ايه يا جماعه الخنقات دى والاراء دى كلها الموضوع بسيط خالص..
لو كانت عارفه حد او بتحب حد فده هبسهل الامور وعلى البركه...
اما لو واحد شفها مثلا فى اى مكان عند حد من الاقارب فى فرح..
كده يعنى..
يسأل عنها ويعرفها...وكمان مش يروح كده على طول عندهم فى البيت...لا طبعا دخول الناس فى البيت مش بسهوله...
يقول لحد قريب يقول لاب يشوف هل فى قبول ولا لا..
علشان زياره البيت دى تكون للاتفاق على التفاصيل ..مش اروح البيت واترفض بتبقى صعبه اوى ومحرجه للاتنين الولد والبنت..
اما الفئه من الرجال اللى واخدين فى نفسهم مقلب وفاكرين ان مفيش حد زيهم يعنى يدخل على اى واحده وطبعا ما تقدرش ترفضه
اصله سلاله ندره حضرته ...دول ربنا معاهم ويشفهم...
اما بقى حته انه يجى يتفرج عليها ويا عجبت يا معجبتش دى شيفاها بتقلل من قيمه البنت هى مش بضاعه ودا بيبقى العيب على أهلها اللى مرحضين بنتهم كده...
ويا جماعه فى الاخر بتبقى قسمه ونصيب وقدر ربنا حاطه لينا
ممكن واحد عمرى ما شفته ولا اعرفه واول مره اشوفه يبقى فى ارتياح وربنا يتمم بخير وممكن واحد اكون اعرفه وما تعرفش ايه اللى يحصلوالحكايه تتفركش
....كله مقدر ومكتوب..
