علمني..وهعلمك...افتكرك ...وتفتكرني..برجاء الاهتمام والمتابعه

بجد الموضوع فكرتة هايلة
بعد 3 سنين كلية اتعلمت انى عشان اقدر اكسب اصدقاء بجد لازم اعاملهم بنفس الطريقة اللى انا احب انهم يعاملونى بيها
اتعلمت كمان ان نعمة الصديق من اهم النعم فى الدنيا

فكرتك حلوه اوى يا ريرى
تسلمى عليها يا قمر
انا اول مره اشوف الموضوع ده بجد تحفه

و اجبتى على سؤال همسه
و انا اكيد هزعل و ممكن غصب عنى اعيط كمان
لان لو الشخص ده ( صديقه او اخت او ام او اب ) اللى هو المفروض يكون اكتر واحد فاهمنى , موش قادر يفهمنى و فهمنى غلط و موش عارف يفرق امته اكون زعلانه و امته لاء و زعل كمان منى , يبقا مين بقا يفهمنى :(
فأكيد هزعل منه
و شويه كده و هروء و اعتبه
لكن لحظتها هكون زعلانه جداا

يعنى انتى معايا ان خلط الامور ببعضها غلط كبير جدا
ياريت نتعلم ده
ميرسى ياريرى على ردك

ميرسى على المرور والرد
ويسعدنى اسمعك واساعدك على حل مشاكلك

شكرا يا ميسى على ردك
وميرسى على رأيك الجميل واضافتك اللى اثرت الموضوع

متستغربيش انك اتعلمتى حاجه بعد 3 سنين الانسان منا عايش يتعلم

وفعلا الصديق الوفى نعمه لاتقدر بثمن
وميرسى على المرور والرد

بنزعل من عشمنا وبنسامح عشان بنحب
والعتاب بين الاحباب
بس لازم متكونيش زعلانه او غضبانه لانك بتضايقى نفسك قبل اى حاجه

وميرسى على مرورك وردك تقبلى مرورى

فكره جميله جدا

أنا بالنسبه ليا ريرى المشكله الاولى انى نجحت فى الالتيرم الاول تمام فى البيت مش عاجبهم الموضوع .................... أنا عارف أن الموضوع فكرته غير كدا بس عاوز غيرى يتعلم من مشاكل غيرة وياخد درس .............................. ماعلينا اعمل ايه التقدير الى أنا جبته مش عاجبهم عاوزنى اجيب اعلى من كدا فعشان كدا البيت كله مقاطعنى كأنى عايش فى مغارة أعمل ايه ........................
الحاجه التانيه مش عجباهم طريقه لبسى خالص رغم أنه يعنى ماشى على الموضه بس يعنى مش عجبهم أعمل ايه مستنى الحل

عايزة اطرح موضوع جديد
المواجهة
لو كنت زعلان من شخص هل تواجهة؟ لو كنت متضايق من واحد هل هتعرفة؟
موقف حصل معايا اتعلمت منة انى اواجه بدل ما اهرب من الموقف
زميل ليا فى الكلية كل يوم كان بيطلب منى محاضرات ، تسجيلات وغيرة انا طبعا كنت بوافق كلنا فى الكلية زمايل واكرر تانى فى الكلية بس او فى المدرج والمعمل بس هتقولولى فين المشكلة
المشكلة انة كل يوم بيكون عايز يروح معايا من الكلية ولو شافنى الصبح بيكون عايز ييجى معايا ويمشى معايا طبعا لوحدنا انا على طول كنت بتهرب يعنى بقول لة عندى مشوار او هقعد مع اصحابى شوية لحد ما جة يوم وبجد كنت زهقت وقفت فى الشارع ولاول مرة اعمل حاجة زى كدة وقلت لة " انا مش ممكن امشى معاك فى الشارع لوحدى الناس هتبصلى نظرة مش كويسة وبعدين احنا زمايل بس فى المدرج او المعمل غير كدة لأ " ومشيت
صدقونى المواجهة دى ريحتنى جدا جدا وانا كبرت فى نظر نفسى واتعلمت انى اواجة اى موقف انا مش راضية عنة
كمان عايزة اوجة رسالة للبنات اللى بتمشى مع اولاد لوحدها "اتقى الشبهات احنا فى مجتمع شرقى يعنى لو اى واحد ماشى مع واحدة بيقولوا عليهم........ كمان خلى نفسك عزيزة يعنى ماتمشيش مع اى حد وماتكلميش اى حد انا مش بقول ماتكلميش اولاد خالص لأ بس فى حدود الادب والاحترام وفى المفيد على طول مش هزار وضحك و........ صدقينى الناس مش بتجيب المسؤولية على الولد اد مابتجيب المسؤولية على البنت " ارجو انى ماكنش اطلت عليكم ومستنية الآراء

فكرة جيدة والبتوفيق

كل الاهالى بتكون عايزة اولادها يكونوا احسن واشطر ناس وكمان بتكون عايزة تبقى فخورة باولادها
اهلنا عارفين مصلحتنا اكتر مننا حتى لو كان سننا 30 دة لان عندهم خبرة فى الحياة
بالنسبة للتقدير اى حد ممكن يجيب تقدير امتياز او جيد جدا لان عقل النسان يقدر يشيل معلومات قد 4 موسوعات علمية والمعلومة دى انا سمعتها فى برنامج the doctors فلية مانفرحش اهلينا ونجيب تقدير امتياز او جيد جدا صدقنى انت كمان هتكون فرحان وفخور بنفسك لما تجيب تقدير زى كدة شد حيلك وذاكر جامد فى فترة الامتحانات بس دة هو شهر واحد او شهرين كمان اعرف ان وقت الهزار هزار والجد جد
بالنسبة لموضوع اللبس اكيد لبسك على الموضة قوى قوى ومطرقع عشان كدة مش عاجب اهلك اللبس لازم يكون شيك بس محترم وصدقنى مش لازم تكون ماشى على الموضة اهم حاجة اللى جوة مش اللى برة
حاول تتفاهم مع اهلك وتكلمهم وتسمع آرائهم فى كل حاجة تخصك صدقنى ساعتها هيسمعولك هما كمان ومش هتعيش فى مغارة
الموضوع بسيط بس انت حاول

الباحث عن الحب ميرسى لمرورك وردك

مع انك وجهت مشكلتك لريرى بس اسمحلى اجاوبك من وجهة نظرى الصغنونه اوى
واضح من كلامك انك متضايق من طريقة معاملتهم ليك فا ايه رأيك لو تحاول تيجى على نفسك شويه وتسمعهم
شوف يمكن تتفقوا
جرب كده تلتزم شويه فى بمذاكرتك ودروسك حاول تحسن تقديرك الترم الجاى
حاول تلبس موضه بس حاجه هاديه شويه يعنى ترضيك وترضيهم
حاول وجرب ومتيأسش من اول محاوله
وان شاء الله الحال يتصلح وكله يبقى تمام
وفى الاول وفى الاخر هما اكيد عايزين مصلحتك بس هو اللى عامل مشكله اختلاف الاجيال ةاصطدام الثقافات بس مش اكتر يعنى مشكله بسيطه اوى لو جيت على نفسك شويه ممكن تحلها
وربنا معاك ويوفقك وفى الاخر محدش بيعيش لحد ولا بيعيش حياة حد
كل واحد بيعيش الحياه اللى هو بيبنيها وان فى المرحله دى بتبنى حياتك
فا شوف بقى انت عايز تبنيها وتعيشها ازاى وبناء عليه كمل فى طريقك وربنا يوفقك
بس ياريت اكون افدتك

هو بالنسبه للمواجهه
فا هى اقصر الطرق
لازم الانسان يتعلم يواجه
والاكيد انه لازم يواجه نفسه قبل ما يواجه الاخرين
اما بالنسبه للقصه اللى انتى سردتيها
فا المواجهه فعلا كانت افضل وجميل انك ارتاحتى لما واجهتى
انا معاكى قلبا وقالبا فى اننا لازم نواجه اى حاجه ومنديهاش ظهرنا ونقول هتتحل لوحديها لانه بجد مفيش حاجه كده
تقبلى مرورى يا جميله وميرسى على الفكره الجامده

فعلا عندك حق كلامك هايل بس فين اللي يسمع=d>@};-

ميرسى ليكى يا همسة على الاهتمام والرد