نلحق نعمل حاجه
وانا معاكوا انا ومحمود اخويا باءذن الله
وفى ناس تانيه انشاء الله

ربنا معاكى يا ندى ويقدرك على فعل الخير

معاكى يا جميل واللى هاقدر عليه هاعمله ويارب تبقى حلوه زى السنتين اللى فاتو

تعرفى يا ندى
انا عمرى ما شاركت فى اى حفله لليتيم
سواء تبع المنتدى او بره
بس ان شاء الله اشارك معاكم
لو فيه اى حاجه ممكن اقدمها قوليلى
وان شاء الله تكون حفله جميله للايتام وينبسطوا فيها
بالنسبه للوقت
ان شاء الله هنقدر
ان شاء الله
احنا بس اهم حاجه نحدد احنا عايزين نعمل ايه وننظم الوقت كويس
ربنا معانا ويقوينا

بجد يا ندى رجعتي فينا الامل من تاني المهم دلوقتي الاقتراحات في صوره نقاط علشان الوقت والعمل والتوزيع :
1/ ان شاء الله كل واحد مننا شخصيا منيمم خمسه جنيه ده المفكوكين وكل واحد يلم من اسرته والناس اللي حواليه في بلدو ا اللي يقدرو
2/ قرار رحله نبسط بيها الناس او حفله ده قرار تابع للدار يجب ان يتم الر عليه بسرعه ودي وظيفتك انتي وهبه يا ندى عشان انتم اللي بتتعاملو مع الدار
3/ رحله يبقى هنواصل جمع التبرعات حتى انتهاء الميد تيرم بتاع كليه هندسه وده هيبدا سته اربعه "ده من وجهه نظري علشان لو قبلها يبقى صعب جدا جدا"
4/ مهم جدا في حاله اذا كان حفله يبقى ان شاء الله لم التبرعات لغايه الميت تيرم وبما اني معيد ومعنديش غير مادتين يبقى هنشتري التجهيزات ان شاء الله خلال اسبوع الميت تيرم
5/ الحاجات اللي هنشتريها وتنظيم الحفله ان شاء الله في حاله اعتراضهم على الرحله
وبكده احنا مطلوب مننا لغايه 6/4 نكون عاملين حاجتين تبرعات وقرار رحله ام حفله وفي حاله حفله يبقى ننزل نجيب الحاجه في اسبوع الميت تيرم مع تحديد المعاد

.................................................. ....
حاجه مهمه جدا الناس اللي جايه
بجد يا جماعه احنا محتاجين عدد كبير
علشان يقدر كلو واحد يقعد مع حد ويفكر معاه
ويغير نظرته السوداء للحياه
ونرسم بجد ع وجوهم البسمه
ونلعب معاهم ومن الجنسين وطبعا الحفله مضمونه وان شاء الله المعاد يكون مناسب جميع الاطراف مع مراعاه عودت البنات الا منازلهم قبل المغرب
زي المرتين اللي فاتم
وشكرا

وده كلو من وجهه نظري وليس منهج يتبع قابل للتعديل والمناقشه

انا معاكو ان شاء الله

كلام جميل
بس فى حالة تنظيم رحلة
هيكون مطلوب مننا ايه جمع تبرعات مثلا ؟؟

هل هينفع نطلع احنا كمان بعددنا وياهم ولا ايه ؟؟


----------------------------
وياريت نعرف احنا هنطلع رحلة ولا لأ قريب جدا

دا من حيث المبدأ عشان نعرف كان ممكن نجيب حد ولا ؟؟

يارب يا باشمهندس من بقك لباب السما

وشكرا ليك يا مصطفى على الفرصة الى اديتهالى

يارب اي هدير يارب يوفقنا كلنا ونقدر نعمل حاجة السنة دى

وانتى ياقمر ان شاء الله هتقدرى انتى وكل صحابنا انك تعملى حاجة كويسة فى اليوم دة واذا كان ع المجهود فا مطلوب مننا كتير
واحنا بنرتب هنعرف كل حاجة

تسلمى ياقمر على مشاركتك

باذن الله يا امينو وتنورنا انت ومحمود

بس اهم حاجة التبرعات لموا من بعض ومن الى حواليكوا

وربنا يقدرنا كلنا على فعل الخير

اللهم امين وربنا يخليكى يا ولاء
وحاولى تيجى بجد وان شاء الله هتنبسطى

هتنورى يا قمر وربنا يجعلة فى ميزان حسناتك يارب ويقدرنا كلنا على انها تكون احلى من السنتين الى فاتوا

وان شاء الله السنة دى هتكون مختلفة بالنسبة للك وهتحضرى وتقضى احلى يوم فى عمرك باذن الله

وان شاء الله احنا عايزين منك تبعرات من صحابك ومن الى حواليكى واخواتك وكدة يعنى

وبالنسبة للبرنامج والله حتى لو روحنا قعدنا معاهم كدة من غير حاجة وحاولنا نفرحهم باى هدية هتبقى حلوة

واحنا ان شاء الله هننظم بروجرام حلو يعجب الاطفال

بجد يا ندى رجعتي فينا الامل من تاني المهم دلوقتي الاقتراحات في صوره نقاط علشان الوقت والعمل والتوزيع :
1/ ان شاء الله كل واحد مننا شخصيا منيمم خمسه جنيه ده المفكوكين وكل واحد يلم من اسرته والناس اللي حواليه في بلدو ا اللي يقدرو

تمام قوى ووالله يا جماعة الى مستكتر الخمسة جنية بجد مش عارفين هما ثوابهم اية واحنا بنرميهم فى حجات تافهة

2/ قرار رحله نبسط بيها الناس او حفله ده قرار تابع للدار يجب ان يتم الر عليه بسرعه ودي وظيفتك انتي وهبه يا ندى عشان انتم اللي بتتعاملو مع الدار

تمام يا مصطفى باشا ومتقلقش احنا مسيطرين ع الوضع

3/ رحله يبقى هنواصل جمع التبرعات حتى انتهاء الميد تيرم بتاع كليه هندسه وده هيبدا سته اربعه "ده من وجهه نظري علشان لو قبلها يبقى صعب جدا جدا"

مفيش مشاكل واهى هتكون فرصة كويسة عشان نعرف نجمع اكبر قدر من التبرعات

4/ مهم جدا في حاله اذا كان حفله يبقى ان شاء الله لم التبرعات لغايه الميت تيرم وبما اني معيد ومعنديش غير مادتين يبقى هنشتري التجهيزات ان شاء الله خلال اسبوع الميت تيرم

المواعيد دى موضوع تانى لوحدة لسة هيتناقش باستفاضة بس نلاقى مبادرة كويسة على الاقل من الناس

5/ الحاجات اللي هنشتريها وتنظيم الحفله ان شاء الله في حاله اعتراضهم على الرحله
وبكده احنا مطلوب مننا لغايه 6/4 نكون عاملين حاجتين تبرعات وقرار رحله ام حفله وفي حاله حفله يبقى ننزل نجيب الحاجه في اسبوع الميت تيرم مع تحديد المعاد

باذن الله

.................................................. ....
حاجه مهمه جدا الناس اللي جايه
بجد يا جماعه احنا محتاجين عدد كبير
علشان يقدر كلو واحد يقعد مع حد ويفكر معاه
ويغير نظرته السوداء للحياه
ونرسم بجد ع وجوهم البسمه
ونلعب معاهم ومن الجنسين وطبعا الحفله مضمونه وان شاء الله المعاد يكون مناسب جميع الاطراف مع مراعاه عودت البنات الا منازلهم قبل المغرب
زي المرتين اللي فاتم
وشكرا

وده كلو من وجهه نظري وليس منهج يتبع قابل للتعديل والمناقشه

الف شكر ليك يا مصطفى باشا

اضافات زى الفل واتمنى يكون كل الناس استوعب الاضافات دى

اى حد عندة اقتراح او راى يقول زى ما مصطفى قال كدة

ان شاء الله انا بدات اتفائل يا ندى وباذن الله يكون يوم جميل ونلم ع قد منقدر
وطبعا مش محتاجين نفكر الناس ان ده عمل خير ومش عن طريق حد بنديلو فلوس وياخد فلوسنا ويضحك علينا
لا ده احنا هنشوف اللي بنعملو بيترجم قدام عنينا في عيون وابتسامات الناس دي وهنكون مبسوطين احنا كمان
يلا يا جماعه فين الهمه

انا متفائلة ان شاء الله يكون يوم كويس زى ما اتعودنا دايما
واحنا معاكى لحد ما نعمل اليوم دة اجمل ما يكون

بس نركز فيه ونعمل اللى علينا

طيب جميله اوى الاسئله دى
ضيفوا عليهم السؤال ده بقى عشان تجاوبوا مره واحده
هل من الممكن حد م خارج المنتدى يشارك معانا ولا لازم حد من المنتدى؟؟؟؟ مهم بالنسبالى

بالنسبة لنتظيم الرحلة انا مقدرش افيدكوا فية فى الوقت الحالى

بس عامة احنا مش هنتصرف الا بموافقة الناس كلها على البروجرام

وبالنسبة لو فى حد من برة عايز ييجى
اهلا وسهلا باى حد سواء من جوة المنتدى او من برة

الناس كلها هتنور

الاجابة فوق يا امينو

المشكلة الكبيرة

ان لحد دلوقتى مفيش حد دخل التوبيك وقال انة هيلم تبرعات

هى عيب ولا اية

اناا بنفسى كنت بلم تبرعات من الجامعة السنة الى فاتت

والمفروض انى بنت
وبالعكس مكنتش مكسوفة ولا اى حاجة من دى خالص

دة بالعكس دة كنت لما ادخل على اى حد واطلب تبرعات

كان بيبقى نفسة يكون فى مكانى ويلم معانا


انا مش عارفة لية انتوا مش مركزين غير فى الرحلة والفسحة والكلام دة

اذا كان على رحلة فاحنا ممكن من بكرة نطلع رحلة ودى مش حاجة صعبة

بجد عايزين جدية شوية

واحنا مش طالبين حاجة كبيرة قوى

والفلوس الى هنلمها دى زى ماقال تفاتيفى اننا مش هناخديها نديها لحد

لا .... احنا هنشترى ليهم حجات والى عايز يبقى ينزل معانا يشوف الحجات الى هنشتريها ..مفيش مانع

شوية جدية ربنا يكرمكوا

تمام كده تمام

اولا ربنا يكرمك ياندى .. بقلبك الطيب دايما

:)

واحنا اكيد معاكى ان شاء الله
واحنا فعلا بدأنا نجمع تبرعات النهاردة عندنا وكانت كويسة


بس بجد احنا حابيين مساعدة اكتر وانتشار بين اصحابنا
عشان نجمع من كليات مختلفة و يكون ناس موجوده كتير


يلا يا جماعة وكله بثوابه عند ربنا

---------------------------------

وممكن نوجه رسالة صغيرة

لاخوانا الولاد الـ 5 جنيه دى مش جايبة تمن علبه سجاير اجنبى
ولو انها طبعا متحرمة أصلا

وللبنات طبعا دى يادووب هتجيب تمن 2 كانز

لكن هتفرق كتير لما نجمعهم لصالح الاطفال الايتام دى

وكل حاجة ممكن تشاركونا فيها وتشوفوها فى الدار ويانا

لان فى ناس من بره المنتدى كتير حابة تشارك


وبس كدة ،،

ربنا يبارك فيكم


طيب ممكن اعرف لو حابب اتبرع ،، هتبرع لمين ....... وازاى ؟؟


وممكن احضر ولا ايه
دا لو حبيت ؟؟

اهلا يا ميلانو ومنور المنتدى

بالنسبة للتبرعات فانت ممكن تراسل الادمن بتاع المنتدى (darsh)

عشان لو عايز تديلة
ولو معاك مبلغ ممكن اكتبلك رقم الفيزا وتحولهولى علية

وبالنسبة ان حضرتك عايز تيجى

فا طبعا حضرتك تنور ولو عايز تجيب اى حد معاك هينورر بردة

وان شاء الله هتتبسطوا اليوم دة عشان بجد مش سهل خالص انك ترسم بسمة على وشوش الاطفال دول

يارب اكون فيدتك فى اسألتك

ربنا يجزيكى خير ان شاء الله يا ندى

هكون معاكوا ان شاء الله

وهجيب ناس اصحابى معايه

واللى تشوفوه فى اى حاجه انا معاكم

وان شاء الله ربنا يقدرنا دايما على فعل الخير

شكرا

اوك اوك

يارب يا احمد

وربنا يجازيك خير يارب

وهتنور اكيد انت والناس الى جايين معاك

عايزين همه يا جماعه اكتر واكتر الوقت بيعدى

عايزين مجهود اكبر وربنا معنا كلنا

ونقدر نعمل يوم جميل بجد نبسطهم

وكمان ننبسط معاهم

انا لسه شايف التوبك دلوقتى و الله
بس خيير ان شاء الله ربنا يقدرك ديما على فعل الخير يا ندى انتى و باقى المنتدى كله
و انا ان شاء الله معاكم لو مفيش يعنى اى تطورات او حاجه منعت
و هقول لضحى و للبنات كمان و نحاول نلم التبرعات ان شاء الله من بكره

على البركة
وربنا يستر

ازيك يا جماعة ايه انتم لسة محددتوش اليوم ولا ايه

يااااااااااه
ده في ردود كتير و في ترتيب و قصص و حوارات
انا عارف اني اتاخرت عليكم بالبانر
بس اديني عملته اهو
و انا هدخل تاني اشوف وصلنا لحد فين
معلش يا جماعة على التاخير

ايه انا جيت فى الوقت الضايع ولسه فى وقت
عموما لو فى وقت انا ححاول الم من اصحابى ومن البيت وكده
وربنا يقدم اللى فيه الخير وان شاء الله يكون يوم كويس جدا

هو لسة متحددش بالظبط مع الدار
بس هيكون تقريبا فى من 10 لحد 15
تقريبا يعنى
لما هندسة تخلص امتحانات ميد ترم

اتأخرت جدا ياعم شو
وانته بردوو شكلك ناسى موضوع الورق
الورق خلص يوم الأربع وعلى قالك ..

وربنا معاك فى الامتحانات ياعم
بس انته حابب تشيلها لوحدك

مش فى الضايع ولا حاجة
معانا وقت ومحتاجين مساعدات بشرية وقبلها مادية
يعنى لمى م البيت ومن اصحابك وانتى مطمنة

انا اسفة يا جماعة انا فعلا مش عارفة ادخل المنتدى الايام دى عشان عندى مشكلة فى الجهاز
وللاسف مش عارفة اتابع التوبيك

بس بالنسبة للوقت فاا متقلقوش خالص احنا لسة قدامنا وقت لان للاسف التبرعات قليلة جدا ومش نافعة حاجة وعشان كدة احنا فعلا محتاجين امدادات بشرية ناس تلم تبرعات معانا وزى ماقلنا الموضوع مش صعب ابدا ولذيذ جدا ومفيهوش اى مشكلة عامة بس انا كنت عايزة اعرف اية اخبار التبرعات بتاعت الاعضاء(الخمسة جنية بتاعت كل عضو ) حاولوا توصلولنا الفلوس باى طريقة احنا بجد ماتخرين وعايزين نلحق اى حاجة

معرفش

احنا جاهزين

-------------

كلها مسألة وقت لحد مايخلصو امتحانات بس

وبالمرة عشان الاولاد ميزهقوش بردو م الحفلات اللى ورا بعضها



و ان شاء الله

we will be the best ,0
we will memorized in there brains

as
2 last times

بالنسبة للفلوس بقى

لازم تدفع قبل ما نروح ولا تدفع هناك ولا ايه نظامها علشان اانا لو فى ناس تانية عاوزة تدفع بس هجسيب الفوس معايا اليوم اللى هنكون فيه هناك
ولا لازم قبل كدا عرفونى

انته لسة بتسأل يا حودة

لا ... هو انته المفترض انك هتجمع منك ومن معارفك واصحابك اللى يقدرو عليه

ودا لسبب ،،

اننا بالفلوس اللى هتتجمع دى هنعمل حسابنا ونجيب للدار والاطفال الحاجات اللى محتاجينها فى صور حاجات عينيه كدة

لأن دى اضمن من الفلوس اللى ممكن تروح

متضمنش هتروح للمكان الصح ولا لأ
لكن لما احنا نقول هنشتري لهم

هما يحددوا احتياجاتهم وفى حدود اللى معانا هنساعدهم ان شاء الله



يلا بقى
جمع من اصحابك واللى حواليك بسرعة عشان الوقت

اانا جمعت من الشارع والله شوية فلوس كدا ولسة فى تانى ان شاء الله

تمام جدا يا امينو

بجد ربنا يباركلك يارب

مجهود اكتر منر ائع

اما بالنسبة للفلوس فا زى ما دكتور محمود قالك احنا لازن الملبلع الى تجمعة يكون كاملا معانا عشان بنشترى للاطفال حجات قبل يوم الحفلة عشان نديهالهم يوم الحفلة فا حاول توصلهالنا عن طريق اى حد


شكرا يا امينو بجد

ياستى لا شكرا على واجب
خلاص ان شاء الله
هنزل الزقازيق يوم الخميس
وادى الفلوس لسندباد او امانى اللى هلاقيه فيهم هديهومله

يا عم ادى الفلوس لمصطفى
عشان هيجمع الفلوس كلها بتاعت مشتول