هتيجوا معانا.......لالا دا مش أمر....... دا مجرد عرض بس.......

بصو يا جماعه انا ان شاء الله لو ليا عمر معاكو فى اى حاجه بس حددوا

شكرا كوووول ويا رب يجعله فى ميزان حسناتك وانا معاكم طبعا باذن الله بس رايى من راى شريف يا ريت تكون فى القاهرة لانى من سكان القاهرة واى بلد بعيدة عنى وما ينفعش اروح وعلشان كده ما بحضرش اى حاجة يعملها المنتدى لا حفلات ولا زيارة يتيم ولا اى حاجة فيا ريت تكون قريبة منى وشكرا ليكى

معلشى يا جماعه انا انشغلت عنكم
بس والله عندى ظروف
ان شاء الله احاول اكون معاكم من يوم السبت واعرفكم وصلت لايه
ربنا يجازيكم خير

على البركة

عوزين نعرف الميعاد والمكان

بس يريت بسرعه

منتظرين

انا اخرى من القاهره للزقازيق
عشان اساسا المنصوره انا معرفش اى مكان هناك
انما القاهره سهل اننا نسئل فيها
وربنا يسهل

يا ريت يا كوووول يبقى فى القاهرة احسن
حتى كمان هتبقى موصلاتة اسهل
غير المنصورة موصلاتها مش عارفين فيها حاجة وصعبة

ياريت يا كووووول تقولى حاجه

فين وامته

ويريت الرد يكون بسرعه

تقبلى تحياتى

جزاكى الله خيرا وجعله فى ميزان حسناتك

ايه ده هوا مفيش حاجه بتتحدد ليه

الحوار ده مش هيخلص ولا ايه

الدراسه هتبتدى وفى ناس كتير معتمده انهم فى اجازه وجايين ولو الدراسه بدات ممكن يبقى صعب عليهم

فياريت لو نحد بقى ونقول اخر كلام

موضوع جميل

معلشى والله يا جماعه
انا كان عندى ظروب ومكونتش فاضيه خالص
بس الحمد لله فضيت شويه
بصوا انتوا عاوزين تعرفوا المكان
ان شاء الله المكان هيكون
مدينه نصر
اللى موافق على المكان يدخل يقول وان شاء الله الميعاد هيتحدد بكره
بس اعرف انتوا موافقين على المكان ولالا

اوووووووووووك بس مدينة نصر بعيدة عليا شوية بس قولى امتى والساعة كام بالظبط وانا هشوف ساعتها هعرف ارتب امورى ولا لاء وربنا يسهل وجزاكى الله كل خير

الموضوع فكرتخه جميله جدا جدا كول
بصراحه عجبتنى
بس هو فيه حاجه ممكن تمنعنى من انى أسافر معاكم
رغم أن العمليه مش صعبه بس أن شاء الله هاجى بأذن الله
أنتى بس حددى الميعاد وانا هشوف ظروفى ايه
وجزاك الله كل خير

قشطه يا ريس

بصراحة مدينة نصر بعيد جدا عنى
انا آسفة ممكن ماكنش موجودة
بس هحاول

معاكم ولو فى الصعيد

هنستنا الميعاد

تمااااااااااااااااااااااا اااااام
وربنا يسهل
وان شاء الله هنبقــى موجودين

اوك

فين الميعاد ؟؟؟؟؟؟؟

على فكرة لو هو مدينة نصر
الميعاد ياريت يبقى الاسبوع اللى جاى
لانى كدة كدة نازل 6 اكتوبر
وهاجى انا وواحد معايا من المنتدى
بس ياجماعة من رايى
فى الزقازيق دار مسنين اكتر من مدينة نصر صدقونى والله
ياريت الزقازيق للافضلية بجد

تم الاتفاق على المكان
باقــى الزمان
وفى انتظار الموعد المحدد

ايه اللى ناقص

المكان اتفقنا على مدينه نصر

الميعاد لحد دلوقتى مش عرفينه

يا كووووووووول انتى روحتى فين ؟؟؟

معلشى يا جماعه والله دا كله بسبب الاداره
لان الميعاد بعيد جدا واحتمال يوصل للعيد بسبب شويه حاجات كده
يعنى تانى يوم العيد علشان نعيد معاهم
بس بنحاول نقربه شويه
وممكن نبقى نروح تانى فى العيد
بس دا لما يخلونا نروح اول
وكمان انا سالت تايجر على مكان فى الزقازيق علشان نقدر نروح قبل رمضان ولسه مبلغنيش باى حاجه
بس ان شاء الله هشوف حل معاهم تانى بكره

على فكره الحوار كل مابيتاخر كل ما الناس هترجع فى كلامها وهتزهق

لأ بجد فعلا
كل تأخير فى الحوار ده
بيخلى الرد يتراجع
وبعدين احنا خلينا الموضوع فى مدينة نصــر
يبقــى اتفاقنا نثبت عليه

شكرا كوول

طيب يا عم احمد انا مش معترضه على المكان
بس الميعاد كده هيكون بعيد جدا
والله انا محتاره اكتر منكم وكمان عندى ظروف صعبه
تدريب ودورات كل يوم برجع من القاهره بعد المغرب
معلشى اعذرونى فى التأخير اللى حصل ده
وان شاء الله خير
وكل تأخيره وفيها خيره زى ما بيقولوا