مين اللى عايز يقول رسالة لمشرفين المنتدى؟

زي ما ميني قالت بالظبط
العملية حسابية
كل كام ساعة المنتدى بيحسب مين اكثر مشاركات
و بينزله كعضو مميز
كذلك للمجموعات التانية

محدش يزعل مش كل هيرد على الموضوع

معقول مافيش حد عندة رسالة او حاجة عايز يستفسر عنها
دة اية العبقرية دى ربنا يزيد كمان وكمان

ممكن تكون مفيش إستفسارات ولا مشاكل

وممكن كان التوبيك مستخبى ..

وممكن فى حاجه إسمها رسايل خاصه .. الأعضاء بيتواصلوا بيها

مع المشرفين أو الأدمن

و فى قسم البريد ..

اللى بيحتاج يستفسر على حاجه بيسأل هناك

أو ممكن كان فى إمتحانات ما إنتِ عارفه الإمتحانات وخنقتها ...

ياريت أكون قدرت أوضح لك سبب (العبقرية) اللى حصلت فى المنتدى !!

وبرضه التوبيك اكيد هيبقى مفتوح للأعضاء .....

انا عملت الموضوع علشان تكون جميع الاستفسارات واجاباتها قدام الكل بدل ما كل واحد يسأل فى رسالة خاصة وبالتالى كلنا هنتعلم من بعض والا انتى اية رأيك يا وهم؟
واذا كان الموضوع مستخبى فأنا اهو رجعت من تانى ومش هيكون مستخبى تانى
وربنا يوفق كل اللى عندهم امتحانات ويرجعولنا بالسلامة

أكيد طبعا كلنا هنستفاد ..

وانتِ اكيد هتهتمى بالموضوع ومش هيستخبى

ويارب يوفق ويكرم اللى بيمتحنوا

نورتِ المنتدى من تانى

المنتدى منور بنورك يا سكر وبنور كل اصحابى اللى بجد وحشونى

السلام عليكم ورحمه الله وبركاته

ممكن اعرف من الساده المسئولين عن المنتدى

ازاى ما ينفعش اغير الصوره الرمزيه الا بعد 20 مشاركه ؟؟

ليه يعنى انا بصراحه عمرى ما شفت الكلام دا فى اى منتدى خالص


بقى ينفع يا جماعه الصوره الى محطوطه دى ..........لا تعليق.......
ياريت يا جماعه تغيروا النظام دا

وعليكم السلام ورحمة الله وبركاتة
انا مش مشرفة هنا بس ارجو من المشرفين يسمحولى بالرد
والله انا كنت من الناس اللى مخنوقين من الصورة دى وشوية واتعودت عليها لحد لما زودت عدد مشاركاتى وبعدين دول بس 20 مش 200 يعنى لو قعدت حالا ورديت على كل موضوع هتوصل لل20 وهتقدر تحط الصورة اللى انت عايزها
واستنى برضة الرد من المسؤولين

بيتك و مطرحك
متقوليش كده


السادة المسئولين وصلوا اهو

ممكن تقرا التوبيكات دي
هتلاقي فيها اجابة على استفساراتك كلها

ماشى يا مصمطفى ما انا عارف انها هتتشال بعد 20 او25 مشاركه
بس انا راى ان دى مساله مش كويسه

خصوصا انى بشوفها لأول مره هنا

ثانيا "" ومعلش عشان انا متعود اقول راى بصراحه"""

مفيش حاجه اسمها قوانينى وديكتاتوريا

انا قريت الكلمتين دول فى احد الموضوعات الى انت قلتلى اقراها _ التلاته الى فوق دول

تبقى تقول قوانينى او دكتاتوريه لو انت جابرنا على المشاركه فى المنتدى اما انا لما اشتركت فى المنتدى دا اشتركت فيه عشان هو كويس وفى ناسى كتير منه صحابى

ومعلش يعنى لو كنت طولت عليك فى الرد وما تزعلش منى عشان دا راى

وعموما انا هضطر استنى لحاد مخلص ال20 مشاركه عشان اغير الصوره دى

وشكرا

الاعضاء اقل من 25 مشاركة
زي ما قلت
بالنسبة للادارة مجرد زوار !
و دي مش ديكتاتورية
ده عدل
السايت مفتوح بقاله سنين , و مش من السهل نحكم على حد قبل 25 مشاركة
الموضوع ده اتناقشنا فيه كتير
و لانك لسه جديد فبرده مش عارف التفصايل :)

شومان صح يا سوبر هيرو
يا ما كتير جت اعضاء في الاول
قالوا السايت جميل و حلو
و اننا هنقعد , بس نفسنا نشوف الحاجة الفلانية دي تتعمل
و مش بنشوف وشهم بعد كده
شومان صح في حتة اننا نمشي كلامنا على الاعضاء الاقل مشاركات من 25
و بعدين 25 مشاركة زي ما مونينا قالت حاجة بسيطة يعني
و احنا هنا مفيش ديكاتورية
بس في عدل
حلوة في عدل يا شومان
هههههههههههه

طبعا بيشرفنا وجودك معانا فى المنتدى
و 20 مشاركة مش كتير
وشومان مش دكتاتور خالص دى قوانين اتفقنا عليها
كل اللى فى المنتدى دة اصحاب واخوات مفيش فرق خالص بين ادمن او مشرف او عضو جديد او قديم
كلنا اخوات
و20 مشاركة مش هيتعبوك فى حاجة بالعكس دى فرصة كويسة عشان تقدر تشارك وتتعلق بالمنتدى اكتر واحنا كمان نعرفك اكتر
ومش معنى ان الفكرة دى مش موجودة فى منتدى تانى تبقى هى غلط او دكتاتورية لكل ادارة بتشوف المناسب ليها
مفيش منتديين زى بعض

طبعا اسعدنا وجودك معانا والمنتدى منور بوجودك اكيد وان شاء الله تعمل معانا مشاركات كتير اوى مش بس 25
منور

ههههههههههههههههه

ايه يا جماعه انا ما قلتش ان مصطفى ديكتاتور وانا تقريبا لو مصطفى الى فى بالى يبقى انا قابلته شخصيا فى مره .............. واما يبقى ليا الصلاحيه لارسال رسائل خاصه هحكيله الموقف واشوفه هو الى قابلته ولا لأ

دى بس كانت ملاحظاتى لأنها بالنسبه ليا اول مره اشوف النظام دا فبس كنت بستفسر

وانا عارف ان 25 مشاركه مش كبيره وانا خلاص عدتهم وغيرت الصوره

وياريت ما اكنش زعلت حد منى


وشكراااااااااااااا للجميع

اول حاجة شكرااااااااااا على التوبيك الجامد
تانى حاجة انا ماعنديش بس هيكون عندى

الشكر لله، نورت الموضوع

ana eftakart we 3ayz a2ol
fe 3do 7atet a3'nea fe tw2e3h we lama ad5ola mawdo3 al2e elo3'nea es'''ta3'alt
tab leh
ana mesh 3ayz asm3 a3'ane aw ana basm3 wenta betrazel 3alea



leah ba2a

هههههههههههههههههههه
ايه اللغة الغريبة دى
انا عمرى ماعرفت اقرا حاجة فيها ومش عارفة برضة حالا اقرا اى حاجة
اية دة هو انا جاهلة ومش بعرف اقرا؟
على العموم اكيد م/مصطفى هيعرف يقراه ويرد عليك

@};- برافو عليكي يا منيانا ع الموضوع هااااااااايل@};- ونا بس احب اشكرهم علي المنتدي الرائع دا جزاهم الله خير@};-

ربنا يخليكى يا عمرى انتى ماتعرفيش انا فرحت اد اية لما سجلتى فى المنتدى
نورتينا كلنا

فى مشكلة بتواجهنى
فى اعضاء بيقلبوا فى الصفحات القديمة ويردوا على المواضيع القديمة اللى بقالها سنتين ودى مواضيع خلاص ماينفعش يترد عليها وبالتالى بتظهر المواضيع دى فى الاول وبتدارى على الواضيع الجديدة
عايزين نشوف للحكاية دى حل

هي مش مشكلة خالص
صاحب الموضوع لو يستحق الشكر على موضوعه
مش مشكلة لو الشكر جه بعد سنة او اتنين :)
لا دي مش مشكلة
بتبقى مشكلة لو حد عايز يعلي مشاركاته قوي
و بسرعة
و نازل رد على كل المواضيع

كتير مننا مش بيعرف يستخدم بنك فكك منى
وانا اولهم
عايزة حد يعلمنا ازاى نشتغل علية ونعمل الحاجات الجميلة دى فى الاسم

حلو الموضوع دة

شكرا ليكى
فين اسألتك؟
مافيش؟
اوكى لما يكون عندك اى استفسار حطيه هنا

ماحدش عايز يعرفنا
اوكى ميرسى قوى
انا هعلم نفسى بنفسى
ولا الحوجة لأى حد

قريبا التعريب الكامل
و الشرح لكل الخصائص
عشان هو كبير
و فيه خصائص كتير

حقيقى موضوعك هايل وفعال وهيغير المنتدى كتير
وبحييك يا درش على ردك الجميل
شكرا ليكىdr\monyana
وانا الحقيقة مش شايفة حاجة مش كويسه فى المنتدى

ميرسى ليكى ياسندريلا
دا انتى اللى اسمك هايل

اية حكاية ال black list members
انا بشوف اعضاء بيتشطب على اسماؤهم
على اى اساس؟
اعذرونى فى السؤال بس انا بحب اعرف اى حاجة انا مش عارفاها

وانا معاكى فى نفس السؤال ايه نظام black list members

هو الاعضاء اللى بيحصل معاهم كده بيكونوا عمل حاجه غلط بس حاجه كبيره شويه فى حق المنتدى ومنهم اعضاء بتكون داخله تخرب فى المنتدى
وفى اعضاء بتكون اخدت مخالفه قبل كده اما بياخدوا مخالفه تانيه بيقوم معمول ليهم بان
وفى اعضاء بيطلبوا كده عشان بيكون عندهم مذاكره وللا حاجه وشايفين ان دخولهم المنتدى معطلهم عن المذاكره فبيطلبوا كده لانهم مش قادرين يمنعوا نفسهم من انهم ميدخلوش المنتدى بالذوق فبنعمل ليهم البان عشان ميدخلوش بالعافيه

لو فى اى حاجه تانيه تحت امركم

اوكى شكرا ليك يا احمد
بس حلوة حكاية العافية دى عشان الامتحانات
ههههههههههههههه

انا عايزة ابعت رابط موضوع لكل الاعضاء مرة واحد
لانى مش معقول افتح ملف كل واحد وافضل ابعت
اية الحل؟

مفيش حل
الموضوع ده مفتوح بس عن طريق ارسال نشرة بريدية عن طريق الادارة
و مينفعش انه يتبعت عن طريق الاعضاء
بس في حل ابسط
انك تعملي جروب او مجموعة اجتماعية و تجمعي فيه اصحابك
و لما تنزلي حاجة جديدة تنزليها ليهم فيها

السلام عليكم عايزة اعرف انتخابات رابطة المخنوقين خلصت والا لسة ؟؟؟

اتعملت اصلا الرابطة

انا بقى من ساعه مادخلت هنا وانا نفسى الاقى قسم اسمه قسم الرياضه لان انتو عاملين دوره بكين وكاس الامم ومعرفشى ايه دول بره لوحدهم لا اعملوا قسم للرياضه عشان نحط فيه اى موضوع رياضى بعيد عن السابقين دول وكمان ياريت يبقى فى قسم المواهب يعنى مثلا اللى عنده موهبه فى حاجه يدخل ويكتبها وكمان يبقى فى مشاركات على المنتدى مثلا الشرف يكتب ياجماعه فى ندوه يوم كذا الساعه كذا هنتكلم فيها عن كذا وندخل كلنا ونتكلم سوا ونشوف راى بعض ايه وشكرا بجد لو الحاجات دى اتنفذت وبجد منتدى رائع ونسانى نفسى بس ياريت يا اخ مصطفى ميبقاش زى ماسعد زغلول قال ... مفيش فايده

في حملة التجديدات
انتظر الجديد :|